أغرب سؤال انسألته على الخاص..(كيف بدي أعرف إذا فلان حظرني او لا.. من أول الحرب ما برد ع الواتس)؟ سامحني لو حطوّل عليك بالإجابة إللي حبيت تكون درس إلك ولغيرك.. » شوف يا عزيزي.. إذا اكتشفت حدا ما برد عليك أو حتى عملك حظر أو حتى تغير عليك، احظره إنت كمان .. لا تعطيه رفاهية إنه يرجع يغير رأيه، ودائما تَصرَّف بالحياة بنفس المبدأ.. » صدقني -وعن تجربة- .. مهما كانت علاقتك بشخص قوية متعطيش نفسك مكانة أكبر من المنطق، *والمنطق هنا شو بيقول*؟ -إنو العلاقات مهما كانت صخرية وقوية يوما ما حـتنهدم بموقف، أو بكلمة واحدة .. لأنه كلشي قابل للتغيير حتى إنت ياعزيزي، فبلاش تثق بالناس بسرعة كبيرة، واللي ما علّمَته الأزمات ملوش مكان في قاع التوبة.. وتأكد إنه هيك هيك الناس حتنسى وجودك أصلا لما يلاقوا بديل أفضل منك.. أو مصلحتهم عنده، هيك البشر لا حيفرق معهم إخلاصك ولا تعبك، فلو هددوك بالرحيل فأخبرهم بأنَّ «خير البر عاجله» !! مهو إللى حيتنازل عنك في الازمات حيتنازل والدنيا بخير ومش لازم تشرب البحر عشان تتأكد إنو مالح، وإللى باعك اتركه يروح يشوف بضاعة غيرك بس لو عاد تاني مترحموش وافشخ ما تبقى منه، أما لو سامَحت تاني فالغلطة التانية مع نفس الشخص هاي غلطتك إنت ... توب علينا يارب ܓيثمܛܟ🫤