Rhapsody Nambya Sun Mar 02 2025 GALA WAKANYUMWA KUTI UNA KRISTO MWAULI IWhi wakaba uNhu akagala pakati pedu, (tikabona kungaima kukwe, kungaima kwo Mwananhulumyana uwe wakazwalwa ega) uzhele chipiwo nechokomende (Johani 1:14) . J ana titi unKristo ndiyondiya mugele Kristo, inyaya kuti abatoba banji banoziba kuti Kristo zwinolebani, kana kuti Kristo ndiani. Ibala lyokuti Kristo lino lebani? Kristo ibala lyechi Hebhelu Mesiya, Mesiya zwileba iye wakagubwa. MuChivumilano chaNtolo, walushobwa kuwhi Mesiya, muChivumilwano chiphya, unoshobwa kuwhi Kristo, koga zwinoleba unhu umwempela wakale. BaJuda baluba bewhisisa kuti Mesiya ndiye waluba elebwa noMpolofita Daniele kuwhi “Mwananhulumyana woNhu.” Jesu paakati ndiye “Mwananhulumyana woNhu” iye “walunyamulilwa pezhulu” eleba kukahamilwa, baJuda bakabhuza kuti “Ndiupi Mwananhulumyana woNhu yoyu?” Baluba belangalila kuti Kristo unolalama nalini. IBhayibhili linoti muna Johani 12:23, 32-34: “…Jesu wakabashandula, eti: “Unshaji waswika wokuti Mwananhulumyana woNhu engaimiswe…Imi, jana ndanyamulilwa pezhulu penyika, ndinookakatila banhu bose kwandili.” Yezwi wakazwileba kutondejela lufu lwaaloofa nalwo. 34 Igapo lyakonsha-ndula, liti: “Isu takawha paMulawo kuti Kristo unoogala kusinopela; unoleba chini iwi, kuti Mwananhulumyana woNhu unokwelela kunyamulwa biya? Mwananhulumyana woNhu ndiani biya?” Jesu waluba eleba malebela mbeli aDaniele aluba evumilana nabo. Mabala okuti Mwananhulumyana woNhu anopandulula kuti Mwananhulumyana waMwali. Koga kuti Mwananhulumyana waMwali azwitoleba kuti “wakazwalwa naMwali”, koga zwinoleba kuti Mwali mumbili wonhu. Ndizwo Jesu paakati Mwananhulumyana waMwali, bakulwana babaJuda bakati waleba zwino kwiila. Bakati, “… Atitokupwanyila unshingo umbuyanana, koga nokuti watuka Mwali; akale, nokuti iwi unhu, unozwita Mwali” (Johani 10:33). Baluba bewhisisa kuti Mesiya, Mwali wakazwita unhu, ndizwo zwaluba zwilebwa naJesu kuti ndizwo zwaali. Jana uti Jesu ndi Kristo, umuleba kuti Jesu ndiMwali wakazwita unhu. Ndizwo zwaakakahamililwa. Usizwikanganwe yezwo. Pamwe, sokuleba kwa Maliko 14:61-64 panotibuja kuti untebuji unkulwana wakabhuza kuti “Ndiwi Kristo?” Jesu wakashandula nenzila yokuvumila, untebuji unkulwana wakajelula chihingaijo chiche, eti zwinokwilla zwaakaleba. Yezwo ndizwo zwakata kuti betongele Jesu lufu. Koga Jesu waluba ekalulama. Waluba eli Kristo chokomende. Mesiya kana kuti Kristo ndiMwali mumbili akale watambula Kristo, bupenyu bubwe bunobhisa bupenyu bwonhu bukabhuka mwauli. Waba unhu unaKristo mwauli. BaKolose 1:27 inoti, ”… yeli isiswa ndiKristo upo pakati penu, iye lubimbo lwolukujo lwenu!” Yolu ndilwo lukujo nobuKristo-kuti Kristo mwauli! Gala uziba akale wakazwinyumwa nechokomende yeli nasi, uzibisise zwausanu wata. Prayer / Confession Tate banodikana, ndinoboka chitondejelo chokuti Kristo ndiani-Mwali mumbili wonhu. Ndinolebulula kuti Kristo ugele mwandili, akale bupenyu bubwe bwimwo mubunhu bwangu bwose. Ndinokwenda noluzibo lwechokomende yeli, ndizhajikije kuda kwenu nechinangwa chenu nokutondejela kupenya kungaima kwenu munyika muZina lya Jesu. Amen. Further study Bakolose 1:26-27; Johani 1:14 NIV; 1 Timoti 3:16 1-year bible reading plan Maliko 9:33-50 & Chilabo 9-10 2-year bible reading plan Mateu 19:13-22 & Kubhuda 11 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F