الحلقة 1 الحلقة 2 الحلقة 3 الحلقة 4 الحلقة 5 . . رواية / بنت الرعد بقلم/ رحمة سامي 🔴🔴🔴🔴🔴🔴🔴🔴🔴🔴🔴🔵🔵 الحلقة 1 . (بارك الله لكما وبارك عليكما وجمع بينكما في خير).... فوقت علي كلمة الماذؤن المشهورة وانا دموعي بتنزل مني بق*هر علي حالي دا. قرب بابا مني وقال: استحملي شوية يا اسيل هو يا حبيبتي شوية وقت بس اول ما الاقي اختك اوعدك هترجعي لحياتك الطبيعية بس انتي اصبري. اسيل: وانا اقدر اعمل حاجه غير اني استحمل يا بابا بس ياريت متتاخرش لان الوضع دا مش هفضل فيه كتير. بابا: حاضر والله انا هقلب الدنيا كلها علي اختك وان شاء الله الاقيها قريب بس اوعي رعد يحس بحاجه. اسيل بوج*ع: وهو فين رعد دا يا بابا انا لحد دلوقتي معرفش شكله اي... اكيد راجل عجوز.... دا مهنش عليه يحضر فرحه حته. بابا: مش مهم كل دا المهم ان الجوازة تتم ومحدش يعرف أن الشركة هتعلن افلاسها. اسيل: انا اهم حاجه عندي اطمن علي اختي.... او ساعتها هنسي كل حاجه وهمشي. وقبل ما بابا يرد قرب العاصي (جد رعد): معلش يا عروسة رعد عنده شغل كتير.... بس انا هوصلك لحد فيلتك..... يلا بينا يا عروسة. اسيل بتريق*ة: اكيد طقم سنانه وقع عشان كدا مقدرش يجي.... مش مشكلة هروحله بنفسي. &مشيت مع العاصي بيه وانا طول الطريق بفتكر ملك اختي التؤام لما جت تزورني عند ماما لان هي عايشه مع بابا بعد انفصالهم وكانت فرحانه اوي... اسيل: اي اللي مغيرك كدا يا ملك.... ووشك احمر كمان.... قوليلي اي سر السعادة دي. ملك: حبيته اوي يا اسيل.... انا مش مصدقة ان في حد بالجمال والحنيه دي.... بس في مشكلة انه كبير شوية. اسيل بتريق*ة: بتحبي راجل عجوز يا ملك..... دا ازاي قدر يوقعك دا.... يا عيني عليكي يا اختي. ملك: بس يا اسيل بلاش رخامه.... دا مفيش منه ومحدش يصدق سنه.... انا بجد عرفت معني الحياة علي ايده. اسيل بحب: يا حبيبتي ربنا يسعدك.... بس خليه يتقدم بقي.... احنا معندناش بنات تكلم شباب من وراءنا. ملك بحز*ن: ياريت ينفع يا اسيل انا بتمني.... بس الموضوع متعقد اوي.... بس ان شاء الله يتحل. اسيل: في اي يا ملك احكيلي يمكن اقدر اساعدك... اي الحكاية يا حبيبتي. &بس قبل ما تحكيلي دخلت ماما علينا وهي سكتت ومن يومها مشوفتهاش تاني لحد ما بابا قالي انها هر*بت يوم الفرح وكان لازم اخد مكانها او هتحصل مشاكل كتير اوي وسمعت اختي هتدمر غير الشركة اللي هتعلن افلاسها وبابا اللي هيتحب*س... فوقت علي صوت العاصي بيه: يلا يا عروسة احنا وصلنا اهو.... تقدري تدخلي تستني جوزك جوه. اسيل: بس حضرتك الفيلا دي كبيرة اوي..... هدخل ازاي وهقولهم اي وانا عروسة داخله لوحدي كدا. العاصي: هما عندهم خبر بوجودك يلا انزلي بلاش كلام كتير. دخل وانا متعصبة من الرا*جل دا واول ما دخلت كان في جنينه حلوة اوي دخلت الفيلا وكانت كبيرة اوي شوفت راجل شاب قاعد وحاطط رجل علي رجل. رعد: نورتي بيتك يا عروسة.... كنت فاكر ان عندك دم ومش هتيجي.... بس الظاهره ان مفيش كرام*ة خالص. اسيل: مش معقول اوع تكون انت العريس.... امال اي كبير في السن دا.... دا انت اصغر مني شخصياً. رعد باستغراب: انتي بتقولي اي..... عالي صوتك كدا مش سامع. اسيل: دا شكله واقع علي ودنه