پہ رمزان ماہ ءِ آیگ ءِ درگت ءَ بلوچستان ءِ آجوئی زرمبش ءِ نیمگ ءَ چہ مراد بات بلوچستان ءِ ￵مزن ءُ ￶چِست نامیں راج رمزان ءِ پاکیں ماہ کہ آئی ءِ تہ ءَ ￴ارادہ گیشتر مھکم بنت ءُ دل ھاوند ءِ نیمگ ءَ وتی راہ ءَ گند اَنت یک رندے پدا آتکگ۔ ماھے کہ آئی ءِ تہ ءَ مارا وتی پجار ءُ بنیات ءِ نیمگ ءَ واتر کنگ، وتی منگھیں راجدپتر ءُ زَرباری دودمان ءِ سرا پھر کنگ ءُ دیمروی ءُ آجوئی ءِ راہ ءَ یکجاہ روگ ءِ موہ رس ایت۔ ما کہ مدام آجوئی، انسانی شرپ ءُ وتی راج ءِ ھک ءِ راہ ءَ اوشتاتگ ایں، اے پاکیں رمزان ءِ ماہ ءَ لوٹ کنیں کہ ھاوند مارا یک مھکمیں واھشتے بہ دنت کہ ما وتی لگتمال بوتگیں ھکاں گوں یکوئی ءُ ھمدلی ءَ بہ رس ایں ءُ بلوچستان ءِ آجوئی ءُ شان ءِ نیمگ ءَ گامگیج بہ زور ایں۔ اے ماہ راجی واھگانی سر ءَ وتی واھشت ءِ ￵نوک کنگ، بلوچستان ءِ مزنی ءُ شرپ ءَ یات کنگ ءِ موہ اِنت، یکّشیں گھگیری ءُ بھادری ءِ سرزمین۔ اے نیکیں روچاں مارا امیت انت کہ ما بلوچستان ءِ آجوئی ءُ آزاتی، پہ وتی بلوچ ھمنِنداں آمید ءُ دیمروی ءِ رسگ، ءُ سرجمیں دگنیا ءَ آیانی شان ءُ سربلندی ءِ واست ءَ پیسر ءَ چہ گیشتر مُھکمیں گامگیج بہ زور ایں۔ بلوچستان ءِ آجوئی زرمبش آدینگ، ۲۸ پروری ۲۰۲۵ کانال تلگرام https://t.me/BimBaluchistanNews اکانت اینستاگرام https://www.instagram.com/ajoibaluchistan?igsh=ZDVweGlobTZ4MGg3 کانال واتساپی https://whatsapp.com/channel/0029VaklLW7KGGGLSlIPMe3C صفحه توییتر(ایکس) https://x.com/bim_Baluchistan ارتباط @Bimbaloch_admin