"من لم يكُن له خطة، فـهو في خطة الشيطان" لو ملكش خطة من دلوقتي لرمضان فـأنت في خطة وتنظيم الشيطان هو ونفسك عليك قادرين يهلكوك. لو ملكش خطة من دلوقتي هتعمل إيه مع التليفزيون والمسلسلات ورامز فـأنت في خطة الشيطان ومع أول إعلان فضولك هيجيبك وهتقع. لو ملكش خطة من دلوقتي عشان صلاة التراويح هتصليها فين وهتجهز من امتى ف الشيطان هينيمك بعد الفطار على طول. لو ملكش خطة في القرآن وبدأت تنظم ختمتك فـيوم هيروح ف عزومة، ويوم أصل عندنا ضيوف، ويوم شغل. لو ملكش خطة عشان تفضل صاحي لجلسة الضحى هتنام بعد الفجر على طول. لو ملكش خطة تثبيت لمواعيد الأذكار ف هي أول حاجة هتضيع منك سهو، تقصير.. لو ملكش خطة ف فتح فونك وحطوا تحتها ٣٠٠٠ خط، رمضان هيضيع ع الفيس. اللي مش عامل لنفسه خطة يعبد ربنا بيها حق عبادته هتلاقيه يومين تلاتة صاروخ ع الرابع والخامس هيَفتُر. اجهز من دلوقتي، ورقة وقلم واعمل لنفسك جدول، أعِدّ العُدّة. أنت عارف نقط ضعفك فين، قوّمها من دلوقتي عشان ترتاح بعدين. طوبى لمن أصلح نفسه قبل رمضان. *فلنتذكر قول م/أيمن عبد الرحيم :* *"أنت في رمضان بتتخلَّص مِن كيد الشيطان اللي هو أصلًا ضعيف عشان تقابل الوحش الحقيقي اللي هو حضرتك."*