وهو صغير.... بقول لحضرتك ان كان لازم اجي هو دا الاتفاق ولا نسيت. رعد بخب*ث: انسي ازاي بس.... انتي واحده وافقتي تتجوزيني عشان خاطر الفلوس.... مش مشكلة يلا تعالي ورايا. اسيل: اجي وراءك فين انت هتعمل فيا اي...... بقولك اي اوع تفكر اني هسمحلك تيجي عليا او تقولي انتي خدامة هنا او الشغل دا.... لا فوق يا بابا انا غير اي حد عرفته. رعد باستمتاع: لا حلو اوي.... شكلنا هنتسلي اوي.... طب تعالي ورايا يا ملك مش هكرر كلامي تاني. اسيل: ملك..... حاضر حاضر جاية وراءك.. &وصلنا الاوضة وكانت حلوة اوي بس استغربت ان كلها اسود في اسود كانت تخوف بس حلوة. رعد: هتفضلي واقفه مكانك كتير..... تعالي هنا. اسيل باستغراب: اجي هنا فين مش فاهمه. رعد: دي الاوضة بتاعت اللي وراه الباب دا عشان تدخليها لازم تدخلي من اوضتي... واياك حد يعرف انك بتنامي في اوضة تانية فاهمه. اسيل بفرحة: بس كدا حاضر من عيني.... دا انت طلعت عسل اوي اهو. فجاه سمعت صوت طفل دخل الاوضة بفرحة: بابا وحشتني اوي ليه اتاخرت كدا. اسيل بصدم*ة: بابا... انت مخلف.... . 🔴🔴🔴🔴🔴🔴🔴🔴🔴🔴🔴🔵🔵 الحلقة 2 . #بنت_الرعد #الفصل_الثاني رعد بغض*ب: اظن دي حاجه متخصكيش.... يلا روحي علي اوضتك ومتخلنيش اشوف وشك احسن ليكي. اسيل: ازاي يعني متخصنيش..... انت جوزي ومن حقي اعرف كل حاجه عنك.... يطلع مين دا وازاي محدش قالي انك مخلف. رعد بخب*ث: ايوة ابني ودا بقي امر واقع لازم تقبلي بيه.... يلا بقي علي اوضتك. زياد: بابي هي مين دي.... دي حلوة اوي ينفع نكون اصحاب والعب معاها. رعد: بكره يا زياد مش وقته.... دي هتبقي مامي الصغيرة اتفقنا يا حبيبي. زياد بفرحة: اتفقنا يا بابي. اسيل مقدرتش تستحمل وجريت علي الاوضة وساعتها رعد ضحك وبص لزياد: شاطر يا زياد.... اوع اسيل تعرف انك مش ابني.... مش انت بتحبني يبقي تسمع الكلام. زياد: حاضر يا بابي بس ليه مش عايز تقولها الحقيقه. رعد: وبعدين معاك بقي.... دا كلام كبار يا حبيبي.... مينفعش ندخل فيه. داده سعاد: وبعدين معاك يا زياد بقي.... قولتلك مية مره مينفعش تيجي هنا... انا اسفه يا مستر رعد. رعد بحب: في اي يا سعاد مالك.... انتي عارفه اني مش بزعل من زياد.... بس عايز اطلب منك طلب.... قدام مراتي زياد يبقي ابني مش ابن اختك ممكن. داده سعاد باستغراب: ليه كدا يا ابني.... دي عروسة جديده ليه توجع قلبها كدا. رعد: معلش يا سعاد سبيني علي راحتي.... ولكل حاجه وقتها.... واعملي حسابك زياد هيفضل هنا فترة وانتي معه. داده سعاد: اللي انت عايزوا يا ابني انا تحت امرك.... يلا يا زياد عشان تنام. زياد: بس انا عايز انام جانب بابي رعد بليز. داده سعاد: وبعدين معاك يا زياد اسمع الكلام بقي. &سمع زياد الكلام وخرج مع داده سعاد ورعد بقي باصص في المرايا وشايف اسيل وهي رايحه جاية في الاوضة... لان المرايا منها تقدر تشوف اللي في الاوضة لكن اللي في الاوضة ميعرفش يشوف ويفتكرها مرايا عادية... وكمان الاوضة عازلة للصوت.... بقي يبصلها وهو مستغربها وميعرفش ليه حاسس انه مشدود ليها من اول ما عينيه شافتها... لانه طول فترة الخطوبة عمره ما قابلها. اسيل في الاوضة: بقي طلع مخلف.... اكيد عشان كدا ملك هرب*ت