‏د ټرامپ تر وروستیو څرګندونو پوري. په څلور سوه أو دوه نوي هجري کي صلیبیانو بیت المقدس هغه مهال اشغال کړ چې مسلمة أمت سخت له داخلي تشنج أو تفرق سره مخ وو، د وخت د اسلامي حاکمانو بې کفایتي أو پر منصبونو باندي د دوی حرص له یوې خوا ، أو پر وړاندي یي د بغاوتونو لړۍ له بلي خوا أمت په خپل مېنځ کي سره وېشلی وو، د اسلام د ضعف حالت وو ، د صلیب لښکرو په خورا اطمنان القدس اشغال کړی وو، په همدې شرائطو کي یي د أزادۍ هڅې هم کېدلې خو کومه ثابته نتیجه یي نه درلودل، لکه د عماد الدین الزنکي را پورته کېدل چې د زنکیة دولت مؤسس بلل کېږي، دی په داسي مهال را پورته شو چې مصر د فاطمینو په لاس کي وو، شام ټوک ټوک وو لکه أوس، عماد الدین الزنکي لومړی د مسلمانانو د اتحاد أو یو والي پر تدابیرو باندي کار شروع کړ ، بیا به وروسته القدس آزادوي، خو مقصد ته تر رسېدو څخه مخکي په ـ ۵۴۱هج ـ کي عماد الدین الزنکي د يوې دسیسې په نتیجه کي د خپل ساتونکي لخوا شهید شو ، له ده وروسته یي مسیر خپل ځوی نور الدین الزنکي تعقیب کړ ، ډېري قلاګانې ، ښارونه ، أو جنګي مرکزونه یي له دښمن څخه ونیول، بیا یي د أقصیٰ د حریت پلان ترتیب کړ خو مخکي تر دې چې خپل مقصد ته ورسېږي په ـ ۵۶۹هج ـ کي وفات سو ، له ده وروسته یي ځای ناستی صلاح الدین أیوبي منتخب سو ، د فرنګیانو سره یي د جهاد لړۍ شروع سوه ، آن تر دې چې نوبت د ـ حطین ـ و معرکې ته ورسېد ، په دې جنګ کي د مجاهدینو تعداد پنځه وېشت زره أو د فرنجیانو تعداد درو شپېته زره وو، د معرکې جزئیات ډېر دي خو خلاصه دا چې مجاهدین کامیاب شول ، د فرنجیانو دېرش زره ووژل سوه أو دېرش زره أسیران سول، د حطین وروسته صلاح الدین د شپیته زرو مجاهدینو په ملتیا القدس محاصره کړ ، وروسته تر دوولس ورځنۍ محاصرې په القدس کي صلیبي قمندان جنرال دانیال صلحې ته غاړه کېښودل، په ـ ۵۸۳هج ـ کي یي القدس فتح کړ ، وروسته تر ـ ۹۰ ـ کلونو یي د لومړي ځل لپاره لمونځ د جمعې پکښي أداء کړ. دا تاریخي ګذشت تقریبا هو به هو بیا را تکرارېږي، أمت ټوته ټوته دی، عرب رهبران و دښمن ته د متوجه کېدو پر ځای د هغوی په غلامۍ کي مسابقه سره کوي، خو په عین حال کي بیا هم د وخت عماد الدین الزنکي ـ سنوار ـ أو نور الدین الزنکي ـ اسماعیل هنیة ـ د القدس د آزادۍ مبارزه کول ، دا چې نوبت به کله د صلاح الدین راځي ان شاءالله لیري نده ، د ټرامپ لخوا د فلسطنیانو د اجباري مهاجرت طرحه د هماغه صلیبي جنګونو تسلسل دی، خو ان شاءالله بریا به د اسلام وي، لکه څنګه چې یي أباء أو أجداد د اسلام په څپېړه ووژل شوه ، د دوی برخلیک به هم هماغه وي باذن الله.