يا جماعة وبعدين مع الحكومة الحالية ومع أحمد الشرع ؟! معقول لهلق ماعمل شي لصالح الشعب غير أنه.. رح قلك شو عمل القائد احمد الشرع بهل شهرين والخير لقدام بس اصبر الدنيا خلقت ب 7 ايام ولاتنقوا حاج نوح متل الصراصير 1- وفر على مئات الاف الشباب المغتربين و دفع البدل يلي بكلف بأدنى الأحوال 10 الاف دولار.. 2- وفر على العساكر يلي كانو مفيشين ويدفعوا اتاوة ورشوة لضباط جيش بشار ملايين الليرات.. 3- قضى والغى كابوس شعبة التجنيد ودفتر الجيش والتحاق بخدمة العلم والتبرع بالدم للمجرمين والشبيحة بالجبر والاكراه.. 3- لغى تشليح الناس 100 دولار كل مادخلو وطلعوا على سوريا.. 4- فتح البلاد عبعضها وصار فيك تروح بكل اريحية وسهولة من ادلب في اقصى الشمال الى السويدا في اقصى الجنوب.. 5- سهل عودة السوريين يلي كانو محرومين من اوطانهم وريحة بلادهم وشوفة اهاليهم وكان كل سوري موجود بتركيا مطلوب لنظام بشار.. 6- كل صاحب حق وبيت وسيارة ومنشأة كان النظام سارقهم عم يرجعهم لصحابهم.. 7- الغذائيات والبقوليات والمعلبات والخضروات نزل سعرها اكتر من النصف وال 100 الف ليرة يلي ماكنت تجبلك باكيت وكيلو سكر وعلبة متة صرت اليوم تجيب فيها كذا غرض تفرح ولادك فيهم.. 8- مابعرف الناس يلي معترضة عشو معترضة ومن شو متخوفة وهي بالاصل كانت عايشة بجحيييم وفقر وفساد ومحسوبيات وتشبيح ؟! 9- يعني يعفوا عن المجرمين والفاسدين والسجانين ويلي آذوا الشعب السوري حتى يوقفوا انتقاد وصياح وضرب مظلوميات ؟! 10- سوريا بلد منكوب بكل ماتعنيه الكلمة من معنى وإصلاح البنية التحتية وتوفير الكهرباء بشكل كامل وإعادة الأعمار والبناء مارح ينحلوا بشهر وشهرين وستة.. انت اليوم سوريا كلها الك بدل ماتنتقد وتستنى مين يعطيك قوم واعطي بلدك وارضك وبعد فترة متل ماعطيت بلدك رح تعطيك.. اليوم اذا زرعت الحصاد الك.. واذا استثمرت الثمار الك.. واذا تاجرت المربح الك.. اليوم سوريا الك والي وللكل .💚