الحلقة 11 الحلقة 12 الحلقة 13 . . رواية / بنت الرعد بقلم/ رحمة سامي 🔴🔴🔴🔴🔴🔴🔴🔴🔴🔴🔴🔵🔵 الحلقة 11 . رواية بنت الرعد الفصل الحادي عشر 11 بقلم رحمة سامي برق اتصدم اول ما شاف منه قدامه وقال: منه انتي بتعملي اي هنا…. اوعي تقولي انك بتشتغلي هنا بجد…. من امتا انا اول مره اعرف. منه بهدوء قالت: اهلا يا مستر برق…. ايوة انا سكرتيرة مستر مراد بقالي اكتر من سنه شغاله هنا… ازاي حضرتك متعرفش. رد برق وقال: لا كويس منورة الشركة كله يا منه…. معرفش انا لازم امشي…. اكيد هنتقابل كتير الفترة اللي جاية دي…. مبسوط اني شوفتك. برق سابها ومشي وهي بصيتله بحزن وهي بتقول: اي اللي رجعك تاني يا برق…. دا انا ما صدقت اني بداءت اتعود علي عدم وجودك… ربنا يعدي الايام دي علي خير. وصل برق عند مكتب رعد ودخل من غير ما يخبط كان رعد بياكل ملاك ضحك برق وقال: عشت وشوفتك بتهتم بحد يا رعد…. لا وكمان بتاكلها بي ايدك…. يا بختها يارتني كان اسمي نور يا اخويا كان زمانك بدلعني زايها. اتكسفت وقومت وانا بقول: طب عن اذنكم انا عندي شغل…. هروح بس الحمام وهرجع اشوف شغلي…. نورت المكتب يا برق…. عن اذنكم بقي. جريت وانا مكسوفة ورعد قال: كان لازم تيجي دلوقتي يعني…. بس كويس انك جيت كنت وحشني وكنت هكلمك اصلا…. طمني عليك روحتي لجدي. رد برق وقال: كالعادة يعني طردني…. متشغلش بالك انت بالموضوع دا…. شايفك بداءت تتقبل نور…. دي حاجه كويسه…. شكلها طلعت تستاهل حبك. اتنهد رعد وقال: مش عارف يا برق والله…. بس مشدود ليها بطريقة غريبه…. رغم انها يعني…. اصلي خايف تطلع زي مايا. ابتسم برق وقال: بلاش تخاف لان الخوف بيضيع كل حاجه مننا….. وصوابعك مش زي بعضها يا حبيبي…. فوق وخالي بالك نور تستحق المجازفة. ابتسم رعد وبرق مشي بحجة ان عنده شغل…. رعد طلع عشان كان خايف اكون واقفه مع نادر بس ساعتها اتصدم من وجود زين في الشركو وقبل ما يقرب منها مسكت زين وشديته بره الشركة خالص. وبسرعه قولتله: انت بتعمل اي هنا يا زين… انت عارف لو رعد شافك اي اللي هيحصل…. دا انا كدبت عليه وقولتله اني بحبك وانا بتحبني… صدقني لو شافك ممكن تقوم مشكلة كبيرة. رد زين وقال: واخرتها يعني يا ملاك…. انتي هتفضلي كدا لحد امتا…. رعد دا شكله خطر عليكي…. دا لو عرف انك ملاك تؤام نور ومش نور مراته مش هيحصل طيب. اتنهدت وقولتله: انا عارفه يا زين وعشان كدا مش لازم يعرف لحد ما اقدر اوصل لاختي…. وساعتها يعرف ولا ميعرفش مش هيفرق… انا اصلا نفسي يعرف. استغرب زين وقالي: في اي يا ملاك…. هو انتي حبيتي رعد ولا اي حكايتك…. انا اول مره اشوفك بتتكلمي كدا عن حد… انتي اتغيرتي خالص يا ملاك. ابتسمت وقولت: والله مش عارفه يا زين…. انا حاسه بمشاعر حلوة ناحيته…. بس مش قادرة اوصف دا حب ولا اي…. وبعدين مش هينفع رعد يبقي جوز نور يعني جوز اختي مش هينفع احس بي اي حاجه ناحيته. قرب زين ومسك ايدي وقال: اختك لو كانت بتحبه مكنتش هربت منه يا ملاك…. رعد لو حبك يبقي من حقك انتي مش هي…. بلاش تحملي نفسك فوق طاقتك. اتنهدت وقولت: ملهوش لازمه الكلام دا دلوقتي…. انت بس ساعدني اوصل لنور… وبلاش نتقابل ولا تتصل بيا… ابقي ابعتلي رسالة لو في جديد وانا هتصرف واكلمك او اقابلك يا زين. ابتسم زين ومشي ودخلت جوه وانا مش واخده بالي من رعد وهو واقف وسامع كل حرف حصل بيني وبين زين. رجع رعد مكتبه وقعد وهو بيفكر وبيقول بصوت مسموع: عشان كدا كنتي بتبعدي عني وبتمثلي انك بتحبي زين… بس ياتري انا مشدود لنور ولا لملاك…. اكيد لملاك لاني عمري ما اتعملت مع نور…. بس حلوة اللعبة دي… انا لازم اجننها شوية. رجعت المكتب وقولت لرعد: عايز مني حاجه تاني يا رعد…. بصراحه انا تعبانه ومحتاجه اروح…. وحابه اقعد مع امي شوية دا بعد اذنك طبعا. قام رعد وقرب مني وهو بيقول: طب ما انا جوزك ومن حقي تقعدي معايا شوية…. انا حابب تقعدي قدامي كدا لحد ما اخلص شغل…. او اي رايك نروح