منه.... وبعدين انا هتصرف معه ازاي.... لازم الاول اوصل لملك وبعد كدا يحلها ربنا.... بس برضو لازم اخليه يطلقني انا مستحيل اقبل ان اختي تعيش مع واحد زي دا. دخلت اسيل غيرت هدومها ونامت من التعب وبعدها رعد ابتسم وراح نام هو كمان صحي الصبح علي صوت صريخ اسيل جري علي الاوضة واتصدم وهو شايفها واقفه علي السرير. رعد: اي في اي بتصرخي كدا ليه.... واي موقفك علي السرير كدا.... اي اللي حصل انطقي. اسيل بخو*ف: في صرصار يا رعد..... انا بخاف منهم اوي.... اتصرف والنبي يا رعد. رعد بتريقة: انتي اكيد بتهزاري.... خايفه من حته صرصار.... انزلي وبطلي دلع مفيش حاجه. اسيل بعصبي*ة: انت اي مش بتخاف من حاجه خالص.... بقولك صرصار وعنده شنبات طويلة ومش بعيد يكون بيعرف يطير.... لا لا انا مش هنزل. رعد قرب منها وشدها: انزلي بقي انا مش فايق للعب العيال دا. &اسيل وقعت في حضن رعد والاتنين وقعوا علي السرير واسيل علي رعد وشعرها كله واقع عليه رفعه هو براحه رفعت اسيل عينيها واتلاقيت مع عيون رعد وفضلوا الاتنين سرحانين مع بعض وقبل ما رعد يقرب منها ويبو*سها دخل زياد. زياد: انتوا بتعملوا اي بقي.... كنت بتبو*سها منت بتبو*سها. بعد رعد بسرعه عن اسيل: زياد اي اللي بتقوله دا عيب كدا يا حبيبي. زياد: عيب ليه مش هي دلوقتي مراتك.... عادي يعني لو عملت كدا يا بابي. اسيل: زياد مينفعش كدا بابي كان بس بيحكلي قطرة يا حبيبي. زياد بخب*ث: وهو في فكرة بتتاخد في البؤق يا مامي.... خلاص بقي هعتبر نفسي مشوفتش حاجه... داده قالتلي اقولكم ان الفطار جاهز. رعد: طب يلا يا زياد وانتي غيري هدومك وتعالي ورايا. اسيل بغض*ب: هو فاكر نفسه مين دا عشان يديني اؤامر... استاذ ديناصور دا. رعد برفعة حاجب: انتي بتقولي اي.... عيدي كلامك تاني كدا مسمعتش. اسيل بابتسامه: مقولتش بقول حاضر جاية وراءك علي طول. رعد: بحسب يلا متتاخريش عشان الفطار بمعاد. اول ما رعد نزل:اووف عليك دا انت ديناصور فعلا.... هقوم البس احسن يجي ياكولني. &نزل رعد ودخل المكتب يرد علي التلفون... رعد: اي يا مراد نازل رن من الصبح ليه. مراد: عندي ليك خبر معرفش حلو ولا وحش بس اخوك طلع هنا. رعد: هو رجع امتا... وليه مجاش يقابلني لحد دلوقتي. مراد: انت عارف اللي فيها يا رعد.... وعارف جدك قد اي بيكر*ه بسبب ان ابوك اتجوز امه في السر وهي مش قد المقام. رعد بغض*ب: نفسي جدي يبطل تفكيره دا... عمتا حاول يا مراد تجبلي رقمه. مراد: حاضر يا باشا ومتقلقش علي الشغل انا هشيله اليومين دوال. رعد: ماشي يا صحبي يلا سلام. &قفل رعد وخرج بره اتصدم اول ما شاف اسيل بتضرب بالقلم واول ما شاف اللي عملت كدا اتصدم......... . 🔴🔴🔴🔴🔴🔴🔴🔴🔴🔴🔴🔵🔵 الحلقة 3 . #بنت_الرعد. #الفصل_الثالث. رعد بغض*ب: انتي اللي عملتيه دا يا مايا.... انتي فاكرة نفسك مين.... ازاي تسمحي لنفسك تمدي ايدك علي مراتي. مايا وهي بتضحك: مين دي اللي مراتك يا رعد انت هتضحك عليا ولا اي.... انا عارفه اللي فيها.... اجري يا بت هاتلي كوباية مياه يلا.... انتي هنا خدامه وبس. اسيل كانت منهارة وقبل ما تتحرك رعد مسك ايديها: مايا اعتذري حالا لملك.... هي هنا مش خدامه.... هي صاحبة البيت اللي انتي