اجابات اهم 10 اسئله بتتسال في الانترفيو في الرعايه المركزه #ازاي اعرف ان المريض ارست :- اولا انا بلاقي درجه وعي المريض فجاه بتروح بيبقي في ضيق في التنفس , وشه بيبقي لونه ازرق دي الحاجات اللي علي المريض الحاجات اللي علي المونيتور بقي بلاقي ضربات القلب بتنزل والساتوريشن بينزل بحس النبض من منطقه الرقبه مبلاقيش في نبض . .. ... #ازاي اشتغل مع مريض ارست :- اول حاجه تكمله لباقي السؤال اللي فوق اول م الاقي المريض ارست ومفيش نبض ابدأ انزل المريض فلات واشتغل CPR وابدا انادي علي باقي الفريق علطول هييجي واحد يشتغل بال امبو وواحد تاني بقي بيدي ادرينالين امبول سيكل بيدي وسيكل لا علي حسب برضو الدكتور اوردر وال CPR السيكل بتكون من دقيقتين ل ثلاثه لازم كل واحد يشتغلهم متصلين ميقفش غير م السيكل بتاعته تقف ويغير بعد كدا مع غيره واللي بيشتغل بالامبو بيعمل مره بالامبو كل ميعد ( 1001 - 1002 - 1003 - 1004 - 1005 - 1006 ) دي معلومه كان حد قايلهالي زمان او تقريبا بيعمل مرتين بالامبو كل 15 ضغطه CPR بنشتغل بقي من حوالي 25 ل 45 دقيقيه وبرضو علي حسب الحاله ممكن حاله نتشتغل عليها اكتر من كدا . .. ... #ايه الادويه اللي بيتبقي موجوده في الكراش :- الكراش فيه ادرينالين واتروبين وترايديل وماغنسيوم وكالسيوم وصوديوم بيكارب دول من اهم الادويه ومفيش ليفو في الكراش عشان الليفو بيتحط في الثلاجه وفيه طبعا مناظير وتيوبات وكانيولات وقساطر شفط . .. ... ازاي تعمل كير لمريض علي جهاز تنفس صناعي :- مريض جهاز تنفس صناعي بيبقي ليه كير خاص اولا قبل الكير لازم اشوف ال fixed number بتاع التيوب اللي متثبته عليه ( التيوب متثبته علي كام يعني ) ولازم اتاكد ان الكف بيتاع التيوب انفليتد ( منفوخه يعني ) عشان التيوب متطلعش مني واني بعمل الكير وطبعا ببدا اعمل الكير وعيني دايما علي المونيتور عشان المريض ممكن يقع مني ويارست في اي وقت وبقلبه علي جنبه من غير عنف عشان هوا مش مستحمل وممكن يارست وانا شغال وطبعا وانا بعمل الكير بقي بعمله علاج طبيعي ( ڤيزوثيرابي ) واعمله تشفيط وبعد م اخلص اتاكد تاني ان التيوب In ومتثبته في نفس الرقم قبل الكير واتاكد انها انفليتيد . .. ... #ايه الادوات اللي بنستخدمها واحنا بنركب سنتر لاين :- بنستخدم سنترلاين وخيط جراحي وجوانتيات معقمه وعاديه ومحلوح ملح وهيبارين وسرنجات وجهاز وريد ووصلات ثلاثيه ومسطره قياس CVP وشاش معقم وجاون معقم وماسك face وفوطه معقمه تحت المريض وفوق المريض وبيتادين وزيلوكين ولو هحتاج اي مخدر كمان زي ال ديبريفان او الدورميكم . .. ... #ازاي تقيس ال cvp لمريض علي جهاز تنفس صناعي :- نفس طريقه قياس cvp لمريض مش متصل بجهاز تنفس بس الفرق انك بتخصم ال peep من القياس او لو هتفصل الفنت وانت بتقيس بتدي 100 في الميه اكسجين وبتقيس عادي وطبعا مبتخصمش ال peep عشان الڤنت انت كنت شايله . .. ... #ايه الخطوات اللي بتعملها لما تسمع ان في مريض جايلك من الاستقبال وطالع الرعايه :- في الحاله دي بعرف بالفون الحاله دي ايه نظامها محتاجه مرتبه هوائيه عشان اجهزها ولا لا محتاجه اكسجين او جهاز تنفس عشان اجهزهم لو محتاجه جهاز تنفس طبعا بحضر جهاز تشفيط وقساطر وطبعا بحضر كل حاجات الادميشن الباقيه من سنتر لاين بكل حاجاته وسرنجات وكانيولات مقاسات مختلفه .... الخ وطبعا بعد م حضرت بستلم الاول اذن دخول المريض وبعد كدا ادخله . .. ... #ايه هيا خطوات نقل الدم :- لما باجي انقل دم لمريض اول حاجه باخد موافقته وموافقه اهله وبعد كدا بقي بسحبله 2 عينه CBC واحده بتنزل المعمل عندنا بيتعمل منها فصيله والتانيه المساعد هيخرج بيها عشان يجيب بيها الدم طبعا الدم بيجيلي لو هعلقه علطول هدفيه الاول بعد كدا اعلقه لو مش هعلقه في وقتها احطه في الثلاجه بس مينفعش يتحط في الفريزر لان الدم بيتحفظ في درجه حراره من ( 4 ل 6 ) درجه مئويه علي م افتكر باجي بقي قبل م اعلق الدم اسال الدكتور ادي مضادات للحساسيه زي ديكساميثازون واڤيل وسوليوكورتيف في دكاتره بتفضل تدي قبل الدم عشان ميحصلش ريأكشن من الدم وفي دكاتره بتفضل تديها لو حصل ريأكشن وببدا بقي قبل م اعلق الدم برضو اعرف من المريض هوا نقل دم قبل كدا ولا لا وحصله ريأكشن قبل كدا لو كان نقل واشوف العلامات الحيويه للمريض عشان لو في مشكله لازم يتاجل نقل الدم زي مثلا لو المريض حرارته عاليه او ضربات قلبه سريعه وببدا اعلق الدم ببطئ واتابع اول من ربع ل ثلث ساعه العلامات الحيويه كل خمس دقايق لو الدنيا تمام ممكن اسرع الدم شويه واتابع العلامات الحيويه في اول ساعه كدا كل ربع ساعه بعد كدا كل نص ساعه والدم يفضل انه يخلص في مدار 4 ساعات ولو المريض حصله ريأكشن في اي وقت اثناء نقل الدم زي ارتفاع درجه الحراره او رعشه او زياده ضربات القلب اوقف الدم علطول وابلغ الدكتور طبعا معايا ورق بسجل فيه العلامات