عارفين ليه احنا دايما تايهين؟؟ سبب كبير من توهانا ؛ إن مفيش عندنا ضوابط أو مبادئ، يعني ببساطة مفيش عندي حاجة أقدر ألزم نفسي بيها، خليني أجيب *مثال كلنا بنواجهه الوقتي* ( لو عندي مبدأ المقاطعة مثلا وإني مش هتنازل عنها مهما حصل مهما احتجت المنتج دا، ولو واقفت كل حاجة على المنتج دا برضه مش هجيبه، لو الحاجة المقاطعة هي ال هتكون مكسب لي برضه مش هتنازل--- وبالفعل حصل معايا موقف صعب وليكن أكلت فسيخ وعندي مناسبة ولازم أشرب بيبسي ومفيش غير مقاطعة_في الحالة دي قدامي خيارين _ الأول: ألتزم بمبدأي واشوف أي بديل تاني( عصير ليمون-مشروب نعناع- غسول الفم- وغيرهم) المهم أنا عندي مبدأ الأمر التاني: هروح بدون تفكير أشتري بيبسي مقاطعة عشان يعني محتاجة جدًا وكل اعتقادي إن هو دا الحل. خليني أقول هنا مش هو دا الحل ولا حاجة هي فكرة مفيش مبدأ فأنا أي حاجة وخلاص ملقيتش دي ودي وخلاص، وعلى كدا في باقي حياتنا. فالحقيقة دي سبب كبير من أسباب التشتت والتوهان وعدم الثبات، وعشان نحاول نتخطاه ونعالجه لازم يكون فيه مبادئ. *الخلاصة: بداية علاجك من التشتت والتوهان أن تلتزم بالمبادئ .*