أبرز ما ورد في تقرير ود المصطفى ليوم الخميس الموافق 27 فبراير 2025 بتوقيت القوات المسلحة السودانية. _____________ 📌 شرق النيل: ● الجنجويد الليلة شافوا بل صاح في حلة كوكو و شغل عدائي بمجموعات معينة و متخصصين في كمائن الجنجويد. ● الجنجويد حاولوا يعملوا حركة في حركتين في حلة كوكو و تم حسمهم في أقل من نص ساعة و تم تحيد عدد 27 فرد و إستلام عربة بالإضافة لعدد من الأسلحة و المواتر. ● الحاجة المشجعة أنو الناس هناك مرتبطين بالتعليمات و ملتزمين و مقسمين الأدوار فيما بينهم. ● الجنجويد جروا من حلة كوكو و وقعوا في كمين في المنطقة X. ● الشغل وصل لحدي محطة 13 و 13 فيها شغل نوعي عديل. ● كبري المنشية بتشاف و الجيش قريب منو و كبري المنشية دا يا جنجا حتجروا منو. ● في كمين محكم تم تحيد عدد 11 فرد فيهم ضابط برتبة عميد. ● تبقت مناطق معينة ، حيترفع تمامها بإذن الله. ● في جنجا عرضوا بيتهم للبيع في حي الهدى. 📌 البشريات: ● أكدت مصادر موثوقة برتب رفيعة، وتم التحقق من المعلومة عبر مصادر أخرى، أن شاحنات محملة بالمعدات والأسلحة الجديدة ظلت تتحرك دون توقف لأكثر من ثلاثة أيام ، خلاف #طيران_السيادة. ● العدة جاية من وين و ماشة وين دي معلومة أمنية. ● بإذن الله من الخرطوم حتطلع متحركات و تلاحق الجنجويد في دارفور #دارفور_لن_تقاتل_وحدها. ● مدفع 130 تم تحيده. 📌 وسط الخرطوم: ● الجيش جاي على المنشية بكذا اتجاه. ● المتحرك الشرقي اشتغل شغل كويس جدا و وزع عدد كبير من القناصة. ● الجيش اشتغل في كل البراري و متقدم و في حي مركزين عليه في قيادات كبيرة للجنجويد و فيهم قائد كبييير كان تابع لينا [تربية كلية] و الجنجويد كانوا معولين عليه على أساس بعرف التكتيك و نبشرك عارفين البيت الأنت قاعد فيه و للأسف حسب الشغلة بإتجاه قبلي. ● البراري تجري فيها عمليات تأمين و نظافة. ● المتحرك الغربي شغال و نظفوا المواقع الكان فيها قناصة. ● الجيش مركزن ما تبقى في السوق العربي و دخل موقع مهم جدا جدا ، و فيه أكتر من 6 قناصة و منتظرين الجنجويد الحيهربوا. ● جنجا القصر أحسن تبقوا مارقين و لو ربنا كاتب ليكم عمر بتمرقوا من القـ6ـناصة و أنا متأكد و انتوا مارقين حتقعوا في كمين. 📌 جنوب الخرطوم: ● أبطال الدروع متقدمين و شغالين. 📌 شمال دارفور: ● كان في جرارات شاحنة محملة بأسلحة متنوعة، مزودة بأجهزة تشويش، وكانت في طريقها لاستهداف الفاشر ، لكن تم تحييدها بالكامل في منطقة عد البيضة، مما شكل ضربة قاصمة للجنجويد، وجاء ذلك كحصاد لعدة أشهر من العمل. ● أي حاجة بتخش الأراضي السودانية مرصودة و معلومة. ● المتحركات المرقت من الدبة مشت كويس و حتظهر من منطقة ما. ● الجنجويد حول الفاشر أحسن تبقى مارقين. _____________ إذا وصلت للنهاية لايكك و شيرك بحافظوا على الصفحة 🇸🇩✅️❤️