سوي ونقضي بقيت اليوم في اوضتنا سوي. اتكسفت اوي وهو بيقول كلامه دا وبيغمزلي في الاخر بسرعه قولتله: وعلي اي لا يا حبيبي اقعد شوف شغلك مش هينفع نعطلك….. اتفضل شوف شغلك وانا هقعد هنا علي الكنبه. ضحك رعد وقال: اموت في الفراولة الحمراء…. مسيرك تقعي بين ايدي…. بس نروح بيتنا يا حبيبتي…. يلا اقعدي بقي خليني اشوف شغلي. قعدت وانا مستغربة طريقتها اللي اتغيرت مره واحده دي…. وقولت دا اكيد عنده انفصال شوية حلو وشوية وحش…. ربنا يستر يا رعد هتجنني. رجع برق البيت كانت نور قاعده قدام التلفزيون قرب منها وهو بيضحك وبيقول: اسكتي مش شوفت ملاك اختك النهارده ورعد بياكلها بي ايده…. كان شكلهم حلو اوي سوي… شكل رعد هيقع وساعتها هيسهل علينا موضوعنا. نور بضيق قالت: هي ملاك كدا بتحب شغل العيال دا…. المفروض تراعي انهم في المكتب اي اللي هي بتعملها…. ربنا يستر ونخلص بقي عشان كل واحد يرجع لحياته الطبيعيه. برق قال باستغراب: وانتي عرفتي منين انهم كانوا في المكتب يا نور…. انا قولت اني شوفتهم بس… وبعدين حياة اي اللي عايزة ترجعي ليها مش فاهم. اتوترت نور وقالت: يا حبيبي ما اكيد كنت في المكتب لانك او روحت البيت كنت عرفتني…. واقصد يعني انزل واروح واجي براحتي بدل الحبسة دي. ابتسم برق وقال: هانت يا حبيبتي معلش استحملي شوية…. قوليلي حاسة بي اي دلوقتي…. لسه بتصدعي وبتتعبي… والبيبي عامل اي. رديت نور وقالت: لا يا حبيبي الوجع بسيط مع العلاج بيروح اصلا…. والبيبي معرفش ليه مش حاسه بحركته جوايا…. حاسه انه مش موجود اصلا…. هو ينفع نروح للدكتور نطمن. برق بخوف قال: انتي بتقولي اي…. يلا يا حبيبتي البسي خلينا نروح نطمن…. انتي ازاي متتصليش بيا تعرفيني… انتي بقيتي مهمله خالص يا نور اتفضلي قومي. قامت نور وهي بتبتسم بخبث وبتقول في نفسها: وهو انت لسه شوفت حاجه يا حفيد العاصي… انا هدمركم واحد واحد…. ولسه ست ملاك هانم اللي عايشه في دور سندريلا. وصل برق ونور المستشفي وفجاه نور صرخت وقالت: اااه بطني يا برق الحقني…. اااه بطني وجعني اوي يا برق في ضرب جامد في بطني وضهري…. مش قادرة الحقني. وفجاه وقعت اغمي عليها برق بسرعه دخلها عند الدكتور وبعد ما خرج والدكتور كشف عليها خرج الدكتور وقال: استاذ برق انا اسف معنديش حل تاني عشان ننقذ حياة الام…. لازم نضحي بحد فيهم. برق بخوف علي نور قال: مش مهم يا دكتور انا اهم حاجه عندي حياة نور…. ارجوك هي لازم تقوم ليا بالسلامه انا مليش غيرها…. اعمل اللي تقدر عليه عشام تبقي بخير. ابتسم الدكتور بخبث وقال بحزن مصطنع: انا اسف جدا يا استاذ برق…. بس مفيش حل تاني…. عن اذنكم احنا هنعمل اللي هنقدر عليه…. وكل اللي يجيبه ربنا خير. في المكتب النوم غلبني ورعد خلص شغل وقرب مني وقال بصوت واطي: انتي جننتيني اليومين اللي فاتوا دوال… وجه دوري يا ملاك الرعد…. استحملي شوية ولما نشوف اخرتها في اي وهتعترفي بحبك ليا امتا. اتحركت وفتحت عيني لاقيته في وشي اتخضيت وقولت: اي في اي…. انت بتعمل اي يا رعد…. اسفه نمت غصب عني…. اي خلصت شغل ولا لسه انا زهقت بجد وعايزة اروح بقي لو سمحت. وقبل ما رعد يرد اتصلت مايا وقالت: اي يا رعد فينك كل دا…. قولتلك انا عازمك علي العشاء بليل…. ممكن اعرف حضرتك فين كل دا…. وهتيجي امتا. اضايقت وسحبت التلفون من ايده وقولتلها: والله رعد مش هيقدر يجي لانه مع مراته دلوقتي…. تقدري تتعشي انتي لوحدك… اصل رعد حبيبي مش بيعرف ياكل من غيري. وقفلت السكة في وشها وانا بقول: بت ملزقة معرفش اي دا…. لدرجادي معندهاش دم وبجحه…. يلا اهي غارت في داهيه… دي عامله زي البلياتشو والله. رعد وهو بيضحك قال: ممكن اعرف اي اللي عملتيه دا…. مين سمحلك تردي عليها وتقولي الكلام دا…. هو انتي بتغيري عليا لسمح الله يا نور. اتوترت وقولت: بغير لا طبعا انت بتقول اي…. انا بس بساعدك لانك قولت في غيرها في قلبك…. وعارفك مش حابب تكسفها… وانا