*'Aalim Kî Ta'areef: 'Aamil Hee 'Aalim Hai Ya'anî Ḥaqeeqat Men 'ilm Par 'Amal Karne Waale Log Hî 'Aalim Kahlãne Ke Ḥaqdaar Hain - 'Aalim Hone Ke Liye Kitnã 'ilm Zaroorî Hai - Sanad Kî Ḥaisiyat - 'Awaam Se Kaun Log Murãd Hain - 'Ghair 'Aalim Ko Taqreer Karne Kã Ḥukm - 'Ghair 'Aalim Taqreer Karnã Chaahe To ?* ✍ Muḥammad Jamãluddîn 'Khãn https://whatsapp.com/channel/0029Va4xNTcBlHpj2ZXcdA3J *Aalim Wahî Hai Jo Apne 'ilm Par 'Amal Kare:* Mukãshafatul Quloob Men Hai: Farmãne Nabavee ﷺ Hai Ki Aadmî Us Waqt Tak 'Aalim Nahîn Hotã Jab Tak Ki Apne 'ilm Ke Muṭãbiq 'Amal Na Kare. [Mukãshafatul Quloob, Page⁵⁵⁹ - *Ba-Ḥawãlah:* Sunane Daarmî, Ḥadees²⁹³] - ❷ Ḥuzoor Faqeehe Millat علیہ الرحمہ Raqam Ṭarãz Hain: Ḥazrate 'Ubaadah Bin Ṣaamit رضی الله عنہ Se Riwãyat Hai: 'Aalim Woh Sha'khṣ Hai Jo 'Amal Kare Agarche 'ilm Thorã Ho. [Fazãyile 'ilm Wa 'Ulamã, Page⁹⁰ - *Ba-Ḥawãlah:* Kanzul 'Ummãl, Jild¹⁰, Page⁷⁶] - ❸ *Jo 'ilm Par 'Amal Na Kare Woh Ṣirf Naam Kã 'Aalim Hai Ḥaqeeqat Men 'Aalim Nahîn.* 'Allãmah Mullã 'Alee Qaarî علیہ الرحمہ Farmãte Hain Yaqeenan Jo 'Amal Karne Waale Nahîn Hain Woh 'Aalim Nahîn Hain. [Fazãyile 'ilm Wa 'Ulamã, Page⁹¹ - *Ba-Ḥawãlah:* Mirqaat, Jild¹, Page²⁵⁵] *'ᴬᵃˡⁱᵐ ᴷᵉ ᴸⁱʸᵉ ᴷⁱᵗⁿᵃᵃ 'ⁱˡᵐ ᶻᵃʳᵒᵒʳî ᴴᵃⁱ:* imãme Ahle Sunnat Farmãte Hain: Fiqh Kã itnã 'ilm Ki Apnî Ḥaajat Ke Sab Masãyil Jaantã Ho Aur Ḥaajate Jadeed Pesh Aaye To Us Kã Ḥukm Kitaab Se Nikaal Sake. Bi'ghair is Ke Aur Funoon Kã Kitnã Hî Barã 'Aalim Ho 'Aalim Nahîn. [Fatãwã Razviyyah, Jild²⁶, Page⁵⁷⁵,⁵⁷⁶] *Malfoozãte A'alã Ḥazrat Aur Aḥkãme Sharee'at Men imãme Ahle Sunnat Farmãte Hain:* 'Aalim Kî Ta'areef Yeh Hai Ki 'Aqaayid Se Poore Ṭaur Par Aagãh Ho Aur Mustaqil Ho Aur Apnî Zarooriyãt Ko Kitãb Se Nikãl Sake Bi'ghair Kisî Kî Madad Ke. [Malfoozãte A'alã Ḥazrat, Part¹, Page⁵⁸ / Aḥkãme Sharee'at, Page²⁵⁵] - *is Se Yeh Ma'aloom Huwã Ki 'Aalim Hone Ke Liye Darse Nizãmî, 'Aalim Yã Faazil Course Karne Se Hî Koyî 'Aalim Nahîn Ho Jaatã, Balki is Ke Liye Mustaqil Ṣalãḥiyat Kî Zaroorat Hotî Hai.