هام جدا 🚨🚨 🔰اميرة واقفة بالكراجات وعم تنطر سرفيس بيصل السرفيس واخيرا وبتركض لتلحق دور فجأة بتتحول من اميرة ل امير ع حصان بنص المعركة😁 وبتخلع توب الانوثة و بتطاحش بوسط الزحمة وبتطلع بالسرفيس .. بتحس بالانتصار انها قدرت تطلع .. وفجأة بتضرب ايدها ع الشنتة بتلاقي الجوال مسروق منها .. 😱 السيناريوهات المطروحة🔥 1⃣السارق شخص اسمو سليم اخد الهاتف وفتحو كان الهاتف بدون قفل او رمز وكان سهل عليه جدا انو يشوف محتويات الهاتف من صور خاصة ومحادثات واشياء سرية بتخص اميرة .. صار بايدو عدة قصص يبتز فيها صاحبة الهاتف ويحولها لضحية عم تتجاوب لطلباتو و الا بينشر كلشي ع الانترنت 2⃣ سليم حاول يفتح الهاتف لكن وجد انو في قفل ع الهاتف صار من الصعب انو يصل لمحتويات الهاتف يبدو اميرة كانت واعية نتوفة .. بس سليم كان داهية .. سحب شرائح الاتصال من هاتف اميرة ووضعهن بهاتف تاني .. فتح تطبيق الفيسبوك عمل تسجيل دخول برقم هاتف اميرة وجد انو في حساب مرتبط بهاد الرقم .. ضغط نسيت كلمة السر .. وصل رمز ع الشريحة لتعيين كلمة سر جديدة .. وهيك سليم قدر ياخد حسابها ويحكي ب اسمها ويشوف دردشاتها الخاصة ويبتزها فيهن .. 3⃣سليم عمل الطريقة رقم 2 ولكن وجد انو اميرة عاملة مصادقة ثنائية بالفيسبوك ع تطبيق المصادقة وليس الرقم يعني الرمز مابيرسلوه عالشريحة صار هو بحاجة يفتح الهاتف وياخد الرمز من التطبيق داخل الجهاز حصرا ولكن الموضوع صعب جدا لان الهاتف مقفل برمز ولكن بسبب انو الشرايح لسا شغالة بهاتفو التاني قدر ياخد كل الارقام اللي موجودة بالشريحة ويرسل sms باسمها لرفقاتا ويعرضهن لحالات احتيال او ازعاج 4⃣ سليم ماقدر يفتح الهاتف لانو مقفل برمز وما قدر يفتح حساب الفيسبوك الخاص ب اميرة لانها مفعلة مصادقة عالتطبيق وليس الرقم ولا قدر يستعمل الشرايح بجهاز تاني لانو اميرة كانت عاملة قفل للشرائح من اعدادات الهاتف خيار قفل sim بمعنى بس شخص اخر يستعمل شريحة هاتفك بجهازو بيطالبوه برمز القفل الخاص بالشريحة اللي تم تعيينو ولكن رغم كل هي المحاولات وماقدر بستعمل اي حساب لالها مرتبط بشريحتها حتى الواتساب لانها مفعلة عليهن جميعا خاصية التحقق بخطوتين واساسا هي نزلت ع الشىركة عملت توقيف للشرائح وطلعت شرائح جديدة لكن سليم وجد بطاقة ذاكرة (ميموري) داخل الهاتف قدر يسحبها ويدخلها بهاتف اخر ويشوف كل المحتويات الخاصة بسبب انو هي البطاقة غير مقفلة بكلمة سر ايضا 5⃣ اميرة عاملة كل وسائل الحماية اللي حكينا عنها فوق وسليم ماقدر يعمل شي بالهاتف ولا يوصل لشي لهيك باعو بالسوق الحرة لاحد الاشخاص الشخص اللي اشترا الهاتف ارتكب جرم الكتروني وتم تقديم شكوى بالرقم ولكن الرقم طلع وهمي انرفعت القضية لشركة الاتصالات بالرقم المرتبط ب ايمي الهاتف .. وبالشركة بيظهر عندهم جميع الشرائح اللي تم وضعها بهاد الهاتف مع اسماء اصحابها ومن بينهم شريحة اميرة صاحبة الهاتف الاساسي اللي هي متهمة ايضا بهي الجريمة بسبب انها ماراحت عملت معروض بالشرطة واخدت الكرتونة وبلغت عن سرقة الهاتف واخلاء مسؤوليتها عنو .. 6⃣اميرة كانت سمعانة بكروب تكنولوجيا المعلومات وفورا طحشت لعند الاستاذ ياسر 😑 حكتلو القصة وخبرها انو انتي بتقدري تفرمتي هاتفك عن بُعد لتحمي بياناتك من ايد السارق امسكي هاتف احد اقربائك الموثوقين ضيفي بريدك الغوغل ع جهازو انتقلي لمحرك بحث غوغل بجهازو واكتبي ( العثور على جهازي) اعملي بحث وادخلي اول نتيجة رح يظهرلك تحديد بريدك وبعدها بيظهر نوع هاتفك وفي ٣ خيارات (تحديد موقع/تامين الهاتف/محو البيانات) اضغطي ع محو البيانات وهيك رح يتفرمت هاتفك المسروق فورا في حال كان متصل بالانترنت وفي حال كان مو متصل .. اول مايتصل بالانترنت رح يتفرمت تلقائيا 🟢 شووو تعلمنا مما سبق ؟؟!! تكنولوجيا المعلومات