وفرت عليك مش اكتر. ضحك رعد وقال: اذ كان كدا ماشي…. يلا بينا انا خلاص خلصت…. وحماتي اتصلت وقالتلي انها محضرة لينا الاكل اللي انتي بتحبيه…. يلا بينا بقي وبعد كدا بطلي تعملي صوت وانتي نايمه. اتصدمت وقولتله: مين دي اللي بتعمل صوت وهي نايمه…. انت اكيد بتكدب…. انا مستحيل يطلع مني حاجه زي دي…. انت رخم يا رعد وربنا. رعد ضحك وقال: المره الجايه هبقي اعملك فديو واوريكي…. يلا يا اختي خلينا نروح…. انا هقع من طولي من قلة الاكل خلاص مش قادر. بصيتله بغيظ ومشيت معه…. في بيت مايا رجعت البيت وهي متعصبة وقفتها امها وقالت: مالك يا مايا في اي….. اكيد رعد تاني مش كدا…. قولتلك يا بنتي رعد مش ليكي…. انتي ليه مصممه تاخدي حاجه مش بتاعتك. اتعصبت مايا اكتر ما هي متعصبة وقالت: اسكتي بقي بقولك اسكتي…. رعد دا بتاعي انا وبس…. وهعمل المستحيل عشان يرجعلي…. حته لو اتجبرت انهي حياة اي حد يقف في وشي. اتصدمت امها وقالت: اي اللي بتقوليه دا يا مايا…. انتي اتجننتي رسمي… فوقي بقي حبك لرعد هيدمرك…. انتي مكنتيش كدا اي اللي حصلك بس يا بنتي. رديت مايا وقالت: الحياة دي غابة ومحدش هيعرف يعيش فيها لو مش قوي…. وانا مش هسيب رعد…. لانه حقي انا وبس انتي فاهمه. سابتها مايا ودخلت الاوضة وامها قالت: انا لازم اتصرف انتي كدا هتروحي مني يا مايا…. انا اسفه علي اللي هعمله بس معنديش حل تاني. مايا وهي في اوضتها اتصلت ببرق ومكنش بيرد وبعد رن كتير رد بزعيق وقال: في اي يا مايا نازلة رن رن من الصبح…. انا مش فاضي ليكي دلوقتي خالص…. نبقي نتكلم بعدين يلا اقفلي واوعي تتصلي بيا تاني. قفل السكة في وشها وهي قالت: هي بقيت كدا يا برق ماشي اصبر عليا…. مجبره استحملك لحد ما اوصل للي عايزاه…. وبعدها والله لاندمك علي اسلوبك معايا. رجعت البيت ورعد راح حضن امي وقالها: منورة يا احلي حماة في الدنيا كلها…. هطلع اغير هدومي وهنزل علي طول عشان نتعشاء سوي…. يلا يا نور مش هتغيري هدومك… ولا تحبي اساعدك انا يا مراتي. رديت بخوف وقولت: ها لا اكيد هغير بس اطلع انت وانا هاجي وراءك علي طول…. هقول لماما بس كلمتين وهحصلك يا باشا مش هتاخر. ضحك رعد وطلع وامي قربت وقالتلي: هو جوزك ماله يا ملاك…. اقصد جوز اختك ماله…. اي اللي غيره كدا مره واحده…. هو شارب حاجه ولا اي الحكاية. رديت بتوتر وقولت: مش عارفه يا ماما اي اللي حصل…. مره واحده بقي زي ما انتي شايفه كدا…. انا خايفه منه اوي مينفعش يحصل بينا حاجه. ضحكت امي وقالتلي: عليا انا يا بت…. دا انتي هتموتي عليه وبصراحه الواد ميتقومش خالص…. ربنا يكون في عونك يا قلب امك…. معرفش اختك هربت وسابته ليه. اتنهدت وقولتلها: والله يا امي مش عارفه…. دا رعد ملاك نازل من السماء… هو بس عصبي شوية…. بس والله طيب وحنين اوي اوي يا ماما. ضحكت امي وقالت: طب يا اختي اطلعي غيري هدومك بسرعه…. ولا حابه الحنين يساعدك…. وهو شكله مستعد لكدا كويس اوي. اتخضيت وبسرعه جريت علي فوق كان رعد واقف من غير تيشرت غمضت عيني بسرعه وقولت: اي اللي انت عامله دا يا رعد…. استر نفسك بسرعه هو انت عايش هنا لوحدك…. لاحظ اني لازم ادخل اوضتي من اوضتك. ابتسم رعد بخبث وقال: وفيها اي يعني انتي نسيتي انك مراتي…. وبعدين انا مبقتش حابب نظام اوضتي واوضتك دي…. انتي من النهارده هتنامي معايا هنا يا حبيبتي. شهقت بصدمه وقولت: انت اتجننت ولا اي…. مين دي اللي هتنام معاك هنا لا مستحيل…. انا هروح اوضتي انت شكلك مش في وعيك خالص. رعد بسرعه مسك ايدي قبل ما ادخل اوضتي وشدني في حضنه وهو بيقول: وبعدين معاكي بقي…. يا بنتي انا جوزك وبعدين انا خلاص غيرت رايي ومش هطلق لو اي حصل…. احنا هنكمل جوازنا دا اي رايك بقي. اتوترت وانا لازقه في حضنه وقولت: رعد لو سمحت ابعد بس شوية…. مينفعش اللي احنا فيه دا…. بعد اذنك ابعد عني…. بلاش ترخم عليا وسبني. رعد رد بخبث وقال: وليه مينفعش بقي يا نور…. هو مش