لو زعلان منّي ما تتفلقش، تعالى كلمني وقول أنا زعلان منّك في كذا كذا وأنا والله العظيم هقدّر دا جدًا ومش همشيك غير وإنتَ متراضي. لو حد قال لك عني حاجة وحشة ما تظلمنيش بسبب اللي سمعته جايز بيكدب عليك، فتعالى واِسألني، وأنا هبقى صريح معاك، ولو أنا وحش ساعدني أبقى كويّس. ياما ناس بعدت وهُما فاكرين إننا مُتجاهلين زعلهُم وإحنا أساسًا ما نعرفش إنّهُم زعلانين، وياما أشخاص اتكلمت في ضهرنا وقالوا عنّا ما ليس فينا وخلو الناس تكرهنا وإحنا أصلًا أبسط من كدا بكتير. فعشان كدا تعالو نتكلّم ونتواجه.. خلو الصورة توضح والحقايق تبان وبلاش تسيبو فراغ بينّا للناس اللي بتحب تصطاد في الماية العِكرة.