Injabulo ibiphuphuma kubafundi baseZiphathele High School, eClermont, ngesikhathi iMeya yeTheku, uKhansela Cyril Xaba, kanye noSihlalo weKomidi lezokuPhatha nezabaSebenzi, uKhansela Nkosenhle Madlala, benikela ngemifaniswano yesikole, ama-printer, ama-pad, izinto zokugeza, kanye nokunye okuningi. Inhloso yalo mkhankaso wukwelekelela abafundi abaqhamuka emindenini ehlwempu. Lo mkhankaso, obuholwa yihhovisi likaMasipala elibhekelele ukuthuthukiswa kwentsha, usazoqhubekela nakwezinye izindawo zeTheku. #ethekwinimunicipality