انتي مراتي…. واحنا متجوزين عشان اهلنا…. فيها اي لما نحاول ندي بعض فرصة. اتوترت اكتر ووشي احمر وقولت: بس يا رعد احنا اتفقنا نطلق…. وكمان انت عارف اني بحب زين وهو بيحبني…. وانت في واحده تانيه في قلبك. ابتسم وقال: مش مشكله كل دا…. انا حابب احاول اكسب قلبك…. مش يمكن تحبيني وتنسي اللي اسمه زين دا…. يلا يا حبيبتي ادخلي غيري وعقبال ما نتعشاء هدومك هتتنقل هنا ومش هتنامي بعيد عني. سابني وانا معرفتش ارد عليه وبسرعه جريت علي اوضتي وقفلت الباب وانا باخد نفسي وقعدت علي السرير ورعد فتح المرايا يشوفني. وبقيت بقول: اي اللي بيحصل دا…. هو اتجنن ولا اي…. انا كدا مش هعرف اقاومه فعلا…. يارب هي ليه بتتعقد كدا…. هتصرف معه ازاي دا انا خايفه يكشف امري…. بس يخربيته دا عنده عضلات وزي القمر. ضحك رعد وهو سامعني وزعق وقال: اي كل دا بتغيري…. يلا بقي يا حبيبتي انا جعان…… شكلك محتاجه مساعده وانا بحب اساعد…. استني هدخلك يا نور. رديت بسرعه وقولتله: تدخل فين لا خليك عندك يا رعد…. انا خلاص اهو جاية…. دا انا خلصت من بدري اصلا…. انت بس اللي مستعجل انزل وجاية وراءك. ضحك رعد وهو شايفني بجري في الاوضة زب الهبلة وقال: طيب يا حبيبتي انا هسبقك علي تحت…. ياريت متتاخريش بقي…. عشان ساعنها هعاقبك عقاب نفسي فيها اوي. نزل وانا اتنهدت وقولت: انت مش ناوي تجبها لبر معايا يا رعد…. يارب صبرني انا مش حابه اغلط…. ولما البس بسرعه بقي قبل ما المجنون دا يرجع تاني. مراد كان خلص شغله ولسه هيخرج من المكتب لاحظ ان منه لسه موجوده استغرب وراح قالها: انتي لسه هنا يا منه…. ممشيتيش مع زمايلك ليه…. معاد الشغل خلص من بدري. ابتسمت وهي بتقول: حضرتك انا السكرتيرة بتاعتك ومينفعش امشي قبل ما حضرتك تخلص شغل…. عشان كدا كنت شغاله شوية. ابتسم مراد وقال: شكلك بتحبي شغلك اوي…. يلا انا خلصت تعالي هوصلك في طريقي…. متخفيش مش هاكلك. ضحكت وقالت: انا مش حابه اتعب حضرتك بس لو مصمم مفيش مشكلة…. دقتقين بس هجيب حاجتي وهاجي مع حضرتك او ممكن تسبقني انت. نزل مراد ومنه نزلت وراه وهما في الطريق مراد قال: مقولتليش يا منه…. انتي لسه بتحبي برق…. مستغربيش انتي باين عليكي اوي…. وبصراحه انا حضرت اللي حصل زمان بينكم. اتوترت منه وقالت: حضرتك الكلام دا كان زمان…. وخلاص انا نسيت الموضوع وبرق بالنسبة ليا اخو صاحب الشغل وبس. سكت مراد ومنه سرحت وهي بتفتكر اللي حصل من كام سنه في يوم عيد الحب….(فلااااش باااك). برق وصل الكافيه وقال بزهق: خير يا منه انا جيت اهو…. ليه صممتي نتقابل هنا ما احنا بنتقابل كل يوم في الكلية…. قوليلي عايزة اي بسرعة لاني مش فاضي. رديت منه بتوتر وقالت: بصراحه يا برق اللي كنت عايزة اقوله مكنش ينفع يتقال في الكلية…. انا معجبه بيك من اول سنه في الكلية…. ودلوقتي اتاكدت من مشاعري…. انا بحبك يا برق. برق اتصدم وقال وهو بيضحك: انتي اكيد بتهزاري يا منه…. قولي انك بتهزاري…. هي دي بروفة عشان تعترفي بحبك لحبيبك مش كدا…. بصراحه برافو عليكي كنت صادقة اوي. منه بدموع قالت: بس انا بتكلم عليك انت يا برق…. انا بحبك انت بجد…. كنت خايفه اعترف ليك بس مبقتش قادرة اخبي اكتر…. صدقني انت اغلي حاجه في حياتي… اديني فرصة وانا هخليك تحبني. برق زق ايديها وقال: منه انتي بالنسبة ليه زميلتي وبس…. وانا بصراحه بحب واحده تانيه…. ومش هقدر اشوف غيرها في حياتي…. انا اسف ان شاء الله ربنا هيرزقك باللي احسن مني… عن اذنك انا لازم امشي. برق مشي بعد مكسر قلب منه وهي قعدت علي الارض وهي بتعيط ومنهارة وبتقول: ليه كدا يا برق دا انا محبتش غيرك…. ليه تكسرني بالشكل دا…. بس صدقني هتندم علي انك سبتني لانك مش هتلاقي حد يحبك زيي… وهيجي اللي يكسر قلبك زي مكسرتني. فاقت منه علي صوت مراد وهو بيقولها: منه احنا وصلنا اي كنتي سرحانه في اي…. انتي كويسه تحبي نروح المستشفي…. ولا اطلع اوصلك لفوق. ابتسمت منه وقالت: لا شكرا يا استاذ مراد…. انا تعبتك معايا ميرسي…. يلا تصبح علي خير وخالي بالك من نفسك. طلعت منه ومراد اتنهد بحزن ومشي….. في المستشفي الدكتور خرج من العمليات جري برق عليه وقال بخوف: طمني يا دكتور…. نور عامله اي دلوقتي…. هي كويسه مش كدا.. الدكتور بحزن قال……. ياتري الدكتور هيقول اي…. نور كويسه ولا بتخطط لي اي تاني…. ورعد هيعمل اي في ملاك تاني…. ومراد لي بيبص لمنه كدا…. هنعرف مع الاحداث… 🤔🤔🤔 يتبع.. . 