اوعى تكون مفكر ان ال ١٠٠ جنية اللي هتتصدق بيها هتفضل ١٠٠!! ده هتزيد عند ربنا وهتبقى مليارات.. يا اخي ده انت لو اشتريت بيها ذهب هتكسب فيها.. ما بالك بقى لما تتاجر بيها مع الكريم.. يقول الرسول ﷺ "إنَّ اللهَ يقبلُ الصدقةَ ويأخذها بيمينِهِ فيُرَبِّيها لأحدكم كما يُرَبِّي أحدكم مهرَهُ حتى إنَّ اللقمةَ لتصيرُ مثلَ أُحُدٍ" يعني لما انت تتصدق ربنا عز وجل بيأخذ صدقتك وبيزودهالك عنده وبينميلك فلوسك دي أضعاف مضاعفة.. لأنه عز وجل يعلم كل شيء ويعلم الوضع المادي وان كل حاجة بتغلى وانك لو حطيت فلوسك دي في ذهب مثلا هتزيد ولكن انت اخترت تتصدق بيها.. فمن فضله وكرمه لا يجمد صدقتك ولا يتركها ولكنه عز وجل يربيها ويضاعفها لك.. "ويربي الصدقات" كنت متصدق ب ١٠٠ تلاقيها يوم القيامة مليارات.. اللقة ولا الوجبة ولا كرتونة رمضان تلاقيها أد جبل أحد.. فيعني مفيش استثمار أربح من كده الحقيقة.. رسايل