* *'ⁱˡᵐ 'ˢⁱʳᶠ ᴷⁱᵗᵃᵃᵇᵉⁿ ᴾᵃʳʰⁿᵉ ˢᵉ ᴴᵒᵗᵃᵃ ᴴᵃⁱ:* Suwãl: Kutub Beenî (Ya'anî Kitãben Parhne Hî Se 'ilm Hotã Hai? Jawãb: Yahî Nahîn Balki 'ilm Afwaahe Rijaal (Ya'anî 'ilm Waalon Se Guftugû) Se Bhî Ḥaaṣil Hotã Hai. {¹} - [Malfoozãte A'alã Ḥazrat, Part¹, Page⁵⁸ / Aḥkãme Sharee'at, Page²⁵⁵] *ˢᵃⁿᵃᵈ (ᴰᵉᵍʳᵉᵉ, ᶜᵉʳᵗⁱᶠⁱᶜᵃᵗᵉ) ᴷî Ḥᵃⁱˢⁱʸᵃᵗ:* {¹} imãme Ahle Sunnat Farmãte Hain: Sanad (Degree) Koyî Cheez Nahîn, Bahutere Sanad Yaaftah Maḥz Be Bahrah (Ya'anî 'ilme Deen Se 'Khãlî) Hote Hain Aur Jinhon-ne Sanad Na Lee in Kî Shãgirdee Kî Liyãqat Bhî Un Sanad Yaafton Men Nahîn Hotî, 'ilm Honã Chaahiye. [Fatãwã Razviyyah, Jild²³, Page⁶⁸⁴] *'Awaam Se Kaun Log Murãd Hain?* imãme Ahle Sunnat Farmãte Hain: 'Awaam Se Muraad Woh Hain Ki Maqaame Ḥaqãyiq Tak Na Pahunche Agarche 'Ulamã Kahlaate Hon Aur Un Se Bad-Tar Woh Musa'kh'khargãne Shaiṭaan Hain Aur 'ilme Ḥaqãyiq Ke Mudda'yî. [Fatãwã Razviyyah, Jild²³, Page⁶⁸⁴] *'ᴳʰᵃⁱʳ 'ᴬᵃˡⁱᵐ ᴷᵒ ᵀᵃqʳᵉᵉʳ ᴷᵃʳⁿᵉ ᴷᵃ 'ᴴᵘᵏᵐ* Suwãl: Kyã Waa'yiz (Ya'anî Mazhabî Bayãn Karne Waale) Kã 'Aalim Honã Zaroorî Hai? Jawãb: 'Ghair 'Aalim Ko Wa'az Kahnã (Ya'anî Mazhabî Baaton Kã Bayãn Karnã) Ḥaraam Hai. {²} - [Malfoozãte A'alã Ḥazrat, Part¹, Page⁵⁸ / Aḥkãme Sharee'at, Page²⁵⁵] *'ᴳʰᵃⁱʳ 'ᴬᵃˡⁱᵐ ᵀᵃqʳᵉᵉʳ ᴷᵃʳⁿᵃᵃ ᶜʰᵃᵃʰᵉ ᵀᵒ* {²} imãme Ahle Sunnat Farmãte Hain: Jaahil Urdû 'Khwãn Agar Apnî Ṭaraf Se Kuchh Na Kahe Balki 'Aalim Kî Taṣneef Parh Kar Sunãye To is Men Ḥaraj Nahîn Jabki Woh Jaahil Faasiq Maslan Daarhî Mundã Wa'ghairah Na Ho Ki is Waqt Woh Jaahil Safeere Maḥz (Ya'anî Ṣirf Pahunchãne Waalã) Hai Aur Ḥaqeeqatan Wa'az Us 'Aalim Kã Jis Kî Kitaab Parhî Jaaye. [Fatãwã Razviyyah, Jild²³, Page⁴¹⁰] ✍ Muḥammad Jamãluddîn 'Khãn Qãdirî Razavî, Bahraich Shareef, U.P., Muqeeme Ḥaal Mumbai⁷² india. ▬▬▬▬▬▬▬▬▬▬▬▬ یہ تحریر `اردو Urdu उर्दू` مِیں ↶ https://whatsapp.com/channel/0029Va4xNTcBlHpj2ZXcdA3J/791 येह तह़रीर `हिंदी Hindi ہندی` में ↷ https://whatsapp.com/channel/0029Va4xNTcBlHpj2ZXcdA3J/790