*ࢪوآيـــهہ/حڪايتي مـ؏ الـجن الـ؏ـاشق في شقـتي ادخلو اعـملو مـتـابـعه للـقـنـاه* *‏ ࢪويـآت قصص المجد 🧜🏻‍♀️♥️ في واتساب:* *★الحلقهہ1* ♥️ ♥️♥️♥️♥️♥️♥️♥️♥️♥️ #حكايتي_مع_الجن_في_شقتي_الزوجيه ( قصه حقيقه، حدثت بالفعل) أنا متابعة قصصك الحقيقيه ياستاذ يوسف من فترة . وكنت مترددة احكيلك اللي حصل معايا عشان ممكن محدش يصدقني لأن انا اصلا مكنتش بصدق في الحاجات ديه غير لما عشتها و شفتها بعيني. _مبدأيا كدة_ انا عشت في شقه مسكونه خمس سنين، و الناس كانت بتخاف تيجي تزورني وانا اتأقلمت فيها عادي و كسرت حاجز الخوف بالمواجهة. هحاول اختصر و احكيلكم أهم المواقف اللي حصلت معايا، و ياريت اللي بيخاف من الأول كده يمشي لأن القصه حقيقيه حصلت لي بالفعل و الحكايه عايزه حد قلبه جامد. و اللي مش مصدق كمان يهوينا و يوفر كومنته البايخ لنفسه و ميدخلش يقرأ و لا يتابع معانا. الحكايه بدأت لما اتقدم لي عريس بس من محافظه تانيه... و بعد ما حصل تعارف و صليت استخاره وافقت و رحنا نشوف شقة الزوجيه انا و اهلي و كانت شقه حلوه واسعه في مكان راقي و صدري انشرح لها من أول ما دخلتها و ملاحظتش فيها أي حاجه غريبه و لا حتي و احنا بنفرش بالعكس المنطقه هاديه جدا و انا بحب الهدوء بس ممكن ناس تانيه تحسه مخيف بالذات لما الليل يدخل. بس جوزي مره أيام الخطوبه في نص الكلام كده حكي لي كام موقف حصل معاه و هوه لوحده في الشقه ظاهرهم يبان عادي، فالكلام عدي ماخدتش في بالي بس لما ربطته باللي حصل معايا بعد كده اتاكدت أنه مكنش عادي و هو رجع أنكر اللي حكاه بعد كده عشان ميعترفش أن الشقه فيها مشكله و يتحكم عليه يبيعها و يجيب غيرها. *الروايه من قنـاه قصص المجد 🧜‍♀️♥️* _حكالي أنه مره كان مروح من الشغل و كان بايت لوحده في الشقه ديه و دخل و قفل الباب وراه عادي زي كل يوم و نام صحي علي صوت البواب واقف فوق دماغه عالسرير بيصحيه فقام اتفزع و قاله انت دخلت هنا ازاي؟ ،، قاله انا كنت طالع اوصل طلب للناس اللي فوقك لقيت باب شقتك مفتوح علي رجله قلت ادخل اشوف فيه ايه !!! قلت مش مشكله ممكن يكون هوه اللي نسي الباب مفتوح فعلا و شفتها حكايه عاديه و بتحصل، بس و هو بيحكي لي اقسم لي أنه كان متأكد أنه قافل الباب كويس و المفتاح كان جوه. _و أنه كمان مره تانيه كان نايم بردوا لوحده في الشقه و حس بكيان ضخم حاضنه جامد و مكتفه في السرير و هوه عايز يقوم مش عارف و فضل علي كده شويه بيحاول يفك نفسه منه لحد ما الكيان ده اختفي لوحده وقام،، و أنه سأل حد قاله ده ممكن يكون "جن طيار" و راح لحاله !!! أنا الصراحه أول مره كنت اسمع كلمة "جن طيار" ديه، فمركزتش أوي و افتكرته بيألف و بيهزر هزار تقيل عشان يخوفني و كده و مفيش حاجه اسمها كده، و فسرت الحكايه علي أنه ممكن يكون كابوس عادي و تلاقيه كان متقل في الأكل قبل ما ينام و محطيتش في دماغي. المهم الجواز تم و سافرت و عدي أول يوم عادي مفيش أي حاجه غريبه و الدنيا تمام. _بعدها بكام يوم كنت قاعده لوحدي و فجأه باب الشقه حرفيا طااااااار بقوه و انفتح علي آخره و انا كنت وراه في المطبخ واقفه عالحوض اتخضيت و وقفت متنحه و بقول في نفسي مين الغبي اللي يفتح باب بالشكل ده و لا حتي يخبط و فضلت واقفه مستنيه اللي فتح الباب يدخل محدش دخل !!! طلعت ابص بره ملقيتش حد فوق تحت عالسلم حد طالع نازل مفيش حد قفلت الباب و دخلت و أنا بحاول أحلل اللي حصل ده خصوصا كنا في صيف يعني استحاله يكون ريح جامد أو هوا هوه اللي فتح الباب !!! و ده كان أول موقف ليا في الشقه الغبره ديه الجن استفتحوا بيه معايا زي التشريفه كده. 😂😂😂 لسة الحكايه بتبدأ.. القاكم في الجزء الثاني..يتبع =ارجوا من كل ال قرأ القصه يعمل لاف وكومنت عشان الاكونت واقع ولو لقيت تفاعل هنزلكم باقي المواقف ..والناس ال بتابع ف صمت تظهر وتتفاعل عشان اعرف القصه وصلت لمين .. وشكرا مقدما ❤️ #حكاوي_المرعبين #يوسف_مصطفى *شـآرڪو وآعمـلو ريآڪت مـختلف فضـلآ♥️🍒*