. البـارت 444 ☆ مشـاعـر مسمـومـة 💜 👌🏻👇🏻 😍 📚 @rewayatyamania  🇾🇪 إياد بندم قتل قلبه: آسف إنك كنتي لوحدك تصارعي كل شي بس خلاص الآن أنا معك سندك وقوتك وبعوضك بحياة أنتي تتمنيها ولو أصارع جدك وحسام للموت آسيا غمضت عيونها وتساقطت دموعها: داليا إياد مستغرب: داليا؟!!! آسيا حطت يدها فوق عيونها وبكت بقوة من أول وجديد: داليا لا تسحرت ولا تعشت ولا فطرت ولا قامت وكانت حمى ومررريضة خرجت أجيب ماء أخرق لها غلقت على نفسها إياد قام خايف عليها ما دريش كيف خرج ووصل لغرفتها إياد يدق الباب: داليا داليااا . . في بيت الحج صالح حسام نزل من سيارة رامي ورزع الباب دخل وشاف يزن قدامه يزن راح ومسك يد حسام من معصمه: تعال مش وسط البيت تعال حسام هزر يده وخرج ويزن لحق بعده وياسر بعدهم رامي شافهم ولحق حسام وقف بعيد من البيت: قد الأخ يزن ما قصر ووصل لك الخبر..... ما كمل كلامه إلا وإنضرب بوجهه بلكمة من رأس يزن سومته وحسام طوالي رد اللكمة ليزن وتضاربوا كل واحد يضرب الثاني رامي ماسك حسام يسحبه وياسر ماسك ليزن وكل واحد يحاول يفتك عشان يقتل الثاني يزن بكل عصبببيته: قصدددكك رجال تهدد أختي وتتزوجها غصب تعال بعلمك الرجولة دهف ياسر وقفز لفوق حسام ورعفه ضرب وحسام يضرب يزن ورامي وياسر يحاولوا يفكوهم ويصيحوا حسام بعصبية: الآن هيي مرررتي محد له دخل يزن سحبه وضربه: محد له دخللل كحوله ومده للأرض وجلس فوقه يلكمه لكمة بعد لكمة: والله إني قتااالك والله يا حسام حسام لكم يزن لما يزن أمتد في الأرض وحسام قام يضربه لكن يزن كان أسرع وقلب الوضع يضرب حسام أبو ياسر وأبو طه بمساعدة الشباب وأخيراً قدروا يفكوهم يزن مسك الوجع وبتوعد: فرعوا لك مني بس بيجي يوم من رأسي لراسك والله محد يفكك مني يا حيوان أبو ياسر سحب يزن صلا البيت: اخطى الآن خلاص اهدأ ياسر وأبو ياسر دخلوا يزن وطلعوه لشقته عشان يهدأ رامي شاف أخوه بنص عين: طلعت أنذل من أديب يا حسام تركه وهو ضابح من أخوه وكل اللي فعله في آسيا أبو هاني ربت عليه: الله يهديك يا ولدي اللي فعلته غلط حسام ترك خاله وراح لبيته دخل الشقة وشاف أمه أم حسام جننت: حسام أيش فيك من فعل فيك هكذا؟؟ حسام دخل غرفته وغلق: ولا شي @rewayatyamania المصدر الأول للروايات في بيت أبو هند إياد جنن من الخوف وما حصل أي رد دق الباب بقووووة: داللياااا أفتتتحييي دالللياااااا!! زاد خوفه وتوتره بدأ يرزع الباب بقوة وبنيته يكسره بس وقفه صوتها داليا ببكاء: إياد مااشتيش أفتح خليني بحالي إياد برفض: لا أنتي مريضة وما أكلتيش شي أفتحي داليا عصبت بقوووتهاااا: مااشششتتيييشششش مااشششتتتييييشششش أفهم خلاص أففههههمممم إياد مقهور عليها مايشتيش يضغط عليها أكثر: طيب لكن بريع لش لما تفتحي ما حصل أي رد و راح لغرفته منتظر لها تفتح . . في بيت الحج صالح أبو ياسر بهدوء: يزن قد إحنا بالوسط إنتكبنا يزن وياسر وهند خافوا: أيش في؟ أبو ياسر: أمور الجنسية والجوازات أحتلت وبكرة بيعقدوا لكم يعني ضروري اليوم نكلمهم بالحقيقه يزن وقف بخوف: لا كيف أحتلت بهذه السرعة أبو ياسر بقهر: أي سرعة وأنا لي شهور أعامل وكنت بستمر لشهور بس عمك طه حلها اليوم وبكرة نشتي نعقد لكم عشان نعمد العقد من المحكمة ويخرجوا الجوازات يزن جنن: بس ياعم ماناش مستتتعدددد ما ناش مستعد الآن هند إقتهرت: كم بتجلس تتهرب من الحقيقة يا يزن لازم تستعد إذا ما جاء هذا اليوم بكرة بيجي بعده لمتى بتتهرب لممتتتى يزن مسك رأسه بصداع: لا مش بكرة مش بكرة بدري على الحقيقة بدري ياسر: لا يا يزن الحقيقة كانت المفروض أنعرفت من زمان بس أنت حبيت هذه الكذبة وأستمريت فيها أبو ياسر أشر لزوجته ينزلوا عشان يعرف إنه ياسر بيحل الوضع ونزلوا وياسر بقي ياسر بعصبية: ناوي تجلس خاطب سارة طول عمرك مش ناوي أبداً تتزوجها يا يزن قوووول الحقيقة "الخوف من الخسارة، الفقد، الوحدة، ان تعيش دون أمان ويصيبك رعب ان قد تترك وحيداً فجأة ، جميعها مشاعر تبدد الحياة من داخلك....💔" يزن صاح: مششششش وقت مششششش الآااااان يا ياااسسسرررر ياسر بنفس صياحه: إلا وقتتتت وقتتتته ليش معترررض ليش مصعبببب الموضوووع قوول الحقيقة وأرتاح يااخي يزن شاف ياسر وعصببب: يا مسهل الحرب على المتفرجين يا ياسر، لو قلت الحقيقة أنا بخسر سارة أنا مش أنت اللي بتخسر رانيا، لو قلت الحقيقة أنا بخسر هذه العائلة كلها أنا مش أنت يا ياسر وبصراخ: أسسسككه قول لي لو فييي حقيقة بتخليك تخسر حب حياتك رانيا ونص عائلتك ، بتروح يوم ثاني تقولها وأنت طبيعي ومرتاااااح؟؟! ياسر سكت بقهر وفعلا ما عنده جواب لان كلام يزن كله صح يزن زاد صياحه: لو كنتتت منبوذ من عائلة تحبهم وعشت..... 📚 @rewayatyamania  🇾🇪