🔴🔴🔴🔴🔴🔴🔴🔴🔴🔴🔴🔵🔵 الحلقة 12 . رواية بنت الرعد الفصل الثاني عشر 12 بقلم رحمة سامي الدكتور بحزن قال: انا اسف يا استاذ برق…. زي ما قولتلك كان لازم نضحي بحد من الاتنين… وانت اختارت اننا ننقذ حياة مدام نور… هي دلوقتي هتنقل اوضة عادي. برق اتنهد بحزن وقال: شكرا يا دكتور الحمدالله علي كل حال… المهم دلوقتي هنبداء علاج علي المرض بتاعها امتا… انا مش هستحمل تروح من ايدي. رد الدكتور وقال: تقوم بالسلامه بس وبعد كام يوم ممكن نحدد هنبداء امتا… بس انت لازم تخالي بالك منها كويس ومن صحتها…. وبلاش اي حاجه تزعلها. شكر برق الدكتور ودخل الاوضة عند نور ومسك ايدها بحب وقال: الحمدالله انك بخير يا حبيبتي دا اهم حاجه عندي…. بكره يا نور لما جدي يقبل بيا ونتجوز هنملي البيت كله اطفال… كفايه انهم هيكونوا منك…. يلا يا حبيبتي شدي حيلك معايا بقي. في البيت نزل رعد نزل كانت امي قاعده قرب رعد منها وقال: عامله اي يا حماتي…. معلش اتاخرت عليكي بس عقبال ما نور تلبس… انا قولت اسبقها عشان متقعديش لوحدك. ضحكت امي وقالت: بلاش تستهبل عليا يا رعد…. انت عرفت حقيقة نور مش كدا…. باين عليك علي فكرة جدا… وانا معاك وممكن اساعدك دا لو كلامك عجبني. ابتسم رعد وقال: هي الامهات كدا محدش يعرف يهرب منهم او يكدب عليهم…. هي حقيقه انا عرفت انها ملاك مش نور…. بس مش حابب انها تعرف اني عرفت. استغربت امي وقالت: اشمعنا يعني…. اوع تكون عايز تاذي ملاك… هي ملهاش ذنب يا رعد…. هي بس كانت بتنقذ سمعت اختها. ابتسم رعد ومسك ايد امي وهو بيقول: انا عمري ما اقدر اذي ملاك…. انا بس حابب العب معاها شوية…. ولازم اتاكد من مشاعرها ناحيتي… وساعتها هعرفها وهنشوف حل لوضعنا دا. ابتسمت امي وقالت: ماشي يا رعد وانا ارتحتلك وعندي ثقه فيك… بس خلي بالك…. مش هينفع يحصل حاجه بينك انت وهي… خليك فاكر انك متجوز اختها. اتنهد رعد وقال: متقلقيش يا امي…. ملاك هتبقي في عيني… وهحافظ عليها حته من نفسي…. لحد ما تكون حلالي وليا وساعتها هغرقلك البيت دا عيال. ضحكت امي علي نزولي وانا استغربت وقولت: انتوا بتضحكوا علي اي…. ومن امتا وانتوا صحاب يعني… اي الحكاية يا رعد… انت ناوي تاخد امي مني ولا اي… مش هسمحلك انا مليش غيرها. قرب رعد مني وقال بحنيه: طب وانا روحت فين يا حبيبتي… دلوقتي بقي عندك انا وماما… وعمرك ما هتكوني لوحدك…. لاني مش ناوي اسيبك ابدا. اتصدمت من رده وحطيت ايدي علي راسه باستغراب وانا بقوله: انت كويس يا رعد…. من امتا الحنيه دي… انت اي اللي حصلك النهارده بجد… اكيد حد شربك حاجه والله مش معقول. ضحكت امي وقالت: في اي يا نور انتي نسيتي انكم عرسان جداد… وجوزك بيدلعك افرحي…. دا ابوكي عمره ما عملها… يلا بقي خلينا ناكل. وقبل ما اتكلم لاقيت رعد شدني من ايدي وقعد علي السفرة وراح مقعدني علي رجله اتصدمت وقولتله: انت بتعمل اي يا رعد…. عيب كدا احترم ان ماما قاعده…. اوعي خليني اقعد علي الكرسي… انا مش عيله صغيرة. ضحك وقال: بطلي حركة خليني اعرف اقعد يا بت انتي… وبعدين ماما معندهاش مشكلة اني ادلع مراتي…. يلا يا حبيبتي عشان اكلك بي ايدي. كنت مكسوفة اوي وهو اكلني روحت عضيته من صوابعه صرخ وقال: اي يا عضاضة انتي…. اي اللي عملتيه دا يا نور…. انتي اتجننتي ولا اي… هو انتي فاكره نفسك عيله صغيرة كنتي هتقطعي صوابعي. ضحكت وانا بقوم من علي رجله وبقوله: ما انا لسه كنت بقولك اني مش عيله صغيرة مسمعتش كلامي… معلش بقي يا ابيه تعيش وتاخد غيرها…. انا شبعت هطلع انام تصبحي علي خير يا ماما. سيبتهم وجريت علي اوضتي وماما ضحكت وقالت: ربنا يسترها دا انتوا اتنين مجانين اتلميتوا علي بعض…. انا مش عارفه والله اي اللي جابني… جيت للصداع برجلي… خلي بالك ملاك مش سهله. ابتسم رعد بخبث وقال: متقلقيش عليا يا حماتي…. هي عجباني زي ما هي… اهو خلينا نتسلي سوي شوية…. هطلع اشوفها بقي تصبحي علي خير. طلع رعد ورايا وامي قالت: ربنا يجعله من نصيبك يا ملاك وتفوقي من الوهم اللي انتي فيه…. كان مكتوبلك تكوني مكان اختك عشان تقابلي الحب الحقيقي. كنت بعدل السرير وهو دخل حدفت عليه المخدة والبطانية وقولتله: بدام هتجبرني انام معاك هنا…. يبقي انت هتنام علي الكنبه وانا علي السرير… ولو قولت حرف هسيبلك الاوضة وهروح انام في حضن امي. قرب عليا وراح شدني في حضنه وقال: انتي مكانك هنا وبس…. اوعي تفكري اني ممكن اسيبك في يوم تنامي بعيد عني… انا مبقتش اقدر استغني عنك يا….(وكمل بخبث).. يا نور. بعد ما كنت مبسوطة بكلامه فوقت وانا بقول بحزن: نور…. طب ابعد عني يا رعد…. انا تعبانه وعايزة انام لو سمحت…. وبلاش تعاند معايا في شغل كتير بكره ولازم نكون فايقين. ابتسم رعد وقال: ماشي هعديها المرادي بمزاجي…. بس مش تتعودي علي كدا… لان شوية وهتلاقي نفسم في حضني علي طول… وبعدين مالك استغربتي من اسمك ليه. رديت وقولتله: هو ينفع اطلب منك طلب يعني يا رعد…. هو متستغربش بس حابه اجرب…. هو ينفع تقولي ملاك كدا بدل نور. رعد عمل نفسه مستغرب وقال: اشمعنا الاسم دا يعني…. لا مش هقول لان اسم نور احلي بكتير…. يلا نامي بقي وكفايه رغي او هاجي انام جانبك. اضايقت وسيبته ونمت من غير ما ارد عليه وهو ضحك عليا ونام علي الكنبة. تاني يوم زين كان قاعد في المطعم وبيكلم نور في التلفون وبيقولها: انا روحت الشركة بس ملاك رفضت نتكلم وخلتنا خرجنا بره…. اعمل اي يعني…. مفيش اي سبب يخليني ادخل الشركة. رديت نور وقالت: انا سمعت ان رعد هيعمل غداء للشركة كلها النهارده… بطرقتي هخلي موظفة الاستقبال تكلمك… وانت قدم عرض كويس وساعتها قدام رعد تقول انك عملت كدا عشان حبيبتك. اتنهد زين وقال: ماشي يا نور اللي انتي عايزاه هعمله…. بس انا محتاج اقابلك…. عندي كلام مهم لازم اقوله ليكي ولازم يبقي وش لوش. نفحت نور بضيق وقالت: هظبطها وهكلمك يا زين…. انت بس نفذ اللي طلبته منك تمام… يلا انا هقفل علي برق صحي ومينفعش يشوفني بكلمك. قفلت نور بسرعه ورجعت مكانها علي السرير وبداءت تتحرك بصوت ملي برق يفوق وقال بسرعه: طمنيني عليكي يا حبيبتي عامله اي دلوقتي…. حقك عليا يا نور انتي كل اللي بيحصلك دا بسببي…. بس كله هيتصلح قريب. ابتسمت نور بحزن وقالت: انا واثقه فيك يا حبيبي… ومش مهم اللي حصل المهم اللي جاي… وكفايه انك معايا فيه… بس انا زهقت خلينا نمشي من هنا. وافق برق ونزل يدفع حساب المستشفي وفي وقتها نور مسكت التلفون وبعتت رسالة للمجهولة وقالتله: الخطة ماشية علي حلو اوي…. خلي بالك بقي لان اللي جاي مش سهل… لازم نعمل كل حاجه بحذر تام… وانا هكلمك عشان نتقابل قريب. قفلت التلفون واستنيت برق وعلي الناحية التانية ظهر المجهول وهو قاعد علي كرسي وجسمه ووشه مش باينين ومش واضح هو راجل ولا ست. وقال وهو بيضحك بشر: اكيد لازم نتقابل…. خلينا ننهي اللعبة دي بقي… وكل واحد ياخد حقه…. اذ كان فلوس او حب… كله هيبان قريب اوي بس الصبر. في البيت كنت نايمه صحي رعد وقرب مني بحب وقال وهو بيصحيني: يلا يا حبيبتي قومي هنتاخر علي الشغل.. وبعدين معاكي بقي…. اتحركي من علي السرير بلاش كسل مفيش وقت… قومي يا بنتي. قومت وقولتله: انت اي مش بتتعب…. دا احنا مش بنلحق ننام… خلاص قومت اهو… ربنا يسامحك يا مفتري انت… والله ربنا علي الظالم. ضحك وقالي: طب قومي يا ست الشيخه…. بلاش رغي علي الفاضي…. واه نسيت اقولك حاجه مهمه…. صباح الخير