CM Biren lahlhah dichu kadouve, kakinahpi e ti Kuki ho adeh a Kuki kahi ti MLA, hiche holah a jong BJP hinalai ho in, amaho jaona a Manipur Assembly a House Leader ding kilhenna a BJP Legislative Party Leader dia Pu N. Biren Singh chu alhen doh u ahijeh a ijemtia amachu CM post akon lahlhah ding leh loilhah ding atiu va ahileh hiche atungdoh Kuki lah a BJP MLAs homa ma in support abolna chu alahdoh u masat ngai ahi. Hiche chun avetsah chu Kuki BJP MLAs chun adalhah louleh CM Biren kilhah lhahna ding chu lampi dang umlou ahi. Dharna, Sit-in-Protest, Rally, etc. ajat ajat bolla CM khat chu khelthei ahipoi. BJP MLAs viz Nemcha, Letpao, Vungzagin, Paolienlal, Letzamang, LM Khaute, Ngursanglur ho cheng sagi hin CM Biren government chu adalhah masat pennu ngai ahi. Abanleh KPA MLAs Chinlunthang leh Kimneo teni chuleh Independent MLA Haokholet hon adalhah diu ahi. Achutilouleh Biren chu CM apat kheldi chu ahitheilou khat a mipi thanop nop nadia kiseimai mai ahibouvin, time pass na ahi....! Mipi hon heu hite. PM Modi leh HM Amit Shah in Govt. Employee ho Transfer Posting Order kiso banga Delhi apat CM Biren kikheldi achom hiditai tia ahinso a alahdoh theidi thil ahipon, kilhep/pui ngol sah poute.