رصد بلوچستان ءِ جار په ماتی زبان ءِ جهانی روچ ! بلوچی اسل پرهنگ و دوام انت بلوچان گوں بلوچی آشکار انت بلوچان ب ے بلوچی زیان و گارانت بلوچی هر بلوچ ءِ ننگ و نام انت بلوچی چہ پت و ماتاں نشان انت بلوچی مئی وتی شهدین زبان انت ماتی زبان گوں راجدپتر ءُ راجی پجّار، راج ءِ هستی ءُ مئے دود ءُ ربیدگی میراس همگرنچ اِنت. پمیشکا رصد بلوچستان بلوچی زبان ءِ دیمروی، پهازگ ءُ زندگ دارگ ءَ الّمی زانت. ماں ڈیهے که درآمدانی ایردست ءُ "مستعمره" انت هر مردمے ءِ اگده انت که په وتی راجی ءُ ماتی زبان ءِ زندگ دارگ ءَ جُهد ءُ کوشست بکنت. ما گوں وتی ماتی زبان ءِ وانینگ ءُ زندگ دارگ ءَ وتی راجدپتر ءُ دود ءُ ربیدگاں گهتر پجّاه آورت کنیں۔ ما چه درستیں بلوچ استاد، ندکار، واننده، شائر، رجانکار ، ازمکار ءُ ڈیه ءِ دود ءُ ربیدگی جهدکاراں لوٹیں که په بلوچی زبان ءِ وانینگ ءُ زندگ دارگ ءَ گیشتر کوشست بکننت تنکه مئے هنوگیں نسل ءُ پدریچاں بلوچ راجدپتر ءُ دود ءُ ربیدگ ءَ گهتر پجّاه بیارنت ءُ آهانی راجی بیداری گیشتر به بیت. رصد بلوچستان ءِ اگده اِنت تاں په ماتی زبان ءِ پهازگ ءُ دیمروی ءَ بلوچی زبان ءَ هالرسانی ءُ رسانک کاری بکنت ءُ بلوچی نبشتانک تیار ءُ شنگ بکنت. بلوچی زبان مئے راجی پجار انت ! ۲۱ فروری ۲۰۲۵ تلگرام: https://t.me/rasadbalochistan کانال واتساپ رصد بلوچستان: https://whatsapp.com/channel/0029VaDmhbL9Bb5sKqoQMS0P