*Tihlo Ra Le Hlengweni News 22 Nyenyenyani 2025* *Bayili yi tsoniwa muehleketeriwa wa Bhinya hikwalaho ka swihehlo swa ku vhiya hi majisitarata Chikombedzi.* Chikombedzi- Eka nhluvukiso wa nkoka, majisitarata wa Chikombedzi u arile ku nyika beyili Robert Chigeke, muehleketeleriwa loyi a tiviweke tanihi binya ka nxaxamelo exifundzheni xa ka Sengwe. Mhaka ya Chigeke yi koke nyingiso lowukulu endzhaku ka mhangu ya madzolonga leyi katsaka muaki wale ka Gezani Joyce Gamhiwa, loyi a poneke hi tihlo ra nayethi eka nhlaselo wa tihanyi. Mhangu leyi yi humelerile loko ku vikiwa leswaku Chigeke u ringetile ku dlaya Joyce loko a ri karhi a famba a ya ekaya nivusiku, a tirhisa ribye tanihi tukusi kulava kufaya hloko. Ku ehleketa ka Joyce hi ku hatlisa ni ku tiyisela swi n’wi pfumelele ku pona nhlaselo lowu, leswi endleke leswaku a endla xiviko ekampeni ya maphorisa ya le ka Gezani. Hambiswiritano, nhlamulo yo sungula ku suka eka valawuri va nawu yi pfuxe swihehlo, loko swiviko swi humelela leswaku ku hehliwa leswaku ku hakeriwa mali yo fumbarelisa ya R2500 eka maphorisa ku va lahla nanzu lowu. Nandzu lowu wu kume ku koka rinoko loko Tihlo Ra Le Hlengweni News yi kombisa xiyimo lexi, yi tekela hlokweni swivilelo leswi swa vaaki. Endzhaku ka ku paluxiwa hi swihangalasamahungu, maphorisa ya vhele ya pfulela nanzu nakuendla vulavisisi byi ntswa, leswi nga endla leswaku Chigeke a khomiwa na ku tayisiwa khoto. Hi ti 20 ta Nyenyenyani, Chigeke u kombele beyili, a vula leswaku a nga na nandzu ni ku pfumaleka ka vumbhoni lebyikulu lebyi a hehliwaka ha byona. Hambiswiritano, majisitarata u kumile xikombelo lexi xi nga khorwisi, a boxa ku tika ka swihehlo leswi na nxungeto lowu nga vaka kona eka vuhlayiseki bya vaaki loko Chigeke a ntshunxiwa. Xikombelo xa yena xa beyili xi hleriwile nakambe ku ya emahlweni xi ta kamberiwa hi Musumbhunuku. Vaaki va ndhawu leyi va kombise ku ntshunxeka eka xiboho xa huvo. "Hi khensa sisiteme ya vululami leyi nghenelelaka ku sirhelela vaaki va hina. Swiendlo swa Chigeke swi nghenise ku chava eka vanhu, naswona hi tshemba leswaku nandzu lowu wu tirha tanihi xilemukiso eka van'wana vayena," ku vula murhangeri wa vaaki. Loko nandzu wu ri karhi wu ya emahlweni, vaaki va le ka Sengwe va languta hi vukheta, va ri na ntshembo wa leswaku vululami byi ta hlula na leswaku swiendlo swa valawuri va miganga swi ta yisa eka ndhawu leyi hlayisekeke. Nseketelo lowu yaka emahlweni ku suka eka valawuri va nawu wu pfunetile ku pfuxeta ku tshembana, tanihi leswi vaaki va hlanganaka ku lwisana na nxungeto wa madzolonga na ku chavisiwa loku nga karhata xifundzha xa vona. Xiboho xa Majistarata xa Chikombedzi xi kombisa ku tinyiketela ku seketela nawu, ku rhumela hungu leri nga erivaleni ra leswaku swiendlo swa vutherorisi a swi nge pfumeleriwi eChiredzi South. ................................................................. SAVEMORE LOGISTICS DELIVERY FROM SA TO CHIREDZI SOUTH , EVERY MONDAY TO ZIM AND EVERY THURSDAY TO SA. CONTACT MAXMAN MAKONDO AT +27717069504 *ADVERTS* CHIREDZI SOUTH TRANSPORT FOR SAND,GRAVEL, CONCRETE CONTACT Richard MADONDO ON *+27645357063* SEND MONEY HOME WITH RHUMAMINA FROM SA TO CHIREDZI TOWN - SOUTH FOR ONLY 10% CONTACT B MAKONDO AT *+27763193030* *Group Chat* https://chat.whatsapp.com/GAu4iePOQ4x9QuJ5zBhkAk *Our whatsapp Channel join here* https://whatsapp.com/channel/0029VaVtG1G0AgWEEWQeu32t