واقفه فيه دا.... ولو مش هتحترمي صحبته يبقي تتفضلي من غير مطرود. مايا بغض*ب: انت بتطردني عشان البتاعة دي يا رعد... هو دا حبك ليا.... اي يا رعد نسيت مين هي مايا.... نسيت حبنا وايامنا سوي. رعد بتريقة: والله كل واحد فينا عارف مين اللي نسي كويس.... وملهوش لازمه الكلام دا اتفضلي اعتذري لمراتي فوراً. مايا بحق*د: حاضر يا رعد عشان خاطرك بس.... انا اسفه يا مدام ملك.... بس انا ضيفة كان المفروض تخليني ادخل مش تقفيلي علي الباب كدا. اسيل بغض*ب: انتي مرضتيش تقولي انتي مين.... وهي مش زريبة عشان اي حد يدخل ويخرج كدا. رعد: حصل خير.... روحي يا ملك حضري الفطار مع داده عشان خاطر زياد.... وانتي يا مايا تعالي ورايا المكتب. مشيت اسيل علي المطبخ ومايا دخلت وراه رعد وهو قال: خير يا مايا.... اي اللي جابك هنا ورجعتي امتا من امريكا. مايا: رجعت عشانك يا رعد.... انت وحشتني اوي.... انا دلوقتي ناجحه وبقيت حاسه اني استاهلك.... وانت عارف مين كان سبب سفري... بس دلوقتي خلاص اظن اني استاهل اكون مراتك. رعد بتريقه: وميت قالك اني هقبل تكوني مراتي.... اللي تتخلي عني عشان الفلوس وسفرية كويسه.... مقبلش بيها في حياتي.... اتفضلي ارجعي مكان ما جيتي يا مايا. مايا: بس انا عملت كل دا عشانك يا رعد.... هتتخلي عني دلوقتي.... اوع تقول انك بتعمل كدا عشان البت دي. رعد بغض*ب: مايا التزامي حدود قولتلك دي دلوقتي مراتي.... لو مس هتحترميها هتشوفي مني تصرف مش هيعجبك ويلا اتفضلي لاني مش حابب وجودك هنا. مايا بخب*ث: حاضر يا رعد انا همشي.... بس صدقني هتشوفني كتير اوي.... وانت اللي هتطلب بنفسك اني ارجع لحياتك.... وساعتها هوافق عشان بحبك. دخلت اسيل: الفطار جاهز يا رعد وزياد مش عايز ياكل من غيرك. رعد: شرفتي يا انسة مايا... ابقي خدي الباب وراكي لان محدش فاضي يقفله.... يلا بينا يا ملك. &خرجت مايا ومشيت وهي الغض*ب مسيطر عليها لابعد الحدود... في مكان تاني شقة بسيطة جدا.... كانت ملك بتبص من شباك الصالة.... دخل واحد وحضن*ها من ضهرها. ملك: خضتني يا برق.... قولتلك كذا مره تعمل صوت وانت داخل.... لازم توقع قلبي في كل مره كدا. برق: حقك عليا يا حبيبتي.... بس قولتلك مليون مره متخفيش طول ما انا معاكي. ملك: انا فعلا خايفه اوي.... بس مش علي نفسي انا خايفه علي اسيل.... مكنش ينفع تدخل اللعبة دي.... اسيل مش قد رعد خالص. برق: متقلقيش عليها يا ملك انا عيني دايما هتكون عليها... بس مكنتش هقدر اسيبك تتجوزي حد غيري. ملك: عشان كدا هربت.... انا عندي امو*ت ولا اني اتكتب علي اسم غيرك يا برق.... بس اسيل غلبانه وملهاش ذنب في كل دا. برق: هي فترة صغيرة يا ملك وكل حاجه هترجع لمكانها الصح.... اضحكي بقي خلي الدنيا تنور من تاني. ملك: انا واثقه فيك وعشان كدا هطمن.... بس لو حسيت بخطر علي اسيل.... انا هتخلي عن كل حاجه عشان خاطر هي تبقي كويسه. برق: ان شاء الله مش هيحصل حاجه.... يلا بقي خلينا نفطر سوي.... وحشني الاكل من ايدك. &عند رعد خلص فطار وزياد راح المدرسة واسيل كانت قاعده مخنوقة.... وقبل ما رعد يخرج قرب منها وهي بتقلب في التلفزيون. رعد: كمان شوية في ناس هتيجي وجايبة ليكي شوية