الحمدلله على نعمة تغيير الأحوال ، رمضان الفات كنا بعيدين من ودمدني في لحظات كانت كل المؤشرات تدل على إنو تم إستئطان ودمدني يعني تهجيرنا انحن عشان يجيبوا عائلات جدد ما كان ولا نسبة ٥% في بالنا إنو ربنا يغير المعادلة قليلين الكانوا مؤمنين اقرب زول تسالوا يقول ليك إنتهينا ، إقتنعنا تماماً بأن الباطل عمروا ما بينتصر النُصره دائماً للحق ، صدق الله في قوله "إن الباطل كان زهوقا " نحاول نتغير ونغير ما في أنفسنا تعال نجرب دستور الدين وإتباع سنة حبيبنا محمد صل الله عليه وسلم في الشهر دا بس رايكم شنو؟ صلاة ،صدقات ، إحسان ، ابتسامة ، دعوات ،كل ما ورد في القران والسنة بقدر المستطاع نعملوا يمكن انت في نفسك تتغير وتلقى دا طريقك وبيئتك ومجتمعك رمضان كريم عليكم ربنا يتقبل منا ومنكم صالح الأعمال ✍🏻محمد فائز