‏🔶 شنو الفرق بين البدلات و الكادر ؟ ‏‌🔷الكادر ‏بعض التخصصات لها كادر خاص لها مثل الهندسة و المعلمين و القانونيين و المحاسبين و بعض التخصصات الثانية .. ‏الكادر اهو هالـ ٣ أشياء يكون قيمها أعلى من اللي ماعنده كادر ، اغلب الموظفين عندهم اياهم عادي بس القيمة تختلف عن اللي ما عنده كادر تكون اعلى و مختلفة و بعضهم ماعنده .. ‏١- بدل طبيعة عمل ‏٢- مكافئة مستوى وظيفي ‏٣-علاوة تشجيعية ‏فراح تاخذ كادرك لو وين مارحت مافي مكان تروح له و يعطيك مسماك اللي له كادر و مستحيل ما تاخذ كادرك دام اعتماد مسماك كان مسمى له كادر لو وين ماحطوك ‏‌🔷البدلات🔷 ‏مثل ( موقع ، نائية ، شاشة ، تلوث ، خطر ، ضوضاء ، نوبة ، طعام ، سهر إلخ .. ‏هالبدلات بكل الوزارات والهيئات التابعة للديوان موجودة .. ‏على أي اساس اخذها ؟ ‏على حسب القسم اللي تنحطون فيه شنو تستحقون من بدلات فيه على أساس مسماكم و تخصصكم و طبيعة شغلكم بالقسم .. ‏‌🔷مو معناته انا مسماي الفلاني معناته استحق كل البدلات ‏🔷مو معناته القسم فيه هالبدلات كلها ف أنا استحقها كلها ‏‌🔷مثل ما قلت عادي جداً مهندس كهرباء مثلاً ياخذ البدل الفلاني بس مهندس كمبيوتر حتى لو اثنينهم بنفس القسم فلازم ياخذ هالبدل الفلاني لأن اثنيناتهم نفس المسمى ما يصير التخصصات تختلف و طبيعة العمل تختلف ‏( مجرد مثال توضيحي ) منو مقرر ؟ الديوان مو بكيف الوزارة أو القسم أو المسؤول ‏‌🔷منو يقرر انا شنو استحق بالقسم؟ ‏مسؤولك و مسؤولك ماشي على كلام ديوان الخدمة المدنية في ورقة تقدرون تسألون عنها بقسم التعيينات وتقولون لهم انا مسماي المسمى الفلاني وتخصصي التخصص الفلاني شنو استحق بدلات بالقطاع الفلاني والادارة الفلانية والقسم الفلاني بالتحديد؟ راح يقولون لكم ، ما فادوكم تقدرون تسأل الديوان بحيث ما تاخذون شي ما تستحقونه وانضاف لكم لأن اذا صار في محاسبة وانتو ما تستحقون البدل راح يخلونكم تستردون كل المبالغ الي خذتوها من البدل الفلاني الي ما تستحقونه من تاريخ مباشرتكم وتصير عليكم مديونية