🌘إنما الأعمال بالخواتيم 🌀إن لم تبدأ الشهر بالطاعة فاختمه بطاعة عسى الله أن يغفر لك بها 🌃 شعبان ده أخطر شهر في السنة كلها لأن فيه أخطر حدث فى السنه كلها. طب إيه أخطر حدث فى السنة كلها⁉️. رفع أعمال السنة كاملة إلى الله 2000 فريضة هيرفعوا إلى الله أنت صليت منهم كام فريضة ؟! 365 فجر هيرفعوا إلى الله . ↩️ تخيل تقدير عن سنة كاملة من عمرك هترفع إلى الله يعني رمضان السنة اللي فاتت هيرفع إلى الله في شعبان ده... ليلة القدر السنة اللي فاتت هترفع إلى الله في شعبان ده تقرير عن عينك👁️ تقرير 365 يوم عينك بصت فى إيه حلال وحرام 🦻ودنك سمعت إيه حلال وحرام 👅 لسانك كل كلمة غيبة ونميمة أو كل كلمه ذكر لله . ♻️ 365 يوم تقرير عن كل عضو من أعضاءك فريضة فريضة ويوم يوم وليلة ليلة . 💫شعبان مش بس قنطرة إلى رمضان شعبان في حد ذاته موسم شعبان ده المفروض صحيفة هتُرفع إلى الله وهتُغلق ومش هتفتحها تانى غير يوم القيامة . احنا أعمالنا بترفع إلى الله 4 مرات ⬇️ يوميًا بعد صلاة العصر فيه فريق مراقبة بينزل يراقبك لحد بعد صلاة الفجر وبعد كده يطلعوا يدوا التقرير أنت عملت إيه بالظبط.. وبعد كده ينزل فريق مراقبة تانى ليك أنت مخصوص أنت متخيل أنت متراقب قد إيه أنت يوميًا بيترفع عنك تقريرين وكل أسبوع فيه كمان تقريرين تقرير كل يوم اتنين وخميس وفيه بقى عرض سنوي اللي هو في شعبان وفيه عرض عمري الإنسان أول ما يموت بيتسلم صحيفته كاملة وتُرفع وتُغلق ولا تُفتح إلا يوم القيامة. {أَحْصَاهُ اللَّهُ وَنَسُوهُ} كل حاجة مكتوبة علينا. 📌شعبان لازم تصلّح فيه صحيفتك. يوم القيامة لما تمسك صحيفتك خلاص ما بقاش فيه فرصة تصلحها... أنت الوقتى تقدر تصلحها. أنت عارف يعني إيه صحيفتك هترفع إلى الله في الشهر ده وسط مليار ونص مليار صحيفة مسلم ومسلمة يا ترى أنت ترتيبك قد إيه . 💥شعبان ده شهر الغفلة الناس مش حاسة بقيمته وخطورته وهو أخطر شهر (""ذاك شهرٌ يغفَلُ النَّاسُ عنه بين رجبَ ورمضانَ وهو شهرٌ تُرفعُ فيه الأعمالُ إلى ربِّ العالمين وأُحِبُّ أن يُرفعَ عملي وأنا صائمٌ"" ) النبى ﷺ يريد أن يُختم ليه بالصيام يُرفع وأنا صائم عشان رحمة ربنا تتنزّل على صاحب هذه الصحيفة. ⏪لازم نجتهد فى صيام غدًا ⏪تقدري تطلع صدقة يوميًا ياريت ⏪ فتح المصحف لازم يبقى فيه ورد من القرآن من شعبان عشان ندخل رمضان واحنا جاهزين باذن الله. الرسول ﷺكان شعبان ده بالنسبة له شهر صيام وقيام قبل كل ده الفروض الخمسة ومع كل ده التوبه إلى الله. ( طوبى لِمن وجدَ في صَحيفتِهِ استغفارًا كثيرًا ) صحيفتك لسه فى إيدك الحق زينها .. الحق صلحها بكرة لو مت واترفعت ما بقتش فى إيدك لازم تصلحها والفرصة لسه في إيدك. اللهم بارك لنا في شعبان. اللهم اجعله خير شعبان مر علينا فى حياتنا. اللهم ارزقنا صيامه وقيامه. اللهم استعملنا ولا تستبدلنا. #اختم_شهر_شعبان_بطاعة #الشيخ_حازم_شومان