حاجات.... عايزاك تبقي جاهزة بليل عشان هنروح حلفة سوي. اسيل: بس انا مش حابه اخرج... تقدر تروح لوحدك.... او خد البلياتشوا اللي جت الصبح دي. رعد وهو بيضحك: بلياتشوا..... يخرب عقلك.... دي واخده جايزة ملكة جمال قبل كدا.... انتي شكلك معندكيش زؤق خالص.... او يمكن غيرانه. اسيل: ملكة جمال علي اي دي كلها صناعي.... وبعدين اغير علي مين ان شاء الله... هو انت في حد يقبل يبص في وشك اصلا. رعد بغض*ب: انتي قصدك اي.... هو انتي شتيفاني وحش ولا اي. اسيل ببرود: للاسف انا مش شايفك اصلا يا استاذ رعد.... وقولتلك مش هاجي حفالات... متتعبش نفسك معايا. رعد قرب ومسك ايدها جامد: انا مش بحب اقرر كلامي كتير انتي فاهمه.... هعدي عليكي بليل تكوني جهزتي مفهوم. اسيل بو*جع: مفهوم بس سيب ايدي.... هتتكسر في ايدك. &رعد سابها ومشي وهي بقيت بتستحلف ليه وبعدها الناس وصلت وبداءت تجهز وهو من غيظه منها بعت السواق ياخدها علي مكان الحفلة.... وصلت اسبل بفستان الاحمر اللي خطف انظار الجميع. مراد: نهار ابيض.... اي القمر اللي داخل علينا دي.... انت ازاي سيبتها تيجي لوحدها يا رعد. رعد وهو بيبص مكان نظر مراد: يخرب عقلك انتي ازاي حلوة كدا.... ربنا يسترها والحفلة دي تخلص علي خير. مراد: انت لسه مكانك روح بس الحقها قبل ما تتخطف منك. رعد جري ناحيتها: نورتي الحفلة.... طب ما احنا بنعرف نكون بنات حلوين اهو.... امال ليه الدك*ر اللي عايش معايا من امبارح دا. اسيل بكسوف: لكل حاجه وقتها بقي... خلينا ندخل ولا هنفضل علي الباب. دخلو وبداء الكل يرحب بيهم وبعد شوية جه حد من ضهر رعد وخبطه وهو بيقول: انت نسيت اخوك ولا اي يا عم رعد. رعد بصد*مة: برق...... . 🔴🔴🔴🔴🔴🔴🔴🔴🔴🔴🔴🔵🔵 الحلقة 4 . #بنت_الرعد. #الفصل_الرابع. برق بحنية: اي انت نسيت اخوك ولا اي يا رعد.... الف مبروك يا حبيبي عرفت انك اتجوزت. رعد بحب: انا اقدر انساك يا حبيبي.... الله يبارك فيك عقبال ما افرح بيك. برق: امال فين عروستك مجبتهاش معاك ولا اي. رعد: لا اكيد تعال اعرفك عليها... ملك دا برق اخويا الكبير... ودي ملك مراتي. برق بخب*ث: اتشرفت بيكي يا استاذة ملك... الف مبروك معلش جت متاخر. اسيل: ولا يهمك والله يبارك فيك. برق: بس عروستك حلوة اوي يا رعد... جدك عرف يختارلك صح. رعد بغض*ب: انت عارف الجوازة دي حصلت ليه..... واللي في بالك مستحيل يحصل.... هي فترة وهطلقها. برق باستغراب: ليه يعني يا رعد.... البنت حلوة مش وحشه.... اي اللي مش عجبك فيها. رعد: انا مستحيل اوافق اني اتجوز بالطريقة دي مهما حصل. كان رعد وبرق بيتكلموا بعيد عن اسيل وهي قاعده علي الترابيزة زهقانه فجاه قرب منها شاب. الشاب: تسمحيلي يا انسة بالرقصة دي لو سمحتي. اسيل: اسفه بس انا مبعرفش ارقص. الشاب بابتسامة: مش مشكلة انا هعلمك لو تقبلي يعني. اسيل كانت خايفه تقوم وقبل ما تمد ايدها جه رعد: خير يا استاذ في حاجه. الشاب: هرقص مع الانسة في حاجه. رعد بغض*ب: في انك عايز ترقص مع مراتي. الشاب باستغراب: مراتك... اسف مخدتش بالي اصلها لوحدها ومش لابسه خاتم في ايديها. رعد: طب اتفضل هي مش هترقص. بعد ما الشاب اعتذر ومشي... اسيل: هو في اي مش انت راميني ومش بتسال