السلام عليكم ورحمة الله وبركاته صباح الخير يا شباب النهارده 16 شعبان❗️ ورمضان خلاص على الأبواب فلو عليك قضاء أيام فطرتها من رمضان اللي فات، ولسه ماصمتهاش.. يدوووبك تلحق تصومها.. وخلي بالك! لو ماصمتهاش ودخل عليك رمضان، عندنا كده حالتين ✌️ الحالة الأولى: إن ماكنش في أي عذر يمنعك من القضاء = فأنت كده هتأثم + هيبقى عليك قضاء الأيام دي + عليك كمان كفارة إطعام مسكين عن كل يوم ماصمتوش. والحالة التانية: إن كان عندك عذر حقيقي يمنعك من القضاء زي المرض مثلا = فأنت كده مافيش ذنب عليك إن شاء الله، وكل اللي مطلوب منك قضاء الأيام دي بعد رمضان.