بص يا صاحبي، أنا لما فكرت في القبر، و لقيت إني هقعد فيه لوحدي يمكن ١٠٠ ألف سنة وممكن أكتر، ومش عارف إمتى يوم القيامة! فقلت أعمل حاجة تنفعني هناك. بدأت أتخيل إن كل استغفار بعمله كإني ببعته يجهزلي القبر.. زاوية هناك مليانة تسبيحات، عند راسي محتاج على الأقل ٣٠٠ ختمة قرآن، وكل ركعة بصليها بحس إني بحطها رصيد في القبر. لما يدفنوني، الناس هترجع لحياتها وأنا هفضل لوحدي.. طيب أعمل إيه؟ لازم القبر يكون منور وفيه شجر وفاكهة، روضة من رياض الجنة. لقيت إن الإنفاق في سبيل الله بيخلي الواحد زي الشهيد "لا خوف عليهم ولا هم يحزنون"، وده جه مرتين في سورة البقرة، يعني لو خايف على رزقك أو أي حاجة.. أنفق! ربنا بيطمنك إن مفيش خوف ولا حزن. والصلاة على النبي ﷺ كمان بتأنسني هناك، أحسن ما أقعد مع ناس تاكل في حسناتي بالغيبة والنميمة. نصيحتي ليك ولنفسي: خلي قبرك بنك، حط فيه رصيد بعبادتك، كل تسبيحة وكل ذكر هيكونوا أنيسك تحت التراب. دلوقتي أنت عايش ومبسوط، بس تحت... مفيش غير عملك اللي هيونسك. اللهم ارزقنا حسن الخاتمة - منقول بتصرف