‏🔶 خطوات الفحص الطبي للتعيينات ‏( ما بعد الترشيح ) : ‏🔹أول شي تروحون قسم التعيينات بالجهة اللي ترشحتو فيها و تاخذون ورقة ( الفحص الطبي ). ‏🔹ثاني شي تدشون موقع المجلس الطبي تاخذون موعد ، طبعاً كل واحد على حسب العنوان اللي ببطاقته. ‏في 3 أماكن ( الصباح / الجهراء / الفنيطيس )   ‏ - هذا الرابط اللي تاخذون فيه الموعد أو تقدرون عن طريق سهل ( خدمات ⬅️ وزارة الصحة ⬅️ خدمات المجلس الطبي العام ⬅️ الكشف الطبي للتعيينات ) ‏نوع الفحص ⬅️ الكشف الطبي للتعيينات ‏🔹الرابط👇🏻 ‏ ⁦‪mconline.moh.gov.kw/onlinefr/onlin…‬⁩ ‏🔴 بس تحددون الموعد في اوراق تطلع لكم ضروري تطبعونها و تاخذون معاكم صور شخصية مو أقل من 5 صور شخصية ‏الفحوصات كلها عبارة عن ‏- فحص الدرن اللي اهو اشعة الصدر ( الكل ) ‏- فحص التحاليل الفيروسية اللي اهو تحليل الدم ( الكل ) ‏- فحص السمع ( مو مطلوب على الكل ) ‏- فحص البول تكرمون ( الكل ) ‏- فحص النظر ( الكل ) ‏- فحص سريري ( الكل ) ‏1️⃣- فحص الدم تسوونه ( داخل المجلس الطبي ) بموعدكم اللي حجزتوه ، تطلع نتيجته بعد 3 ايام الى اسبوع ‏2️⃣- فحص البول تكرمون + فحص الدرن ( الاشعة ) ‏تسوونهم بدون موعد بالمستوصف او المستشفى اللي انتو تابعين لها و تطلع نتايجهم بنفس الوقت ، تخلون النتايج عندكم لما تطلع نتيجة فحص الدم لأن لازم تسلمون النتايج للمجلس الطبي. ‏🟨 ملاحظة اللي متزوجة و حامل : ‏اعفاء من الاشعة و يحولونج لدكتور نساء و ولادة يسوون لج سونار بدال الاشعة ‏- صارلج أقل من 6 شهور اذا كتب لج الدكتور لائق للعمل بتباشرين و تكملين امورج ‏- صارلج اكثر من 6 شهور حتى لو يبتي ورقة لائق ماراح تباشرين إلا لما تولدين ‏3️⃣- فحص السمع تسوونه بمستشفى زين أو مركز سالم العلي بدون موعد و النتيجة تطلع بنفس الوقت ، تخلون النتايج عندكم لما تطلع نتيجة فحص الدم لأن لازم تسلمون النتيجة للمجلس الطبي👌🏻 ‏🔴 دوامهم يومين بالاسبوع ‏- يوم الاثنين من الساعة 2 لي 6 ‏- يوم الخميس من الساعة 8 لي 12 ‏🔴 البعض حاطين له يسويه بالعدان ( مبنى ياكو ) بالسرداب غرفة 9 و غرفة 3 من الاحد لي الخميس فكل واحد يمشي على اوراقه شنو مكتوب له و وين ‏4️⃣- فحص النظر لما تطلع نتيجة فحص الدم بالمجلس الطبي و تسلمون كل نتايجكم يخلونكم تسوونه ( داخل المجلس الطبي ) ‏5️⃣- الفحص السريري يسوونه لكم ‏( داخل المجلس الطبي ) ‏🟨 ملاحظة : ‏اذا مسويين عمليات و في اثار جروح قديمة عشان تتجنبون يحولونكم لجنة طبية و الموضوع ما يطول ، اخذو تقاريركم الطبية معاكم عشان تختصرون الوقت ‏🔚 بالنهاية 🔚 ‏لما تروحون تستلمون نتيجة فحص الدم مفروض كل هالفحوصات نتايجها تكون معاكم تسلمونها شباك المجلس الطبي و بجذي تكونون خالصين 👌🏻