فيا... وانا زهقت بصراحه. رعد: عايزة ترقصي ماشي من عيني الاتنين. اسيل بخو*ف: استنا يا رعد انا اصلا مبعرفش ارقص والله خلاص هفضل قاعده. *رعد مسمعش منها وشدها وبداء يرقص معاها وهو باصص في عينيها والكل من حواليهم بعدوا وبقوا بيرقصوا لوحدهم واسيل بتتمايل علي انغام رعد بكل بساطة زي ما تكون حرفية رقص وكل تركيزها في عيونه اللي اسرتها وفجاه بداء رعد يغني مع الاغنية اللي شغاله واللي خلي اسيل تسرح خالص مع صوته اللي يخطف اي حد. يا اميرتي يا جميلتي يا سيدة كل النساء لا تتركيني فى وحدتي فالابتعاد عنكي ابتلاء يصعب علي تحمله وحان وقت الانتهاء ساكون معكي برغبتك وكما مولاتي تشاء يا حور عين قد اكتفيت من العذاب الله رحيم فكيف انتي لا ترحمي سؤالي انتي وانتي الرد والجواب حني على قلب قد بات مغرم. &خلصت الاغنية والكل سقف بانبهار واسيل بسرعه بعدت عن رعد بكسوف وهي مش عارفه اي حصلها عشان تسرح معه كدا.... وعدي الوقت والحفلة انتهت. رجع برق البيت وبسرعه ملك جريت عليه: طمني يا برق اسيل عامله اي.... هي كويسه رعد عمل فيها حاجه.... كشفها ولا حاجه. برق: اهدي يا ملك في اي.... اختك كويسه والله. ملك: انا حاسه بالذنب ناحيتها.... جدك لو كشفها مش هيسكت. برق: متخفيش رعد شكله مهتم بيها ومش هيسمح لحاجه تحصلها. ملك باستغراب: ليه اي اللي حصل عشان تقول كدا. برق وراها الفديو بتاع الرقصة: شايفه بيبصلها ازاي.... رعد وقع خلاص. ملك: ربنا يسترها... بس انت ناوي علي اي يا برق.... هو انا هفضل مستخبيه كتير. برق: استحملي شوية يا ملك.... اللي في دماغي يحصل وساعتها هتطلعي للعالم كله وانتي مراتي. ملك: يارب يا حبيبي. *في شقة مايا كانت قاعده متعصب*ة بعد ما شافت فديو رقصة اسيل ورعد دخلت عليها امها. الام: وبعدين معاكي يا مايا.... انتي رجعتي ليه... رعد خلاص مبقاش ليكي. مايا بغض*ب: متقوليش كدا تاني.... رعد طول عمره ليا انا وبس. الام: دا كان زمان قبل ما تقبلي عرض جده وتسافري وتسيبه يا مايا.... انتي اتخليتي عنه عشان خاطر الفلوس. مايا: كان جده هيدم*رني لو مكنتش قبلت.... قولت استفيد وبعدها ارجع وانا قوية. الام: واديكي خسرتي كل حاجه.... وانسي انك تعرفي توصلي لرعد. مايا بخب*ث: انتي متعرفيش حاجه.... قريب اوي رعد هيكون ليا.... وبرغبته كمان ومش بعيد يتحايل عليا. الام: مش مطمنالك يا بنت بطني.... بتمني تخالي بالك من نفسك.... احسن ما تخسريها هي كمان. مشيت امها وهي مسكت التلفون واتصلت بشخص غامض: بقولك اي خلينا نتقابل النهارده في الكافيه بتاع زمان.... بس بلاش تتاخر فاهم. قفلت مايا وهي بتقول: ما هو يا انا يا انت يا رعد.... قولتلك مش هسمحلك تكون لغيري لو اي حصل.... وهتشوف مايا هتعمل اي عشان تبقي ليها من تاني. *وصل رعد واسيل البيت وقبل ما اسيل تطلع اوضتها. رعد: استني عندك انتي راحه فين.... احنا لسه متحسبناش. اسيل باستغراب: نتحاسب علي اي مش فاهكه. رعد: ازاي كنتي هتسمحي لنفسك ترقصي مع راجل غريب.... هو انتي متجوزة رجل كرسي. اسيل وهي بتحاول تكتم ضحكتها: متقولش علي نفسك كدا انت رجل سفرة. رعد بغض*ب: انتي كمان بتهزاري.... ملك اتظبطي واعرفي انتي متجوزة مين.... عشان