Rhapsody Nafsan Sun Mar 02 2025 IESU IMUR KE FREG WI KI ANG Ag koi pe lek kineu napkei maluan kai pe pakor su. Ser naliati nig namolien nigneu ag koi pe preg sok kin itok Natus Negag. Ser mal koi pe pusi itaf napkei naliati iskei nen kei pe pan su. Namuroan nag toklos kineu ipi lesok pur iskei, O Tekaimes. Ru kano pi tenafef-uen! (Psalm 139:16-17 NLT) Tete Natamol ru tok metak nen ruk tao Nawot Iesu ke fei ki napu Namolien negar. Negar ru muro kin nag Nega kefo berik ki Napre negari; Napre negar nen ru koi pe tok preg potakin ser namolien negar; Tipot nen negar ru koi pe Ntai-makiri ipi tenegar.Negar ru nrogo nag Nega kefo lakor pei kir ki napu negar nen kin ke mai pi tenmatun nen kin negar ruk fo Malokin, go namuroan negar I melmel ues. Iteplan, Namer nen kin ru tok muro kin I iteplan ipi negar nen kin ru tae fei kin ipi Iesu mau. Go nlaken negar ru tu tae nega mau, Negar ru kano fafat ues. Ifuel kin ag ku murin nag pa tae wi kin fei kin ipi nega, ag pafo pi atlak intae-uen nen pafo fafat nega. Ag pa muro ki esan: sernalo lap nen me imurin nag ke freg wi ki ang. Esan kin ag ku tae fafat nega skot namolien negag. Nawot nega kei pe murin perkati emrom sernalo lap neu ru ilfek ki ag. Nega imur ag itop toli kin ag ku tumom mur ag. Nega kei pe pi atlak namuroan iskei nen ipi tenig ag. Go Namuroan nen ipi tenen kefo pregi ag pa tae manui go pafo semsem top ser mal. Nega kei pe tili su itok Jeremiah 29:11 NIV, ‘’Nlaken kineu kai pe tae namuroan nen kin a pi atlaken toklos ag,’’ NAWOT I tok tili,’’Nafet Namuroan nen ag pafo tae manui go futom sak go ikano polsaki ag, Namuroan nen kin kefo tae tuoki nalolouen pram go Namurien nigag tenig Matol.’’Imer tiki nat potae iskei nen kin ipi atlak namuroan tete plan nen tenig ag. Go ipregi ag ku mutoa kin nafet Nafsan nagmosmos-uen nega nen itok egmrom 3 John 1:2, ‘’Tenanromien nigneu, atok nigag lot nag ag pafo lakor tae manui go futom sak egmrom ser napu go tenig namolim kefo wi tok, ipi toskei taosi kin kineu a tae nag naten nig nanroguen nigag kefo puet sok wi ki ag go senrek pafo tok manui go futom sak pak elang.’’ Ag pa muro ki esan! Ipi nlaken nafte nen kin nega kei pe tuoki namolien nega. Nalenan nega, Naworan nega, go Nigien; nen kin ag pafo tae toki namolien nen I sak pak elag tol satan, Tapar, Namsaki, Nanroguen sa nig Namurouen go Namolin iskei, ku kano nrogwi ki namolin, go Numaten. Naworan itok los Nagien tumautu! Prayer / Confession Apap nag ku Len usrek, Apesawi ki ag tenig Nanromien nigag nen ipi te kaskei tok go Namuroan leng usrek toklos Namolien nigneu. Kineu a termau fafat ag imaui, go a muro tae nag nafet namuroan negag nen rukfo pregi ka manui go futom sak, go I tau ki nalolo-uen pram nen atok lorakin go I puetsok kerkerai ki Matol nigneu. I tiptip go a metalue intapeikien nigag nen ka nrokosi, go api atlak nasokien nen kineu senrek kafo toktoki Namolien iskei tenig Nasemsem-uen go ka freg silua inom egmrom nalo nagi Iesu. Amen. Further study Jeremiah 29:11;Proverbs 3:5-6;Romans 8:28 1-year bible reading plan Mark 9:33-50 & Numbers 9-10 2-year bible reading plan Matthew 19:13-22 & Exodus 11 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F