. البـارت 426 ☆ مشـاعـر مسمـومـة 💜 👌🏻👇🏻 😍 📚 @rewayatyamania  🇾🇪 رامي من خارج يصيح ويترجى لهم يدخلوه زينوا زينة تليق بالمتجر لأن المتجر بيفتتح من الساعة 9 الليل للساعة 2 الصباح لأن رمضان والوقت يقتلب العيال تموا زينة الرفوف والسقف والباب البنات جهزوا سفرة يانفس ماتشتهي، روان أضافت مكسرات للسفرة سارة تراقب يزن وفي داخلها إقتنااااع أنها بتحب إياد "يزن" وإن هو بيكون عوضها وحبيبها وزوجها ورفيق دربها بجهة ثانية روان تراقب رامي وهو خارج وتضحك عليه وتراقب الشباب ومرحهم والبنات وتعاونهم وقلبهم النقي الصافي وبينها وبين نفسها: ياااارب اكتب لي النصيب مع هذه العائلة الحبوبة المتكاتفة، فيهم روح العائلة بالرغم كل اللي يمروا فيه إلا إنهم ماضيعوا فرصة الإستمتاع بروحانية رمضان، أتمنننى ياااربي أكوون جزء من هذه العائلة من هذا الود والمحبة والمرح والتعاون روان دعت من قلبها إن يكون رامي نصيبها وقدرها ، لأنها عارفة إنها مابترتاح نفسياً وما بتتقبل أي علاقة إلا بعائلة الحج صالح، حست جلساتهم وإجتماعاتهم مختلفة ومميزة إياد: إنا ياجماعة دخلوا رامي مايسبر هكذا، نطرد صاحب المحل ياسر قام يفتح له: هههههههه كله من عمله دخل رامي وهجم فوق الأكل: جوعتوووني وأنا خارج أكلوا وأستمتعوا بالأجواء عند البنات هن خلف دواليب الكتب عشان الكل يقدر يأكل براحته آسيا: روان ونجاة بالله هيا كملوا السمرة معانا بنلوي بصنعاء روان: ما جبنا لأبي خبر نجاة: أنا بكلمه قامت نجاة تتصل لأبوها..... نظفوا بعدهم وغلقوا المحل وخلوا زينة الباب بس هي اللي والعة نجاة وروان منذهلات من المنظر والأجواء بالرغم إنهم يعرفوا الطرقات تمام بس هذه المررة غييير وهم بلمة ومع صديقاتهم ، كان شعوور غيير، البنات متحمسات مابين ضحك وصفاط وهبالة غيروا النفسية مليون بالمية @rewayatyamania المصدر الأول للروايات عند أبو إياد وقف عن الأكل: رقية... أم إياد قاطعته: أيش تشتي مني يا شرف ليش كل هذا أبو إياد بصدق: أشتي أعتذر لش عن كل السنين اللي ضاعت من عمرك أم إياد بكت بقهر: على أيش يا شرف جاي تعتذر وما هان قلبك تعتذر إلا بعد موت حبيبة قلبك هانت عليك كل السنوات وجاي تطلب السماح بيوم أبو إياد مقهور: من أول يوم تركتك فيه وانا بنفسي أعتذر مش من بعد موت سحر بس أبي منعني وأنتي تعرفي أم إياد ضحكت بقهر: شرف إحنا إنتهينا من من 27 سنة وخمسة أشهر و.... شرف قاطعها بهدوء: و 19 يوم و 11 ساعة رقية سكتت بصدمممة شرف: كان يوم الثلوث رقية حاولت تمسك دموعها وما تبين ضعفها شرف بصدق: لو كان إنتهى ما كنا حافظين وقت الفراق بأبسط ساعاته رقية شدت على يدها: كان الفراق فراقي وحدي يا شرف، هذاك اليوم كان فراقي وكان إجتماعك بالحب والحياة أبو إياد بنبرة قهر: كان بداية أيامي مع عذاب الضمير رقية وقفت: عذاب ضميرك ما بيرد لي شبابي وسنيني اللي ضاعت على الأقل إذا ما كانت دموعي عليك كانت على ولدي اللي بسببك وسبب حبك وعناد أبوك كان ضحيته قلب أم أبو إياد بثقة: وقلب عاشقة أم إياد شوية وتضعف وتنهار لأنه قال الحقيقة: كان قلب عاشقة بس نسيتك بسنة أبو إياد إبتسم: أثبتي لي وسامحيني ، لأن الحقد ما يحمله إلا قلب محب أم إياد خرجت وأبو إياد عارف كم إنظلمت وإنجرحت وعاش عذاب ضمير بس اليوم أدرك إن الجرح أعمق من عمق البحر نزل ووصلها للبيت . . الحج صالح شاف رقية وإستغرب شاف للسيارة وإنه إبنه سكت الحج صالح: وين العيال؟ أم إياد مقهورة: مدري حفيدك غدرني ووداني عند إبنك عاقب إبنك لا تعاقبني أنا لأنه رفض يروحني دخلت وشرف ضحك بدون شعور على كلامها الحج صالح ما جاب كلمه وهو راضي كل الرضا بحركة يزن هذه لكن جالس في الباب مريع لهم..... أبو إياد مشي بدون ما يكلم أبوه أو يسلم عليه . . الشباب حسوا على أنفسهم وقد الساعة 2 بالليل والبنات بدؤوا ينعسوا رانيا شافت الساعة وشهقت: هييييييء ثنتييين يا إياااااد الله يستررر كيف عاد يعملنا الحج صالح سارة بتوتر وقلق: اللهمَّ برداً وسلاماً، ياااارب نجي وهو راقد آسيا تنهدت برااااحة رانيا: ماهي إلا لك يا آسيااااا، أنا من الآن بشرط على ياسر نعيش ببيت لحالنا نخرج متى مانشتي ونرجع متى مانشتي البنات: ههههههههههههههههه سارة تشوفها بمعنى وأناااا رانيا: وأنتي مه! قد معك رئيس الإقناع والمراشاة ماعاد تشتي الكل: هههههههههههههههاااااي سارة تخبطها: تففف يا تافههه . . وصلوا روان ونجاة لبيتهم دخلوا ياسر وإياد وحسام البيت ورانيا وسارة وراهم وهم متوترين وخائفين، دخلوا واللمبات حق الصالة طافية، تنفسوا براحة، دخلوا وكل من كان بيطلع على شقته....... 📚 @rewayatyamania  🇾🇪