*(الفقـــــ (الثانيـــه) ــــــره)* """""""""""""""""""""""""""""""""""""""" *تابـــــــع الألغـــــــاز الشعـــريه*:- ••••••••••••••••••••••••••• *للشاعــــــــــــــــرين*:- *الشاعر/بشير عبدالله القيســـي* *و* *الشاعر /احمد حزام العستـــوت* ••••••••••••••••••••••••••••••••• *مع الاجابات الصحيحه للالغــــــاز* *الذي تطـرقنالها من بعض الشعراء* *العباقـــــــــــــــــــــــــــــره !!!!!* *وهــم كالتالـــــــــــي:-* *١-عبده محمد ناصر الرخمي* *٢-ذياب صالح علي العستوت* *٣-عيسى احمدحسين الهروجـي* *٤-علي جميل الخولاني ابوناجي* *٥-احمد سند العلاني ابوراس* *٦-عمار الخولانــي ابومسلم* """"""""""""""""""""""""""""""""""""""""""""" *لغـــــز للأذكياء رقم ( ١١ )👇* *ـــــــــــــــــــــــــــــــــــــــــــ* يا ذي تحب(البـوازل) جيـب فتوايـــــا بازل يجـيد( اللغات) ليس اكترونيـات جهاز شغال رصيد مفتوح (للاحيــاء) شغله بدون نفـط او طاقـات شمسيات لا يلبس (الكـوت ولا الزنه ولا الأزيـاء) يفرمـت (الذاكـره) شغله هي الليــات تصريح مختـوم له من(كليه عليــــاء) يغـــزي بكل( السلاح) وله صلاحيــات *الشاعــ(ابونبيل) ــــر ✍️* *بشيـر عبدالله القيســــــــي* *صنعاء ــ بني مطر ــ داعـــر* ◼️◼️◼️◼️◼️◼️◼️ جواب اللغـــــــز رقم ( ١١ )👇 ـــــــــــــــــــــــــــــــــــــــــــ يامرحبـــا يـا (بشـير) والفـين بك حـيا مخصوص لك كل ساع من خالص النيات واهــلا وسهــــلا بنـوره يملـي الدنيـــا لكل شاعـــر يصل في وسـط برقــيات وحل فتواك في( خناس) في الاشـياء كم ناس في ذا الزمان ترفع له الرايات (وسـواس. خـناس.) لايتعب ولا يعيــا لا ايـدوه الضعـاف .. بيحقـق الغــايات *الشاعــــــــــــــــــر ✍️* *عبده محمد ناصر الرخمي* *ذمار ـــ عنس ــــ رخمه* ◼️◼️◼️◼️◼️◼️◼️ *لغــــــــــــــــــــز رقـم (١٢)👇* *ــــــــــــــــــــــــــــــــــــ* انا (بفتيك) من فـارس ملثـــــم وبكـره ماتجـد حـتـى اللثامــــه يعـانـقـها وهــو بالـفـعـل ملـــزم امام الناس مايخشــى المـلامـه ولا يمشـي معـاها إلا على الـدم (ثلاث) اللي يقومين بإهتمامـه تبارك من خلق عيسى إبن مريم نفـخ في روحها وأنشــز عظامه وسبحـان ربـنا من نطـق أعجـم وهو من معجـزات يوم القيامـه *الشاعـــــــــــــــــــر ✍️* *احمدحزام العستـــــوت* *ذمارـــ ميفعةعنس ــــــ ورقه* ◼️◼️◼️◼️◼️◼️◼️ جواب اللغـــــــزرقم(١٢)👇 ــــــــــــــــــــــــــــــــــــــــــــــــ تراحيــب دايمـه بالحيـد الاصـيم جبا احمد بن حزام مولى الشهامه صديقـي صاحب القـول المنظـم وشاعرفي الادب صاحب علامـه تحـيه خصـتك منـــــــي وتسلم مع اصحاب الوفاء واهل الكرامه (وفتـواك) حلـها عنـدي متـرجــم تشوفه في( القلم) مولى