Rhapsody Afrikaans Sat Mar 01 2025 VOLMAAK EN VOLKOME Maar laat die geduld sy volmaakte werk hê, sodat julle volmaak en volkome kan wees en niks kortkom nie (Jakobus 1:4CAB23). Daar is twee sleutelwoorde wat ek wil hê jy moet raaksien in die vers hierbo: die woorde "volmaak" en "volkome". Die term "volmaak" kom van die Griekse woord "teleios", wat volledig beteken. "Volkome", aan die ander kant, is vertaal vanaf die Griekse woord "holoklēros", en dit beteken om in elke opsig volledig te wees; volledig vervolmaak, 'n heelheid; niks wat nodig is, ontbreek nie. Dit is God se wil vir jou. In Kolossense 4:12, vertel die Gees, deur die Apostel Paulus, ons iets merkwaardig. Hy sê: “Épafras wat een van julle is, 'n dienskneg van Christus, groet julle en stry altyd vir julle in die gebede, dat julle volmaak en volkome mag staan in die ganse wil van God.” Weereens, is die woord “volmaak” hier die Griekse “teleios.” En dan stel Paulus 'n ander woord bekend, “plēroō” (Grieks), wat vertaal word as "volledig." “Plēroō” beteken om vol te wees, om oorvloedig of propvol te wees. Dit dui ook op vervulling, die bereiking van 'n doel, of om iets tot voltooiing te bring. Dit bring 'n belangrike vraag na vore: propvol of oorvloedig waarmee? Dit bring Paulus se pragtige gebed deur die Gees in Kolossense 1:9 na vore, dat die Christene in Kolosse gevul, propvol mag wees met die kennis van God se wil in alle wysheid en geestelike insig: “Daarom hou ons ook nie op nie, van die dag af dat ons dit gehoor het, om vir julle te bid en te vra dat julle vervul mag word met die kennis van sy wil in alle wysheid en geestelike insig.“ Dan sê die daaropvolgende vers 10 vir ons die rede vir hierdie oorvloed in die kennis van sy wil in alle wysheid en geestelike insig: “Sodat julle waardiglik voor die Here mag wandel om Hom in alles te behaag en julle in elke goeie werk vrug mag dra en in die kennis van God mag groei,” (Kolossense 1:10). Dink daaraan! God wil hê jy moet volmaak en volledig wees; vervolmaak, heel, propvol met die kennis van sy wil, sodat jy ‘n lewe kan lei wat Hom waardig is, Hom in alles behaag, vrugbaar is in elke goeie werk, terwyl jy toeneem in die kennis van God. Halleluja! Prayer / Confession Liewe Vader, dankie vir u Woord wat my transformeer en in lyn bring met u volmaakte wil. Terwyl ek oor u waarheid peins, staan ek volmaak en volledig in alles wat U vir my lewe beplan het, gelei deur u Gees tot volheid en heelheid; ek kort niks, en ek bring eer aan u Naam, in Jesus se Naam. Amen. Further study 2 Timótheüs 3:16-17; Efésiërs 3:19; Efésiërs 4:13 1-year bible reading plan Markus 9:14-32 & Númeri 7-8 2-year bible reading plan Matthéüs 19:1-12 & Exodus 10 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F