د روژی میاشتې استقبال وروره او خوری،د روژی د میاشتې استقبال د ګلونو وړاندې کولو،د اناشیدو خپرولو او شورماشور سره مطلوب نه دی.د روژی اصلي استقبال دا دی چې خپلې ګناوې دې په یاد راوړې،د ریښتینې توبې کولو هوډ وکړې، او له زړه څخه کینه او حسد وباسې.که دې د چا غیبت کړی وي،باید ورڅخه معافي وغواړې؛له مظلوم څخه د بښنې غوښتنه وکړې،د زړه څخه سختي لرې کړې،د مسلمان ورور په اړه خپل ګومان نیک کړې،او هغه څه چې الله تعالی پرې ناخوښ دی،له خپل ژوند څخه لرې کړې.[دا د روژی میاشتې ریښتینی استقبال دی] "د سلفو صالحینو حالات په مبارکه روژه کې "