الفخامه وفي سطـر( البياضه) قد تنظــم علي شان يوصل احمدبالسلامه *الشاعـــــــــــــــــــر ✍️* *عبده محمد ناصر الرخمي* *ذمار ـــ عنس ـــ رخمه* ◼️◼️◼️◼️◼️◼️ جواب اللغــز رقم(١٢)👇 ــــــــــــــــــــــــــــــــ هــلا يامرحــبا مرحــب منظــــــم علي قيفان راقــت في نظـــــــامه ترحــب ما برق برقـه وزرجـــــــم حـنين الرعـد من بطن الغمامـــــه بشاعرنا الفــــطن والحيد الاصيم (بن العستــوت) ذي عالي مقــامه ولغــــزه ذي نظم حـــبك وصـمم صفـــــاته كــلهـا باوصــاف تامــه على وصف القلم في كل معجـم وصدر البيض ذي تعشـــق قوامه في اطراف الثلاث فارس مخطم بنـان الكــف ذي تمســــك زمـامه *الشاعـــــــــــــر✍️* *عيسى الهروجـــــــي* *ذمار ـــ ميفعة عنس ـــ الهروج* ◼️◼️◼️◼️◼️◼️ *لغــــــــــــــــــز رقم( ١٣)👇* *ــــــــــــــــــــــــــــــــــــــــ* (الضيف) عند المضـيف ضيف ولو غـدر لك ديـن عنـده مسجـل لا أنت عبــرتـه و(افتيك)من ضيف نفس الضيف يتقدر قــدرك كبيـر عـند قـدره لا أنت قـدرتـه *الشاعـــ(ابونبيل) ـــــــر ✍️* *بشير عبدالله القيــــسي* *صنعاء ــ بني مطــر ــــ داعر* ◼️◼️◼️◼️◼️◼️◼️ *جواب اللغــــــز رقم (١٣) ـــــــــــــــــــــــــــــــــــــــــــــ اهـلا.. وسهـــلا مائــة ملـيـار يتــصـدر (لابو نبيل) واصدقاه( بالواتس) ودرته والضيف ذي حل باهل الريف والبنــدر (رمضان) ذي مايصومـه صـدق كفرتـه (وافتيك) انا يا(بشير) يالشهم والاجدر من (ضيف) انا وانت عظمـتة وكبرتــه له قدر عند (المضيف) بس مستقـــدر (يوميــن ..والاثلاثه).. وانتهى كرتـــه *الشاعـــــــــــــــــــر ✍️* *عبده محمد ناصر الرخمي* *ذمارـــ عنس ـــ رخمه* ◼️◼️◼️◼️◼️◼️◼️ *لغــــــــــــــــــــــز رقم(١٤)👇* *ــــــــــــــــــــــــــــــــــــــــــــ* افتيك من(ضابط) وعدة جنود وقـايـــده هـــــو ذي يقـــــوده حامل وسط بطنه (بنيه) عنود لا أتفـارقوا ضاعـت جهــــوده (البنت) تتـغذى بصرف النقـود وهـو على التـــــيار وقـــــوده يعبـر صحاريهــا وكل الحيــود مـواقفـــه تـثـبت وجــــــــوده سبحان ذي سخر عقول اليهـود وأوحى( سليمان) في جنــوده *الشاعـــــــــــــــــــر ✍️* *احمدحزام العسـتوت* *ذمارـــ ميفعةعنس ـــ ورقه* ◼️◼️◼️◼️◼️◼️◼️ جواب اللغــز رقم (١٤)👇 ــــــــــــــــــــــــــــــــــ ياحــــــرف طعمه مثل ما العمــــبرود من يطعمــــه داوى كــــــــــــبوووده فكــــرت اجـاوب والعـوالم رقــــــود كليـــــــن مـع حالـــــــي خـــــدوده يا احمـد حـزام ياشبل نسـل الاسـود ولــــــــد ( ســنـد) رســــــــل ردوده اضنـــه الجوال حســــب الجهــــود ذي عقلـــــي ابــــــدع في جــــهوده *الشاعـــــــــــــر ✍️* *ابوراس العلانــــــــــــي* *ذمار ـــ ميفعة عنس ـــ العلانه* ◼️◼️◼️◼️◼️◼️◼️ *لغــــــــــــــــــز رقم ( ١٥ ) 👇* *ــــــــــــــــــــــــــــــــــــــــ* (افتيك) من فتاه عايشه جنب الام من دون أب مشهـوره بضــرب (امـها) (الثنتين) يتعاركيـــن (ام البنت) هي رافضه للأعـمال من دون ضـرب (خمسه) يأسرو (بنتها) تسمعهن وهن يحجرين *الشاعـــ(ابونبيل) ــــر ✍️* *بشير عبدالله القيســـــي* *صنعاء ــ بني مطــر ــــ داعر* ◼️◼️◼️◼️◼️◼️◼️ جـــــــــواب اللغــز رقم(١٥) ــــــــــــــــــــــــــــــــــ يامرحب بشاعر اتا واسرد لغز فيه العجب وانا طبعي اقبل بها وبالغازه اذا قد بدين هي يد المدق وامها تعوزهن بوقت الطلب والخمسه اصابع يدك ذي في يد ولا يدين *الشاعـــــــــــــر ✍️* *ذياب العســـــــــــتوت الورقي* *ذمار ـــ ميفعة عنس ـــ ورقه* ◼️◼️◼️◼️◼️◼️◼️ *لغــــــــز رقــــــــــــــم (١٦)👇* *ـــــــــــــــــــــــــــــــــــــــ* عــاد (بفتــــيك) من بـازل معلــق هــواوي مسكنه وسط (رابع دور) في قصر محكوم طول عمـــره وهو شغــال سارح ومـــــاوي شوف لولاه ما (كسرى) قدر يغلب( الروم) *الشاعـــــــــــــــــــر ✍️* *احمد حزام العستوت الورقي* *ذمارـــ ميفعةعنس ـــ ورقه* ◼️◼️◼️◼️◼️◼️◼️ جـــــــواب اللغـز رقــــم(١٦)👇 ــــــــــــــــــــــــــــــــــــ مرحبا بـ أحمـد العستـوت قوله يداوي مثل وصف الطبيب يبقى موثق ومختوم حـل فتـواك يـا شاعـر..وكاتــب وراوي (عقل الانسان)ذي به كل شي صارمفهوم *الشاعــــــــــــر✍️* *عبده محمدناصرالرخمي* *ذمار ـــ عنس ـــ رخمه* ◼️◼️◼️◼️◼️◼️◼️ *لغــــــــز رقــــم (١٧)👇* *ـــــــــــــــــــــــــــــــــــــــ* (افتيك) من (بازل) موطـي راســــــه مربوط (بثاني دور) وراسه منـــــزل تلقـــاه مخبــــي دايمـآ فــي (ناســـه) حارس بباب (القصر) عمره ما مــــل *الشاعـــــــــــــــــــر ✍️* *بشير عبدالله القيسي* *صنعاء ــ بني مطــر ــــ داعر* ◼️◼️◼️◼️◼️◼️◼️ جواب اللغــــز رقم ( ١٧)👇 ــــــــــــــــــــــــــــــــــــــ اهلا.. وسهلا من عميق انفاسه لك يابشير في كل ساعه يوصل وحل.. فتواك ياعسل في كاسه حتما هو اللسان ماغيره.. حل *الشـــاعــــــر✍️* *عبده محمدناصرالرخمي* *ذمار ـــ عنس ـــ رخمه* ◼️◼️◼️◼️◼️◼️◼️ *لغــــــــز رقــــم ( ١٨ )👇* *ــــــــــــــــــــــــــــــــــــــــــ* (افتيك)من(بنت)هيكل جسمها ظاهـر ويخـتلف شكلـها وألـــوان تحويـهــــــا خصرين دقيقين معاها تعجب الناظــر ومـن عشــقـها بتـفتــح لـه ذراعيــــها لا(رجل لا راس) فيها تجبـــر الخاطــر وشامخه في (العـــلا) بأعلى مبانيـــها تجـتـاح اكـبر مخاطـــر ليـل او باكــــر وعاشـق( البنت) هو ملـــزوم يحميهــا *الشاعـــــــــــــــــــر ✍️* *احمدحزام العستوت الورقي* *ذمارـــ ميفعةعنس