يا ملاكي. فتحت عيني وبؤقي بصدمة وهو قرب مني وهو بيضحك وبيقفل بؤقي وبيقول: عيب كدا يا حبيبتي… افرضي الدبانة دخلت في بؤقك… هتعملي اي ساعتها… يلا مش وقت تسبيل قومي البسي. مسكت ايده قبل ما يبعد وقولتله: استنا يا رعد لو سمحت…. انت قولت صباح الخير يا اي… قول اللي انت قولته تاني كدا… انا مسمعتش كويس معلش. رعد ابتسم وقال: يا حبيبتي انا تعبت اقولك اني مش بحب اعيد كلامي…. قومي بقي وكفايه لماضة… غلبتي العيال الصغيرة والله. زقيته بعصبيه وقومت طلعت هدوم وقبل ما ادخل الحمام حضني من ضهري وقال: هو عشانك انتي بس وعشان انتي حبيبتي هعيد كلامي وبدل المره مليون مره…. صباح الخير يا ملاكي…. يلا عشر دقايق وتكوني جاهزة. قال كدا وسابني وخرج من الاوضة وانا ضحكت زي الهبلة ومسكت صورته وقولت: يخربيت حلاوة اسمي من علي لسانك… لا وياء المليكة… يالهههوي بقي… اكد من فرط الجمال اذوب… هتعمل فيا اي تاني يا رعد… قربت ارفع راية الاستسلام لحبك. في الشركة وصل مراد كانت منه قاعده بتشوف شغلها… قرب منها وابتسم وهو بيقول: صباح الخير يا انسة منه…. يعني جاية بدري انا عمري ما شوفت سكرتيرة بتيجي قبل مديرها.. دا احنا تعبنا من عدم الالتزام. ابتسمت منه وقالت: انت اول مره تشوفني جاية بدري ولا اي يا استاذ مراد…. دا حالي كل يوم…. انا بحب شغلي ومش بحب حد يعدل عليا…. وعشان كدا ملتزمه دايما. رد مراد وقال: طب تعالي ورايا المكتب عايزاك في حاجه…. واه هاتي ملف الصفقة الجديده معاكي وحصليني بسرعه يا منه. استغربت منه بس دخلت وراه وقالت: خير يا مستر مراد… اول مره تطلب مني اجيلك بدري كدا… اتفضل حضرتك محتاج اي اعمله… بس ثواني نسيت النوت بتاعتي بره. مراد قرب مسك ايدها وقال: استني يا منه انا مش عايزاك تعملي حاجه…. بس عايزاك تقعدي زي الشاطرة كدا…. وتاكلي المكرونه بشاميل دي. استغربت منه وقالت: نعم…. حضرتك بتقول اي…. مكرونة بشاميل اي اللي حضرتك عايزني اكولها…. ومين جاب هنا حاجه زي دي مستر رعد لو عرف مش هيسكت. ضحك مراد وقال: اهدي بس في اي…. دي ماما عاملتها مخصوص وانا مش بحبها… وعارف انك بتعشقيها… فبدل ما ارميها قولت اسيبهالك تاكليها… يلا بقي قبل ما رعد يقفشنا. ضحكت منه وقعدت تاكل لانها مش بتقدر تقاومها ومراد قعد يتفرج عليها وبقي يصورها من غير ما تاخد بالها وهو مبسوط. وصل رعد المكتب وانا روحت اجبله القهوة وانا راجعه خبطت فيا مايا ودلقتها علي فساتني زعقت وقولتلها: انتي اتعميتي ولا اي…. بت انتي انا سكتلك كتير اوي…. وخلاص جبت اخري معاكي…. انتي لو مبعدتيش عني والله هتزعلي علي نفسك. ضحكت مايا بغرور وقالت: مبقاش غير الزبالة تتكلم… يلا يا بت شوفي تمني راحه فين… واظن مينفعش تقعدي في المكتب بمنظرك دا… العملاء هتطفش منك. سابتني ومشيت وانا متغاظه منها اوي ومش عارفه اعمل اي…. دخلت الحمام وقعدت اعيط دخلت عليا منه. وقالت: اي دا مالك يا نور في اي…. انتي كويسه يا حبيبتي… مين زعلك وبهدل هدومك بالشكل دا.. رديت وقولتلها: مش مهم يا منه بس انا محتاجه هدوم ضروري… رعد عنده اجتماع مهم وطالب اني احضره… ومش هينفع احضر بمنظري دا. ابتسمت منه وقالتلي: اهدي يا حبيبتي…. انا حصلي قبل كدا نفس الموضوع… وبقيت عامله حسابي وجايبه هدوم احتياطي في مكتبي…. هجبهالك تلبسيها. فرحت اوي وشكرت منه وغيرت هدومي وجهزت نفسي عشان الاجتماع…. في المكتب مايا كانت بتقول لرعد: رعد العميل دا مهم اوي…. انت لازم تبقي هادي معه…. وكويس ان وش المشاكل مش موجوده عشان كان هتبوظ كل حاجه. دخلت بكل ثقه وانا بقول: دا شغل جوزي مستحيل ابوظه…. يلا يا رعد اوضة الاجتماعات جاهزه… سوري اتاخرت بس حصل ظرف كدا هحكيلك بعدين. ابتسم رعد وبداء الاجتماع وفي نصه قال العميل: بس يا استاذ رعد المشروع دا هيكلف ملايين… اي يخليني اجازف باسم شركتي معاك… وانت مبقتش زي زمان في الشغل. قبل ما رعد يرد ابتسمت وقولت: اسمحلي