Rhapsody Ciuteve Sat, Mar 1, 2025 IMA IMA KUYITA MABASA ACANGAMIRE JESU Saka hama dzangu. Shingirirai dakara panouya Cangamire… (Jakobo 5:7). Gore rino igore rakanaka maningi. Pazviro zvawunodiikana kuronga kuyita zuwa rega rega. Chimwe cakhona kuziisa anhu ngozvaCangamire Jesu. Unodiikana kuparidza soko reRuponeso. Riparidze neshungu zhinji. Soko iri raa kudiikana kuparidzwa ngokukasika. Jesu waa dhuze kupetuka. Uri kupetuka kuzotonga nyika ino. Asi Ana aMurungu acatanga kutorwa. Ecibviswa panyika pano. Bhaibheri rinotiziisa ngozvokutorwa uku. Rinoti akafa acamuka tsiku iyi. azokwire kudenga. Isusu tiri penye ticizotorwawo. Ticinobatana pamwepo nawo. Tecisiya nyika ino. Ticinosongana naCangamire. Cangamire aya ecitiimirira mumhepo. Zuwa rekutorwa iri raadhuze kamare. Ndiyo ndaa 2 Pedhuru 3:11 eciti hai, “Saka zviro zvese izvi zvicanyunguruswa. Kureya kuti munodiikana kurarama muhunatsi. Seanhu edzinza raMurungu.” Rarama semunhu wakaimira kupetuka kwaCangamire ako Jesu. Markoo 13: 35 kugumira pa 37 inoti, “Saka imwimwi garai makarindira. Mune wenyumba ucapetuka. Asi hamuzii tsiku yaacapetuka. Ungauya madookoni. Ungauya pakati pehusiku. Ungauya kwaa kunoyedza. Ungauya ari macibesi. Ngokuti acakaruka wauya. Ungazokumugumira makawata…” Saka Cangamire haadiikani kugumira wakawata. Haadiikani kukugumira pasina cawuriusina kuyita. Unodiikana kukugumira weciyema ema kuyita mabasa ake. Hino cinyi cawuri kuyitira Jesu nyamasi? Mubvunzo uyu mukuru maningi. Unodiikana kuufungisisa. Uri kuyita mabasa aJesu here? Kana kuti uri kusenzera muzi wako? Cawuri kuitirawo Jesu ngacipi? Pano umweni wakati, “Indowona zvawunoyita kubetsera anhu. Ndiko kutosenzera Murungu ikona.” Izvi zvingasama kuyita izvona. Iwewe ungange uri kubetsera hako anhu. Asi Murungu ndiwo anodiikana kunge akutuma kuwabetsera ngogwanzq iri. Zvisizvopi unanga usiripi kusenzera Murungu. Saka raramira Jesu. Izvi ndizvo zvinokohomedzeswa ngoqBhaibheri. Tinoyerenga masoko aro muna 2 Wakorinte 5:15. Inoti, “Uye munhu uyu wakafira ese. Kuti aya apenyu ecisiya kuzviraramira. Asi araramire uya. Waakaafira. Akamuka mukufa.” 1 Maakorinte 15:58 inoti, “Saka hama dzangu dzandinopfarira. Imai makabamba. Pasina cinomuzungunusa. Mabasa amunoyitira Jesu agare ecitunhudzirika Meciziya kuti mabasa se aya. Amunoyita muna Jesu. Hamuwayiti nyore.” PUPURA WECITI Cangamire Jesu aapadhize kupetuka. Inini ndinorarama semunhu wakaayimirira. Saka ndinogara ndiciita mabasa awo. Iwona mabasa aya aakandituma kuyita. Ekupetudza anhu kwaari. Pamwepo nokusenzesa mare yangu kutsigira kuparidzwa kweRuponeso. Ndinobambiswa. Ndeciizwa kuti ndikwanise kurarama zvinopindirana noSoko raMurungu. Ndecibereka zvibereko zvinoyita kuti Jesu akudzwe. Muzina raJesu. Ameni. FURTHER STUDY: 2 Timothy 3:16-17; Maaefeso 3:19; Maaefeso 4:13 1-YEAR BIBLE READING PLAN Marko 9:14-32 & Numbers 7-8 2-YEAR BIBLE READING PLAN Mateu 19:1-12 & Ekisodho 10 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F