كتب الدكتور في العلوم الجزيئية مهند الملك بعد لقائه الرئيس الشرع : كنت مجرد متفائل، عم اسمع من كل الناس آرائهم و توجساتهم و أفكارهم و انطباعاتهم. بس بعد اليوم اتغير موقفي من متفائل و بس، لمتفائل و مطمن… و صدقوني هاد الأهم. يا جماعة، بدون تملق (لا تنسوا خلفيتي العلمانية) الرئيس السوري أحمد الشرع بدماثته و تواضعه و وضوح أفكاره هو شخص مفيد جداً للبلد بالمرحلة الانتقالية. الرجل عنده رؤية إقتصادية واضحة، و نظرة لقطاع التعليم و مراكز الأبحاث أوضح و أوضح. إذا فعلا الأفكار يلي سمعتها بخصوص القطاع العلمي و التعليمي حتطبق… فبأكدلكم رح نبني جيل جبار. قديش اليوم في منكم جبارين و خبراء، بس البلد حتكون بمستوى آخر و أرفع و أفضل. أنا كنت فايت و عندي أسئلة كتيرة و بسيطة بس تفاؤلي كان يساعدني أتجاوزها. ٣ ساعات و نص إجتماع مع الرئيس كانت كافية تجاوبني على كل أسئلتي. و كنا بالإجتماع مع الإستشاري القدير صفوت الرسلان و الوزير السابق نضال الشعار يلي اتكرمت فيهم. بلدنا حيبقى حر، بلدنا حيزدهر بإذن الله إقتصادياً و علميا و تعليمياً، و الأهم هو إنتوا بجهودكم و بعقولكم بمختلف طوائفكم بمختلف قومياتكم… صدقوني سوريا قدام فرصة ذهبية مالازم نضيعها، و فيكم بس حتعمر. وضوح أفكاره كان بالنسبة إلي مهم، خطته التعليمية و العلمية يلي بتتجه لتحسين المنهاج و آلية التعليم و الربط بالاقتصاد و اعادة الهيكلية التعليمية برمتها، حيعطي مكانة رهيبة للبلد. عداكم عما سمعت من قصص بخصوص الأمور المعيشية و السياسية و الاقتصادية و الدولية و عملية ردع العدوان يلي كانت المرحلة الأخيرة بتحريرنا… كنت عم اسمع و استمتع. ما حدا يقلي عم تلمع صورته ما رح اكذب عليكم رح قول يلي بقلبي أنا رجل علماني لا تنسوا هالفكرة، و اتفاقي مع أفكاره إله دلالات برجع بقولها… بالعلم رح منعمرها أنا مطمن