ـــ ورقه* ◼️◼️◼️◼️◼️◼️◼️ *جــــــواب اللغز رقم (١٨)👇* *ـــــــــــــــــــــــــــــــــــــــــ* رحبــت يابن (حزام) ماينزل الماطــــر والبنــت فـالاذن تتـــعلــق اياديهـــــــا قدجيت اجوب عليك من طيبةالخاطر فتـــواك هي للنظــر والعين تحمـــــيها *الشاعـــــــــــــر ✍️* *ابوناجـــــــي الخولانـــــي* *صنعاء ــــ خــــــــــولان* ◼️◼️◼️◼️◼️◼️◼️ جواب اللغـز رقم (١٨)👇 ــــــــــــــــــــــــــــــــــ مرحبا اهلين من شاعر ولد شاعـــر باللـغز ذي جا ونا  ابوها   وراعـــيها البنت ذي قلت ماهي بنت يا شاطر ولا البنيه بطول   اليوم   نبزيهــــــا يقول عمار  ابو مسلم  على الظاهر والله   يعلم    بما  فيها  معانيـــــها اضن  المباصر   وهاذا  قولي  الاخر وما ضن قولي ولا ابياتي عتخطيها *الشاعـــــــــــــر✍️* *عمار ابو مسلـــــــم* *صنعاء ــــ خــــــــــــــولان* ◼️◼️◼️◼️◼️◼️◼️ *لغــــــز رقــــــــم ( ١٩)👇* *ـــــــــــــــــــــــــــــــــــــــ* (افتيك) من (ولد) قلبه من حديــــــد رحيم يعطف على الحيوان والانســان مخـلص وواعـــي بــيعـمل ماتريـــــــد حتـى ولو يشـتــنق يعــود زي ماكــان يعيش مع الناس والجواري والعبيــــد محلاك يا (ولــد) يافاضي ويا مليــان *الشاعـــــــــــــــــــر ✍️* *بشير عبدالله القيســـي* *صنعاء ــ بني مطــر ــــ داعر* ◼️◼️◼️◼️◼️◼️◼️ جــــــواب اللغز رقم(١٩)👇 ــــــــــــــــــــــــــــــــــــ ياقيــــسي احياك. في جمعــه. وعــيد كل التحــيه لكــم والشكر والعرفــــان فتــــواك من عهـــــد هارون الرشـــيد ومن عهــد طه النبي مذكور بالقـــران فعــــــلا. هو( الدلو )ذي به تستفــيد كل البشر والخلايق طيلة الازمـــــان *الشاعــــــــــر✍️* *عبده محمدناصرالرخمي* *ذمار ـــ عنس ـــ رخمه* ◼️◼️◼️◼️◼️◼️◼️ *لغــــــــــز رقــــم (٢٠)👇* *ــــــــــــــــــــــــــــــــــــــــــــ* (بكره) عليها الدايـــــره ذي تــدور (وأولادهـــــــا) دوره بــــــــــدوره تمشـي معانــا في جميـع الامـــور (وخمــس) في وقـت الضـــروره وقد تسمت بإسم (اثنين طيــــور) وبـعضـنــــــا فـاقــــد شعــــــوره من صيتها يبعث لمن في (القبور) ربــي ذكـــــرها وسط (ســــــوره) *الشاعـــــــــــــــــــر✍️* *احمدحزام العستوت الورقي* *ذمارـــ ميفعةعنس ـــ ورقه* ◼️◼️◼️◼️◼️◼️◼️ جـــــــواب اللغز رقم (٢٠)👇 ــــــــــــــــــــــــــــــــــــــ يامرحبا باحمد حزام الجسور نسل الرجاجيــل.. الغيـــــوره هو وسلتي لاحل يوم الدبـور والرزح في وقت الخطــــوره كل النماره جانبه والصقــــور في الطارفه تثبت حضـــوره وحل فتواك يالصديق الغيور في (الساعه) اتجلى ظهــوره *الشاعـــــــــــــر ✍️* *عبده محمد ناصر الرخمي* *ذمار ـــ عنس ـــ رخمه*