كل سنه وأنتم طيبين🤝... ليلة النصف من شعبان خلاص على الأبواب حابين نقول ونأكد على : - كثير من العلماء منهم ابن رجب وغيره يرون الاهتمام بالليلة بالعبادة والقيام والاستغفار لما ورد فيها من فضل في الحديث .. وكذلك صيام يومها بصفتها ليلة فاضلة ونهارها 15 شعبان من الأيام البيض .. - لكن نقول مفيش احتفالات مخصوصة بليلة النصف من شعبان ولا هي ليلة بتتوزع فيها الأرزاق ولا أي حاجة .. الكلام ده كله في ليلة القدر همتك معانا بقى عشان تفوز بيها في رمضااان 💪 يعني ده معناه ايه وايه الفضل المذكور في الحديث ؟؟؟ الفضل اللي ورد عن النبيﷺ : "في ليلة النصف من شعبان يطلع الله إلى عباده فيغفر لكل النااااااس إلا مشرك أو مشاحن" الحديث رواه ابن حبان في صحيحه وابن ماجه والطبراني وصححه الشيخ الألباني وغيره ، وفيه خلاف صحته وتضعيفه ، لكن العمل عليه عند كثير من أهل العلم.. فاحنا عارفين إن بعض علماء الحديث ضعفوه ، بس برضو فيه بعضهم صححه .. يبقى الصح تعمل إيه في الليلة دي وقبلها؟! - تصالح أي حد مقاطعه بدون داعي إلا لمصلحة دينية أو لسبب شرعي - تنضف قلبك من أي غل أو حقد تجاه حد من المسلمين - تنزع من قلبك التعلق بغير الله ، والأمور اللي ممكن تكون ذريعة للشرك ، زي التمائم والخرزة الزرقا والحظاظة ، أو التعلق بشخص مقبور لا يملك لنفسه فضلا عن غيره ضرًا ولا نفعًا .. وبس كدة.. - تتزود من الطاعات والعبادات والاستغفار في الليلة دي مبروووك عليك ليلة النصف من شعبان🤝 نطمع في كرم ربنا الغفور إنه يغفر لنا الذنوب كلها وندخل رمضان على نظافه بقى .. يارب اغفر لنا ذنوبنا كلها ولجميع المسلمين #رسايل #كاريكاتير_رسايل #رسايل_شعبان https://whatsapp.com/channel/0029Va5s0OcCBtxKHbGaeP