*🛕🛕ഓം നമഃശിവായ🛕🛕* *തിരുക്കുറളിലെ* *366 മഹത്തായ ചിന്തകൾ* 🧉🧉📖📖🧉🧉 *ഭാഗം: 323* *ക്രോധം* *ഭരണാധികാരികളിൽ-അരചന്മാരിൽ-സ്വാഭാവികമായും അധികരിച്ചു നിൽക്കുന്ന ഭാവമാണ് ക്രോധം. രണ്ടു കൂട്ടർ തമ്മിലുള്ള അഭിപ്രായഭിന്നത മൂർച്ചിൽ ക്രോധമാകുന്നു. പരസ്‌പര യുദ്ധത്താലും മറ്റും അതു ശക്തിയുടെയും സൈന്യത്തിന്റെയും ധനത്തിൻ്റെയും സമയത്തിൻ്റെയും എല്ലാം നഷ്‌ടത്തിൽ കലാശിക്കുകയും ചെയ്യുന്നു. അതിനാൽ ക്രോധം ഒഴിവാക്കണം.* *ഒരുവൻ നമ്മോടു ഭിന്നിക്കുകയും തുടർന്ന് ദ്രോഹിക്കുകയും ചെയ്യുന്നു എന്നിരിക്കട്ടെ. ആ അവസ്ഥയിലും ക്രോധം പൂണ്ട് പ്രതികാരത്തിന് ഒരുമ്പെടാതിരിക്കുക. ക്രോധശീലർക്ക് ഒരിക്കലും സദ്‌കീർത്തി ഉണ്ടാകുന്നില്ല. ക്രോധമില്ലാത്തവർക്കു ചിത്തശുദ്ധി ഏറും. അവർ എപ്പോഴും പരമമായ ആനന്ദത്തെ അറിഞ്ഞുകൊണ്ടിരിക്കും. മനഃശാന്തി അനുഭവിക്കും.* *ക്രോധത്തെ എങ്ങനെ ജയിക്കാം? അതിനെ സ്നേഹംകൊണ്ട് ജയിക്കാം. ബുദ്ധൻ പറയുന്ന രീതിയും അതുതന്നെ.* *'അക്രോധേന ജയേൽ ക്രോധം.'* *"ക്രോധമോ, ജീവികൾക്കെല്ലാം പകയുടെ ബാധ വളർത്തുന്ന രോഗം.”(86/1)* *"പകയോർത്തു ദ്രോഹിക്കുവോരിലും തിന്മകൾ പകരമായ്ച്ചെയ്യായ്‌ക നല്ലൂ."(86/2)....🙏🏻* (തുടരും.) *ഹരേ കൃഷ്ണാ ....🙏🏻* തയ്യാറാക്കിയത്: എസ്. രമേശൻനായർ ✍🏻 അജിത്ത് കഴുനാട് *🛕🛕ഓം നമഃശിവായ🛕🛕*