నాగరాజా దేవాలయం మైధానం దగ్గర వండిమలై చెయ్యి ఊపుతూ కనపడ్డాడు. వ్యాన్ ఆగింది. కొన్ని వికృతాకారాలు నేల మీద ముడుచుకుని పడివున్నాయి. “ఏవయ్యింది?” “ఒక పోలీసోడొచ్చి రెండు వందలడిగాడు. ‘అన్నొచ్చేదాకా ఆగు’ అని చెప్పాను. చెయ్యెత్తాడు. నూటయాభై ఇచ్చాను.” “సంపాయించేదంతా వీళ్ళకే చాలట్లా! సరే, సరుకును లోపలికెక్కించు!” ఎనిమిది మంది మగవాళ్ళు, ఆరుగురు ఆడవాళ్ళు, నలుగురు పిల్లలు నేలమీద పడివున్నారు. అందరికీ ఏదో ఒక వైకల్యం ఉంది. వాళ్ళ శరీరాలన్నీ చూడ్డానికి వికృతంగా ఏ కీలుకు ఆ కీలు మెలికలు తిరిగి ఉన్నాయి. సగం మందిలో అసలు కదలికలు లేవు. “అన్నా, ఈటన్నిటికీ లోపల చోటు ఉందా?” “ఈటిని ఊటీ టూరుకు తీసుకపోతున్నావా ఏంది? ముందు పెద్ద సరుకుని లోపలెయ్. చిన్న సరుకుని ఆటిమీద పడేయొచ్చు.” https://udayini.com/2025/02/01/%e0%b0%85%e0%b0%a7%e0%b1%8b-%e0%b0%b2%e0%b1%8b%e0%b0%95%e0%b0%82-3/