*🕉️🌹ഹരേകൃഷ്ണാ🌹🕉️* *പുരാണ കഥാമാലിക* 🧉🧉🧉🧉🧉🧉🧉 *ഭാഗം: 21* *ലളിതാദേവി തുടർച്ച* ദുർമദനും കൂട്ടരും എതിരാളികളെ സമീപിച്ചു. സമ്പല്ക്കരീദേവി അവരെ ചെന്നെതിർത്തു. സമരം ഉഗ്രമായി തുടർന്നു. ഒടുവിൽ സമ്പല്ക്കരിയും ദുർമദനും കുറെനേരം ദിനയുദ്ധത്തിലേറ്റു. സമ്പല്ക്കരി രണകോലാഹലനാനയുടെ പുറത്ത്; ദുർമദൻ തന്റെ വാഹനമായ ഒട്ടകത്തിന്റെ പുറത്തും, അവസാനം ദുർമദൻ സമ്പല്ക്കരിയുടെ ആയുധമേറ്റു മരിച്ചുവീണു. ഭണ്ഡാസുരൻ അല്പമൊന്നു ചഞ്ചലനായി മൂർഖന്റെ ശക്തിയും വീര്യവും അപാരമാണ് എന്നിട്ടു കേവലം ഒരു സ്ത്രീ അവനെ എങ്ങനെ വധിച്ചു? “അവളെ തോല്പിക്കാനായി കരുണ്ഡനെ അയയ്ക്കട്ടെ!' അതാണ് ഭണ്ഡാസുരൻ കൂടിലാക്ഷനു നിക്കിയ നിർദ്ദേശം അങ്ങനെ കരുണ്ഡൻ സമരരംഗത്ത് എത്തിച്ചേർന്നു. വലിയൊരു സേനയെയും കൊണ്ടുപോയി ആ ഭീകരൻ, ദേവിയോടു പ്രത്യേകിച്ചു പകയുണ്ട് കരുണ്ഡന്. കാരണം, ദുർമദന്റെ ജ്യേഷ്ഠനാണ് അവൻ, അനുജനെ കൊന്നവളോടു പകവീട്ടണം. അവൻ സമ്പല്ക്കരിയോടു ചെന്നിടഞ്ഞു. അശ്വാരൂഢ സമ്പല്ക്കരിയോടു പറഞ്ഞു: “അവിടുന്ന് അല്പമൊന്നു വിശ്രമിക്കണം. ഞാൻ കരുണ്ഡനോടു യുദ്ധം ചെയ്യാം. സമ്പല്ക്കരിക്കു സമ്മതമായി. അങ്ങനെ, അശ്വാരൂഢയും കരുണ്ഡനും തമ്മിലായി പോരാട്ടം. അപരാജിതൻ എന്ന പടക്കുതിരയാണല്ലോ അശ്വാരൂഢയുടെ വാഹനം. ആ പടക്കുതിര അനേകം അസുരന്മാരെ ചവിട്ടി വീഴ്ത്തി. അതിനിടയ്ക്ക് അശ്വാരൂഢയുടെ ആയുധമേറ്റ് കരുണ്ഡൻ ചത്തുമലച്ചു, അവന്റെ അനുചമന്മാർ പടക്കളം വിട്ടു പാഞ്ഞുപോയി. ഭണ്ഡാസുരൻ അല്പം കൂടി ചഞ്ചലനായി. ഇങ്ങനെ ഒരു അനുഭവം ആദ്യമായിട്ട് ഉണ്ടായതാണ്. ദുർദമൻ മാത്രമല്ല; അവന്റെ ജ്യേഷ്ഠനായ കരുണ്ഡനും മരിച്ചു. അവരെ കൊന്നതോ വെറും പെണ്ണുങ്ങളും. മായാവിദ്യക്കാരിയാണ് ലളിത, സംശയമില്ല. അവളെ ഇനി ഇല്ലായ്മചെയ്യുകതന്ന വേണം!! കരങ്കൻ എന്ന മായാവി അവനാണ് ആ ചുമതല നല്കപ്പെട്ടത്. അവൻ അഞ്ചു സേനാപതികളെ കൂട്ടി; അവരോടുകൂടി പടക്കളത്തിൽ ചെന്നു; സർപ്പിണി എന്ന മായാവിദ്യയെയും ഉപയോഗിച്ചു. സർപ്പിണി എന്താണു ചെയ്തതെന്നോ? പല മാതിരി സർപ്പങ്ങളെ സൃഷ്ടിച്ചുവിട്ടു. സർപ്പങ്ങൾ ശത്രുക്കളുടെ ഇടയിൽ ഇഴഞ്ഞുചെന്നു. അവയെ ശക്തിദേവതകൾ ഖണ്ഡിച്ചുവീഴ്ത്തി, ശരിയാണ്. എന്നാൽ, ചാവുന്ന സർപ്പങ്ങൾക്കുപകരം ജീവനുള്ള പുതിയ സർപ്പങ്ങൾ ! എന്തു ചെയ്യും? ഒരു അത്ഭുതം ഉണ്ടായി. നകുലി എന്നൊരു ദേവിയുണ്ട്. ഗരുഡന്റെ പുറത്തു കയറി നകൂലി രണാങ്കണത്തിൽ എത്തിച്ചേർന്നു. എന്നിട്ടു സ്വശരീരത്തിൽനിന്ന് എണ്ണമറ്റ കീരികളെ സൃഷ്ടിച്ചുവിട്ടു. ആ കിരികൾ സർപ്പങ്ങളെ കൂട്ടത്തോടെ കൊന്നൊടുക്കി, നകുലിയും സർപ്പിണിയും തമ്മിലിടഞ്ഞു. സർപ്പിണി നശിച്ചു. കരങ്കനും കൂട്ടരും ഹതാശരായില്ല. അവർ അനേകം കീരികളെ ഇല്ലായ്മചെയ്തു. അപ്പോഴേക്കും എണ്ണമറ്റ കീരികൾ അസുരന്മാരുടെ നേർക്കു ചാടി. അവരുടെ ശരീരങ്ങൾ കടിച്ചുമുറിച്ചു തുടങ്ങി, കരങ്കൻ ഒരു ശരമാരി തന്നെ ചൊരിഞ്ഞു. കീരികൾക്കു നില്ക്കക്കള്ളിയില്ലാതെയായി. അവ നകുലിയുടെ ചുറ്റും കൂടി നകുലി കരങ്കന്റെ ശിരസ്സു വെട്ടി. തുടർന്ന് അഞ്ചു സേനാപതികളുടെ ശിരസ്സുകളും. ഭണ്ഡാസുരൻ കൂടുതൽ ചഞ്ചലനായി. അവൻ ഏഴു ശക്തന്മാരെ പറഞ്ഞയച്ചു. ആരായിരുന്നു ഏഴുപേർ കഴുകനെ വാഹനമാക്കിയ വലാഹകൻ, കാക്കയെ വാഹനമാക്കിയ സൂചീമുഖൻ, പരുന്തിനെ വാഹനമാക്കിയ ഫാലമുഖൻ, ഭേരുണ്ഡപ്പക്ഷിയെ വാഹനമാക്കിയ വികർണൻ, കോഴിയെ വാഹനമാക്കിയ വികടാനനൻ, പ്രേതത്തെ വാഹനമാക്കിയ കരാളാക്ഷൻ, വേതാളത്തെ വാഹനമാക്കിയ കരടകൻ. പ്രത്യേകമായ വരബലം ഉണ്ടായിരുന്നു ഏഴു പേർക്കും. പണ്ട് അവർ സൂര്യദേവനെ തപസ്സുചെയ്തിരുന്നു. സൂര്യദേവൻ പ്രസാദിച്ചു വരം ചോദിക്കാൻ ആവശ്യപ്പെട്ടു. എന്താണ് അവർ ചോദിച്ച വരം? അവർ ഏതു ശത്രുവിനെയും നോക്കി എന്നിരിക്കട്ടെ- ആ ശത്രുവിന് ആയുധപ്രയോഗം സാദ്ധ്യ മാവരുത്. അങ്ങനെ ആയാലോ? എല്ലാം എത്ര എളുപ്പമാകും. സൂര്യദേവൻ വരം നല്കി. ഏഴുപേരും ഇപ്പോൾ ആ സിദ്ധി പ്രയോഗിച്ചു. ശക്തിദേവതകൾക്ക് ആയുധങ്ങൾ പ്രയോഗിക്കാൻ വയ്യാതായി. അവർ ലളിതാദേവിയെ ശരണം പ്രാപിച്ചു. അല്ലാതെ എന്തുചെയ്യാനൊക്കും?........🙏🏻 (തുടരും) *( ലളിതോപാഖ്യാനം )* *ഹരേ കൃഷ്ണാ......🙏🏻* കടപ്പാട്: മാലി പുരാണകഥാമാലിക ✍🏻 അജിത്ത് കഴുനാട്✍🏻 *🕉️🌹ഹരേകൃഷ്ണാ🌹🕉️*