Copy paste waale musannif Kuchh logon ko raato raat writer banne shauq hai, aise log humare darmiyan paaye jaa rahe hain, Ye ek mauzu par kuchh aayato ko select karte hain phir unki tafseer ko 'Ek Mash'hoor App' se copy kar ke paste kar dete hain aur phir ek naya naam de kar kitab keh dete hain aur us par apna naam chipka dete hain, kitab likhna itna aasan nahin hai jitna aise logon ne samajh rakha hai Kuchh publishers bhi in ka bharpoor saath de rahe hain, hum aaye din logon ko mana karte hain ke 'Hum aapki kitab shaya nahin kar sakte' magar dusre publishers apne faide ke liye aise logon ko 'ek musannif' bana kar pesh kar rahe hain, is pe rok lagaane ki zaroorat hai Publishers ko chahiye ke ab meyaar badlein, apne faide ke liye har aise waise shakhs ki kitab shaya na karein, bas bheed badhana kaafi nahin, is bheed mein aisi khichdi pak rahi hai ke jo waqai kaam ki kitabein hain wo bhi isi mein gum ho rahi hain aur marketing sahih se nahin ho paa rahi Abde Mustafa Muhammad Sabir Qadri