مرحبا انا شاركت اليوم باليوم الأول المخصص للتعارف بمؤتمر الحوار الوطني. هي ملاحظات سريعة. الدعوة الرسمية كانت من الساعة ٤-٨ للقاء تعارف وعشاء، وطلب مننا نوصل عال٣. وصلت انا عال٣:١٠، دخلت لبهو فندق الداما روز.. مافي اي حدا يستقبل حدا او يخبر شو عم يصير.. لمدة ٣ ساعات، ما حدا حكى معنا اي شي! ولا حدا استقبلنا او خبرنا مين موجود او شو رح يصير او شو نتوقع! عال٦ تقريبا بلشت توصل اللجنة التحضيرية وفريق كبير من الميسرين والميسرات فيهن من خيرة شبابنا وصبايانا.. عرفت منهم زيدون الزعبي وربا محيسن وألمى السالم وليليان المغوش وعبد الفتاح شيخ عمر.. ولكنهم اكثر بكثير.. عال٦ وربع خبرنا زيدون نقعد لانو رح يجي العشا، وانو بعد ساعة بخبرونا شو رح يصير.. (انا ما كان عندي اي رغبة آكل من سمة البدن) عال٧ ونص تقريبا ماهر علوش عرفنا باعضاء اللجنة التحضيرية، ونيابة عنهم رحبوا فينا وشكرونا انو عم نشارك "بكتابة التاريخ" قالوا انو غاب عن حوار اليوم الكثير من السوريين والنخب والسياسيين اللي كان ممكن يشاركوا بأفكارهم ورؤاهم ببناء مستقبل البلد ولكن وضحوا انو "الظروف لا تسمح بأكثر من هذا الواقع" وإنه "الجميع يدرك انه لا يمكن استيعاب أعداد كبيرة بمثل هذا الاجتماع". بس قالوا انو أملهم فينا كبير "نكون ممثلين عن كل السوريين". بعدينا رجع زيدون شاركنا التفاصيل اللوجستية المتعلقة ببكرة.. طلبو منا نلاقيهم الساعة ٧:٣٠ الصبح (قبل موعد بدء اللقاء بساعة ونصف) ليوزعونا عمجموعات العمل اللي اخترناها من المجموعات الستة اللي تم تداولها بالدعوة ولياخدونا بالباصات عمكان اللقاء.. بتخيل في ما يقارب ٢٠٪؜ من الحضور من السيدات من مناطق كثيرة ومختلفة.. في حضور كتير.. بتخيل انه يتجاوز ال٦٠٠.. انا شخصيا بأحسن أحسن الاحوال بعرف منهم شي ٤٠ شخص .. اليوم أكثر يوم بحس فيه بقلة الاحترام بحياتي كلا!!! انا رايحة بسقف توقعات منخفض جدا جدا جدا وبامتعاض شديد من سوء التنظيم وعدم الشفافية على كثييير مستويات.. ولكن باحساس بواحب المشاركة لنقض الاليات وهيكلية الحوار الحالي من داخله.. ولكن ماحصل كان لسا أسوأ مما تخيلت!!! لانو كان ممكن لو احترمونا، يجي حدا (اي حدا..) يطلع الساعة ٤ (موعد الاجتماع الرسمي) يقول اهلا وسهلا فيكن.. يعمل المقدمة اللي عملوها الساعة ٧:٣٠ بالبداية.. يقولو معكن هلق ساعتين او تلاتة للتعارف .. بعديها رح ينزل العشا عالساعة كذا ونشارك التفاصيل المتعلقة بالغد عالساعة كذا.. وكان بيقدرو اليوم يا اما يعطونا المساحة نعرف ببعضنا (بالمحصلة كان عنا ٣ ساعات بلا طعمة) او يوزعو علينا قوائم بأسماء الحضور! وعلى أقل تقدير كانو بيقدرو يوزعونا اليوم عمجموعات العمل لنقدر عالاقل بأسوا الاحوال نروح نتعرف نحن عالمشاركين بهالمجموعات نجرب نبلش نفكر سوى.. وفقط! بخيركن بكرة شو بيصير! Sawsan abz هناك صور وفيديوهات متعلقة بالخبر تجدونها في رابط صفحتنا علـى تلغرام: https://t.me/RojavaActivists روابط شبكتنا علـى منصّات التواصل الاخرى: #يـوتيـوب https://www.youtube.com/channel/UCpK__DC6ot1ByDLt7tExgjg #انستغرام https://www.instagram.com/rojava_activists?igsh=MXF1Yzgzdm12aHJodQ%3D%3D&utm_source=qr #تيكتوك https://www.tiktok.com/@dilsher_aveata?_t=ZN-8t59wX7hTF8&_r=1 #فـيسـبوك https://www.facebook.com/share/1HPK3BDPB6/?mibextid=wwXIfr مجموعة واتساب: https://whatsapp.com/channel/0029VaKVZxp30LKJdc66Q61d مصـدرك الاول لاخـر خبـر