متزعليش مني. اسيل بغض*ب: بقولك اي انت بنفسك مش قابل بالجوازة دي.... يعني انا حره اعمل اللي انا عايزاه.... وانت كمان حر. رعد مسك دراعها بعصب*يه: ملك بلاش تستفزيني.... عشان انتي اللي هتندمي في الاخر. اسيل بتحدي: اعلي ما في خيالك اركبه... انا طالعه اوضتي. اسيل جريت علي اوضتها من نظرات رعد اللي كانت هتاكلها ورعد طلع وراها وشغل المرايا عشان يشوفها والفكرة ان هو ممكن يسمع اللي هي بتقوله لكن هي متسمعش ولا تشوف. اسيل قعدت علي السرير وهي بتقول: فاكر نفسه مين عشان يتحكم فيا كدا.... عم الديناصور دا.... وبعدين دا غلطه حد يتجوز من غير خاتم.... وجاي يحاسبني.... عيل رخم والله. رعد ضحك وحس ان عندها حق.... الغلط مش عندها... وقرر انه يعاقبها برضو علي تصرفها. *مايا وصلت الكافية واول ما وصلت ابتسمت: اهلا اهلا بي برق بيه...... . 🔴🔴🔴🔴🔴🔴🔴🔴🔴🔴🔴🔵🔵 الحلقة 5 . #بنت_الرعد. #الفصل_الخامس. برق بضحكة: عاش من شافك يا مايا.... خير طلبتي تشوفيني ليه. مايا بخب*ث: انا عارفه اللي انت عايز توصله... واظن انت هتحتاج مساعدتي.... اي رايك نتعاون سوي.... انت توصل لغرضك وانا كمان اوصل لغرضي. برق: اللي هو رعد طبعا مش كدا. مايا: بالظبط كدا.... فأنا عايزاك تتصرف ودخلني الشركة عشان اقدر ابقي قريبة من رعد... واقدر ساعتها اوصلك كل المعلومات اللي انت عايزاها. برق: وانا اضمن منين انك متلغيش الاتفاق عشان حبيب القلب. مايا: الشغل شغل معايا اطمن.... دا اللي اتعلمته من جدك يا استاذ رعد. برق: ماشي يا مايا... بس دخولك الشركة مش هيكون سهل.... وانا هقولك تقدري تدخلي ازاي.... بس انتي نفذي كلامي بالنص. مايا بخب*ث: اتفضل سمعاك وبتمني فكرتك تنفع. $تاني يوم اسيل صحيت وهي مضايقة ودخلت اخدت دش ونزلت تحت كان البيت هادي خالص وزي ما يكون رعد مش موجود. اسيل: داده سعاد امال رعد فين هو وزياد. داده سعاد: زياد في المدرسة يا بنتي.... ورعد بيه قال ان عنده مشوار مهم وطلب مني اجهزلك الفطار. اسيل: انا مش جعانه عايزة بس كوباية نسكافية عقبال ما البس عشان خارجه. داده سعاد: هتخرجي تروحي فين يا بنتي.... وازاي من غير ما تعرفي رعد.... كدا هتحصل مشكلة كبيرة.... اتصلي عرفيه افضل يا حبيبتي. اسيل بغض*ب: هو مش ولي امري عشان اعرفه حاجه عني.... انا ورايا مشوار مهم لازم اروحه.... حضرتك ابقي عرفيه لما يرجع. داده: بس يعني يا بنتي. اسيل: من غير بس يا داده معلش اعمليلي نسكافية بسرعه عقبال ما البس. $اسيل طلعت لبست وشربت النسكافية وخرجت وهي في دماغها تروح لصديقها الوحيد في البلد هنا..... في مطعم فخم وصلت اسيل واول ما زين شافها جري عليها وحضنه*ا. زين: انتي كنتي فين يا ملك.... وحشتيني اوي.... ازاي وافقتي علي الجوازة دي. اسيل: زين بس سبني انا مش ملك انا اسيل.... اي مش عارف تفرق بينا. زين بحزن: معلش يا اسيل.... انا اوقات بتلغبط فعلا.... بس انتي بتعملي اي هنا. اسيل: دا موضوع طويل اوي خلينا نقعد وهحكيلك كل حاجه.... انا مش بثق في حد غيرك. قعدت اسيل وحكيت كل حاجه لزين: ودلوقتي انا عايزة اوصل لمكان ملك.... انا قلبي مش مطمن عليها.... ومحدش هيساعدني غيرك. زين: بس هي هربت ليه يا