#رمضان_كريم - إيه اللي المفروض نعمله إبتداءً من الليلة إن شاء الله ؟؟ بسم الله ١- ال ٥ صلاوات في وقتهم في المسجد للشباب - ال ٥ صلاوات في وقتهم بدون تأخير للبنات ٢- السُنن الراتبة ( عندك ١٢ ركعه لازم تداوم عليهم يومياً .... ٢ قبل الفجر ... ٤ قبل الظهر و ٢ بعده .... ٢ بعد المغرب ... ٢ بعد العشاء ) ... ٣- صلاة الضحى ( بتبدأ من بعد شروق الشمس ب ربع ساعه ... لحد قبيل أذان الظهر ب ربع ساعه ..... أقلّها ركعتين لحد ٨ ركعات ..انت وهمّتك ) ٤- أذكار الصباح والمساء ( أذكار الصباح بعد الفجر .... وأذكار المساء بعد العصر ..... لو نسيت تقولهم في ميعادهم قولهم مجرد ما تفتكر المهم ماتسبهمش ) ٥- صلاة التراويح - للشباب .... في المسجد طبعا مع إلامام واختار إمام يكون صوته حلو - يكون بيقرأ من قلبه علشان تحسّ بالصلاه - للبنات .... الافضل إنك تصليها في البيت ... بس لو عاوزه تنزلي المسجد يكون بحجابك أو بلبس منضبط وبكامل وقارك بدون تبرّج ٦- الصدقة ( ١٠ جنيه يومياً ) إعطيهم لأول سائل يقابلك ..... يبقي عندك ٣٠٠ جنيه في الشهر كله ....ولو انت مُيسّر الحال وربنا موسّعها عليك تصدّق بما يليقُ بك ...وافتكر في النهاية أنك أحوج للصدقة وأجرها من الففير ٧- عمرة أو حج أسبوعيا ( اختار يوم في الاسبوع بعد ما تصلي الفجر متطلعش من المسجد ... خلّيك في المسجد لحد الشروق ... قول الأذكاو واقرأ قرآن ... لك بذلك أجر حجة وعمرة تامة تامة تامة .... اعمل الموضوع ده ٤ مرات في الشهر ) ... وبالتالي هتكون عملت ٤ عمرات و٤ حجّات ٨- قراءة القرآن علي ٣ مستويات - لأصحاب الهمم العالية مش أقل من ٥ ختمات في الشهر .... بواقع ٥ أجزاء يومياً ... يعني هتختم كل ٦ أيام مرة - لأصحاب الهمم المتوسطة مش أقل من ٣ ختمات في الشهر ... بواقع ٣ أجزاء يوميا .... يعني هتختم كل ١٠ أيام مرة - للمبتدئين وأصحاب المشاغل ... مش أقل من ختمة في الشهر .... بواقع جزء كل يوم فقط ٩- الدعاء ( عندك ٣ أوقات انا مسمّيهم وقت تحقيق المعجزات ) - ال ربع ساعة قبل الفطار - الساعة اللي قبل الفجر - اخر ساعة بعد العصر من كل جمعة ( طبعا حضرتك محضّر الأدعية والحاجات اللي نفسك فيها وبتتمناها في ورقة ...... لحّ على ربنا في ال ٣ أوقات دول .... بإذن الله هتشوف دعائك بيتحقق بعد رمضان كفلق الصبح ) شرط انك تدعي بإخلاص ويقين وصدق وعدم استعجال الإجابة ١٠- ركعتين في جوف الليل ( عاااااارف ياسيدي والله إنّك صليت التراويح مع الإمام .... بس ده ميمنعش إنّك تصلي ركعتين خُفاف في وقت النزول الالهي ... علشان تبقي مُميّز مش زيك زي الناس ) .... وكمان ربنا بيقول ( وتزوّدوا فإن خير الزاد التقوي ) ١١- احذر كل الحذر من اللصوص ( التلفاز - الهواتف - مواقع التواصل ) ١٢- فرصة ممتازة لصلة الأرحام والأقارب ولو حتى برسائل تهنئة وزيارات خفيفة إن أمكن منقول عن الشيخ عمرو جمال #رمضان #رمضان_مباركツ #رمضانيات