بالنهاية نحنا بشر ولساتنا عايشين على الأرض.....منغلط ومنخطئ محدا فينا معصوم عن الخطأ بس المهم أنو نعترف بخطئنا ونتوب عنو. الفرق بين شخص عايش حياتو كإبن للرب وشخص أخر إنو إبن الرب بيعرف كيف يجلد ذاتو ليبقى مبعد حالو عن الخطيئة قدر الإمكان. الموضوع أبداً مانو بسيط بس منتدرّب بطريقنا مع الرب لنضل صاحيين ضد مكايد عدو الخير. بدي قلك اليوم بما إنك صحيت الصبح فباب التوبة لم يغلق بعد الوقت قدامك لتعترف بخطاياك "إِنِ ٱعْتَرَفْنَا بِخَطَايَانَا فَهُوَ أَمِينٌ وَعَادِلٌ، حَتَّى يَغْفِرَ لَنَا خَطَايَانَا وَيُطَهِّرَنَا مِنْ كُلِّ إِثْمٍ." ومع التدريب بطريق الرب رح تصير تعرف كيف بتكبح أي شي بخليك تخطئ وتبعد عن الرب. صباحكم خير❤️✝️