Rhapsody Tongan Sun Mar 02 2025 ‘ILOLOTOA ‘O LAHIANGE ‘A KALAISI ‘IATE KOE Pea naʻe hoko ʻa e Folofola ko e kakano, pea nofo ia ʻiate kitautolu, (pea naʻa mau mamata ki hono nāunau, ko e nāunau ʻo e tokotaha naʻe tupu mei he Tamai,) ʻoku fonu ʻi he ʻaloʻofa mo e moʻoni (Sione 1:14). ‘I he’etau pehē ko e Kalisitiane ko e taha ia ‘oku nofo ai ‘a Kalaisi, ko e palopalema he ‘oku ‘ikai ‘ilo’i ‘e he tokolahi ko e hā ‘a e ‘uhinga ‘o e Kalaisi pe ko hai ‘a Kalisi. Ko e hā ‘a e ‘uhinga ‘o e lea Kalaisi? Ko e Kalaisi ko e lea Hepelū ki he Misaia, pea ‘oku ‘uhinga ‘a e Misaia ko e Tokotaha Pani. ‘I he Fuakava Motu’a, na’e ui Ia ko e Misaia, pea ‘i he Fuakava Fo’ou, ‘oku ui Ia ko Kalaisi, ka ‘oku ‘uhinga fakatou’osi pe ki he tokotaha tatau. Ko ia na’e mahino’i ‘e he kau Siú ko e Misaia ‘a ia na’e ui ‘e he Palofita ko Taniela ko e “’Alo ‘o e ‘Otua.” ‘I he pehē ‘e Sisū ko Ia ‘a e “Foha ‘o e Tangata” ‘a ia ‘e “hiki hake,” ‘o ‘uhinga ‘e kalusefai, na’e fehu’ia Ia ‘e he kau Siu, ‘o pehē, “Ko hai ia ‘a e Foha ‘o e Tangata?” Na’a nau fakakaukau ‘e mo’ui ‘o ta’engata ‘a e Kalaisi. ‘Oku pehē ‘e he Tohitapu ‘ia Sione 12:23, 32-34: “…Pea leaange ʻa Sisū kiate kinautolu, ʻo pehē, Kuo hokosia ʻa e ʻaho, ke fakaongoongolelei ai ʻa e Foha ʻo e tangata…Pea kapau ʻe hiki au ki ʻolunga mei he fonua, te u tohoaki ʻa e kakai kotoa pē kiate au. Ko ʻene lea pehē, ko e fakahā ʻa e mateʻanga ko ia ʻe mate ai ia. Pea leaange ʻa e kakai kiate ia, “Kuo mau fanongo mei he fono ʻoku nofo ʻa e Kalaisi ʻo taʻengata: pea ʻoku fēfē hoʻo lau, ʻE hiki hake ʻa e Foha ʻo e tangata? ʻE fēfē nai ʻa e Foha ko ia ʻo e tangata?” Na’e ‘uhinga ‘a Sisū ki he kikite ‘a Taniela pea na’e kaungā fakamo’oni ki ai ‘a e ngaahi me’a ni. Ko e kupu’i lea Foha ‘o e Tangata ko e fakamatala’i ia ‘o e ‘Alo ‘o e ‘Otua. Ka ‘oku ‘ikai ‘uhinga ‘a e ‘Alo ‘o e ‘Otua ki he “taha fanau’i mei he ‘Otua”; ka ‘oku ‘uhinga ko e ‘Otua ‘i he tangata kakano. Ko e ‘uhinga eni ‘i he pehē ‘e Sisū ko Ia ‘a e ‘Alo ‘o e ‘Otua, na’e tukuaki’i ia ‘e he kau Taki Siu ‘oku Ne fie ’Otua. Na’a nau pehē, “…ʻOku ʻikai ko ha ngāue lelei ʻoku mau tolongakiʻi ai koe; ka ko e fie ʻOtua pe; koeʻuhi ko e tangata pe ʻa koe, ka ʻoku ke fai ke ʻOtua” (Sione 10:33). Na’a nau mahino’i ko e Misaia, ‘Otua ‘i he kakano, ‘a ia na’e fakahaa’i ‘e Sisū ko Ia ia. ‘I he taimi ‘oku ke pehē ai ko Sisū ‘a e Kalaisi, ‘oku ke ‘uhinga ko Sisū ‘a e ‘Otua ‘oku fakafisikitu’a ‘i he kakano. Ko e me’a ia na’e kalusefai ai Ia. ‘Oua na’a ngalo ia. ‘I ha toe me’a ‘e taha, hangē ko ia ‘oku talamai ‘ia Ma’ake 14:61-64, ‘i hono ‘eke hangatonu ‘e he taula’eiki lahi kiate Ia, “Ko koe ‘a e Kalaisi?” pea tali ‘io ‘a Sisū, na’e haehae ‘e he taula’eiki lahi hono kofu, ‘o ne fakahaa’i ia ko e fie ‘Otua. Ko e fakahā ko ia na’e iku ai ki hono tautea ‘a Sisū ki he mate. Ka na’e mo’oni ‘a Sisū. Ko Kalaisí mo’oni Ia. Ko e Misaia pe Kalaisi ko e ‘Otuá ‘i he kakano. Pea ‘i ho’o ma’u ‘a Kalaisi, na’e fakafetongi’aki ho’o mo’ui fakaetangata ‘a ‘Ene mo’ui faka-‘Otua pea fakafisikitu’a ia ‘iate koe. Na’a ke hoko ko e tokotaha Kalaisi-‘iate-koe. ‘Oku pehē ‘ia Kolose 1:27, “…ko Kalaisi ʻiate koe, ko e ʻamanaki lelei ki he hakeakiʻi.” Ko eni ‘a e nāunau mo e uho ‘o e Kalisitiane - Kalaisi ‘iate koe! Ke ke ‘ilo’i mo ‘ilo lotoa ‘o lahiange ‘a e mo’oni ko eni he ‘aho ni, ‘o laka hake ‘i ha toe me’a kimu’a. Prayer / Confession ‘Apā Tamai, fakamālō atu ko e fakahā’ilo ‘o e ko hai ‘a Kalaisiko e ‘Otua fakafisikitu’a ‘i he kakano. ‘Oku ou fakahaa’i ‘oku nofo ‘a Kalaisi ‘iate au, pea ‘oku fakafisikitu’a ‘Ene mo’ui faka-‘Otua ‘i he tapa kotoa pe ‘eku mo’ui. ‘Oku ou lalaka ‘i he ‘ilolotoa ‘o e mo’oni ko eni, ‘o fakakakato ho ngaahi taumu’a mo e faka’ali’ali ho naunau ki he māmani, ‘i he Huafa ‘o Sisū. ‘Emeni. Further study Kolose 1:26-27; Sione 1:14 NIV; 1 Tīmote 3:16 1-year bible reading plan Ma’ake 9:33-50 & Nōmipa 9-10 2-year bible reading plan Mātiu 19:13-22 & ‘Ekisotosi 11 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F