اسيل.... وياتري راحت فين.... اختك ملهاش علاقة بحد غيرنا. اسيل: مش عارفه وخايفه يكون حصلها حاجه.... ساعدني عشان اطمن عليها يا زين. زين مسكها من خدودها وقال: اطمني يا لمضة هانم.... اكيد هنوصلها في اقرب وقت. في نفس الوقت كان رعد داخل وشافها وهي بتضحك وزين ماسك خدودها قرب وشدها بغض*ب: اي اللي بتعمليه دا.... وازاي تخرجي من غير اذني.... ويطلع مين دا. زين: انت اللي مين وازاي تمسكها كدا ابعد عنها. رعد بغض*ب: انا ابقي جوزها يا حيوا*ن... امشي قدامي يا هانم. اسيل: استني يا رعد وانا هفهمك والله انت فاهم غلط. رعد بش*ر: انتي تفضلي في العربية هنا لحد ما اخلص الاجتماع المهم اللي عندي.... لو اتحركتي من هنا يا ملك يومك مش هيعدي علي خير. اسيل بخو*ف: بس. رعد بتحذير: انا مش هكرر كلامي مرتين مفهوم. $اسيل سكتت ورعد ساب الحراس معاها ودخل يخلص الاجتماع وبعد كدا ركب العربية واتحرك هو واسيل لوحدهم وامر الحراس انهم يمشوا وراه بالعربية التانية. $في بيت العاصي وصلت مايا ودخلت بكل غرور بعد شوية دخلت مكتب العاصي. العاصي: خير يا مايا.... اي رجعك تاني. مايا: انا جاية اعرض عليك تعاون هيكبر اسم العاصي في السواق.... واظن انت هتبقي حابب دا. العاصي بشك: ودا هيحصل ازاي.... واي اللي هستفاده من التعاون دا. مايا بابتسامة: الصفقة اللي حضرتك مستني تكسبها... اللجنه لو عرفت اننا متعاونين سوي.... هيبقي سهل تكسبها... واظن دي ضربة قوية لشركة العاصي. العاصي باعجاب: حلو اوي دا.... تمام يا مايا قبلت التعاون معاكي.... تقدري تروحي الشركة لرعد وانا هبلغه موافقتي. مايا بخب*ث: بس انا عندي شرط وحيد. العاصي بشك: اي هو الشرط دا. مايا: رعد هو اللي يكون مسؤال عن الصفقة دي كلها.... وانا يبقي ليا مكتب في الشركة لحد ما الصفقة تتم وتنجح. العاصي بخب*ث: تمام موافق بس متنسيش ان دا شغل.... وان رعد متجوز. مايا بخب*ث: متقلقش انا مبنساش حاجه. $وصل رعد البيت وطلع باسيل علي اوضته وزقها علي السرير. اسيل بخو*ف: رعد اسمعني انت فاهم غلط.... زين دا يبقي صديق قديم. رعد بغض*ب: انتي لازم تعرفي انتي متجوزة مين.... والحركات الزبال*ة دي متحصلش وانتب شايله اسمي.. اسيل: انا مسمحلكش انت فاكر نفسك مين.... انا محترم*ة غصب عنك... قولتلك دا صديق قديم.... ولو مش مصدقني ممكن تطلقني ونخلص.... انا اصلا مش عايزة اعيش معاك. رعد بغض*ب مسك ايديها: بي عينيك يا ملك.... انتي هتفضلي علي ذمتي حته لو غص*ب عنك.... مش هسمحلك تروحي لحبيب القلب بتاعك.... ولو انتي اهلك معرفوش يربوكي انا هعيد تربيتك من جديد... لان شكلك متعرفيش يعني اي احترام شر*ف جوزك واسمه. اسيل بدمو*ع: انا بكر*هك يا رعد بكر*هك ومش عايزة اعيش معاك ابعد عني بقي. رعد حس بوج*ع في قلبه لمجرد ما سمع الكلمتين دوال وقال: ميفرقش معايا حبك او كرهك يا ست ملك... واعملي حسابك مفيش خروج من البيت غير باذني... واياك تخرجي ساعتها مش هيحصل طيب. $رعد سابها ومشي واسيل جريت علي اوضتها وهي بتعيط وحاسه ان طاقتها كلها خلصت............. في بيت برق اول ما رجع دخل ودور علي ملك ملقهاش.... واول ما وصل لاوضة النوم شاف اللي صدمه وشل حركته..... . يتبع