*دماغك مكركبة وكل حاجة متراكمة عليك صح؟ ومش عارف من إيه* ؟! جروبات الوتس بقيت كتيرة ورسايلها اتراكمت، قنوات وجروبات وتس وتلجرام، فيس وانستا، كله كله اتراكم عليك، رسايل مبتخلصش ولا بتنتهي، حتى استوريهات بقيت متراكمة ويمكن حاجات تانية كتير دا كل دا غير المذاكرة ودواااامة كبيرة في دماغك وأنت لسه مش عارف الكركبة دي من إيه؟!🐦‍⬛ كل حد فينا عنده قدرة تركيز بتكون زي البلونه كدا بس ال بيفرقها عن البلونة أنها مش بتفرقع👀يعني لو قعد كدا بما يرضي الله تستفيد منها بتزيد ومش بتفرقع بل بتوسع وتكبر ، ولو أنا كان معايا قدرة تركيز وضيعتها فأنا كدا أكأن معايا بلونة وبدل ما انفخها خرمتها👀 هيحصل إي؟ أكيد عارفين. الفكرة فين لما بتيجي تنفخ البلونة مش بتتنفخ مرة واحدة وكمان بتقعد تنفخ تنفخ تنفخ لغاية ما تعملك شكل إنها يعني بدأت تتنفخ ومجرد ما تبقى كدا مجرد شوية نفخ صغيرين بتلاقيها هتفرقع، حتى بنقعد ناخد بالنا ونكمل النفخ فيها أخر شوية دول بالراحة، يعني بعد ما كنا قاعدين ونفسنا هيتقطع عشان بس نعرف أنها بدأت تتنفخ ومش فيها حاجة لبقينا في ساعتها بنكمل عادي. شوفت مثال البلونة دا دماغك وتركيزك زيو كدا بالظبط لازم تقعد في الأول نفسك يتقطع وتكمل ويتقطع وتكمل ويتقطع وتكمل...لفين بقى؟...لغاية ما تلاقي تركيزك بقى فوق كدا ودي مرحلة صعبة ومش بتيجي بالسهل أبدًا. طيب نعملها إزاي؟ في الحقيقة لازم البداية اقعد كدا اظبط حاجاتي مع نفسي ال أنا عارف أنها هتشتتني... خطوات عملية ______ 👀بفتح كل رسايل الجروبات سواء وتس، فيس أو غيرهم وابدأ لو أنا حابب أقرأ في القناة او الجروب دا زي ما يكون لسه داخله فمجرد ما بفتح الرسايل ويكون عندي الاقتناع دا بحس بارتياح وأي جروب بقى بعدين أبقى أقرأ فيه براحتى المهم مركمتش حاجة( طبعا الجروبات ال بعيده عن الدروس). 👀بأرشف كل القنوات والقنوات ال مش مهمة بالنسبة لي فلما بأرشفهم بيبعدوا عن نظري فبيقلل ضياه التركيز بالتشتت دا ولما أكون عندي وقت شوية بروح على الارشيفات دي وبرضه اظبطهم والله بقا ممكن امسح، ألاقي حاجة مهمة مكناش واخدين بالنا منها نطلعها تاني( المهم بناخد نظرة عامة). 👀بروح على الاستوري ومش بسيب غير الاستوري المهم فقط( الغالب فيه هيكون طبعا ديني) والباقي كله هعمله غير مهم وبرضه ممكن نظرة كدا عامة على الاستوري الغير مهم ال هو ٥٠٠استوري🙂والفكرة لما بعمل الاستوري غير مهم وكذا استوري بس معايا دا بيقلل التشتت كتير. _أسماء وليد_