اجاول علي حضرتك…. شركة العاصي معروفة جدا في السوق من زمن الزمن… والكل بيكون عايز يتعاون معاها… وبعدين حابه اعرف حضرتك ان الخسارة بالنص… والمكسب بالنص… وشركة العاصي عمرها ما خسرت… فاكيد حضرتك كسبان معانا… والتسليم هيكون قبل المدة اللي قولنا عليها… لاننا بنقول مدة عشان يكون عندنا مساحة بس في النهاية بننجح اننا نسلم باحسن جودة. بعد ما خلصت ابتسم العميل وقال: الموظفة دي كويسه…. رغم قلة الكفاءة في شركة العاصي الفترة دي… بس يكفي أن لسه في موظفيين بيعرفوا يتعاملوا كويس… بتمني تتعلمي منها يا انسة مايا… تمام يا رعد قبلت المشروع. ابتسم رعد ومايا كانت متغاظة اوي وبعد ما الاجتماع خلص ومشي العميل قرب رعد وقالي: مش قولتلك ملاكي…. كنت خايف اوي من الصفقة دي… بس بفضلك بعد ربنا كسبنها… شكرا يا حبيبتي. مايا مستحملتش اكتر وعملت ان التلفون بتاعها رن وبعدين رديت وفجاه صرخت وقالت: رعد الحقني ماما اغمي عليها في الشقة… ارجوك تعالي معايا انا مش هعرف اسوق ولازم نلحقها…. بسرعه يا رعد. رعد جري معاها من غير حته ما يبصلي بس انا مكنتش مطمنه وعشان كدا قررت امشي وراهم… معرفش ليه حسيت ان مايا مش ناوية علي خير. وصل برق البيت هو ونور وقعدها علي السرير وقال: بصي يا حبيبتي… انتي لازم ترتاحي شوية…. مفيش حركة اليومين دوال…. انا مش عايز اخسرك فهماني. وقبل ما نور ترد الباب خبط وقام برق وهو مستغرب وقال: خليكي هنا يا نور…. اوعي تخرجي من الاوضة مهما حصل انتي فاهمه…. هروح اشوف مين يا حبيبتي وهاجي ماشي. خرج برق ونور وقفت تشوف مين… اول ما برق فتح اتصدم بالعاصي قدامه وقال باستغراب: جدي انت بتعمل اي هنا…. اقصد اهلا وسهلا نورت بيتي اتفضل يا جدي. دخل العاصي وبص بقرف علي البيت وقال: هو دا بتسميه بيت…. يلا مش مشكلة…. انا عايز اعرف ابوك الفاشل فين…. اكيد انت الوحيد اللي تعرف مكانه. رد برق وقال: خير العاصي بيه عايز اي من بابا…. مش انت طردته من زمان عشان اتجوز امي…. عايز منه اي دلوقتي ان شاء الله. زعق وقال: وانت مالك يا ولد… انا اسال وانت ترد فاهم ولا لا…. انا عايزاه خليه يظهر او يكلمني ضروري… او مش هيحصل طيب انت فاهم ولا لا. رد برق وقال: لا مش فاهم ابويا مش هخليه يتعامل معاك تاني….. انت اتخليت عنه في اصعب اوقاته…. اكيد عايزاه عشان مصلحة ليك… وانا مستحيل اساعدك. اتعصب عاصي وقال: انا غلطان لما جيت لعيلك زايك…. فعلا مستحيل تبقي من عيلة العاصي…. ابوك هوصله ولو قررت اسامحه مستحيل اقبل بيك يا برق. ضحك برق وقال: وانا مبقتش عايز منك تعترف بيا…. انا هخليك تعترف غصب عنك… لما ادمرلك شركتك واسمك وحفيدك رعد اللي مفضله عني. وقف العاصي بغضب وقال: انت اتجننت.. عايز تدمر اخوك…. دا انت قليل الاصل صحيح…. ابقي فكر تقرب من رعد…. ساعتها هتلاقيني انا واقف في وشك. مشي العاصي وبرق كسر الفازة بعصبيه خرجت نور بسرعه وقالت: اهدي يا برق مينفعش اللي بتعمله دا…. جدك عنده حق… رعد يبقي اخوك…. يكفي تخسره في الشغل…. لكن بلاش تاذيه. ابتسم برق وقال: متقلقيش يا حبيبتي…. انا معنديش مشكلة مع رعد…. انا بس كنت بضايق جدي…. يلا يا حبيبتي ادخلي ارتاحي…. هعمل مكالمه وهاجي. استغربت نور ودخلت الاوضة وبرق كلم ابوه وقاله علي اللي حصل وبعدين قال: بتمني متخونش وعدك ليا يا بابا…. انا لازم اثبت نفسي لجدي وميلاقيش غيري قدامه…. بلاش تتخلي عني انت كمان. رد ابوه وقال: متقلقش يا برق…. انا في ضهرك دايما…. بس بلاش تغلط وتنسي ان دا جدك وان رعد اخوك. قفل برق وهو بيتنهد وبيقول: ياريت جدي كان افتكر كدا…. بس متقلقش يا بابا انا عمري ما هكون نسخه منهم…. انا برق مستحيل اكون العاصي. وصل رعد مع مايا الشقة بتاعتها وقال: اطلعي يا مايا اطمني علي امك وانا هستناكي هنا…. ولو احتاجتي اي حاجه اتصلي بيا هطلع ليكي او هطلب الاسعاف. مايا برجاء قالت: رعد لو سمحت تعال معايا…. انا جد خايفه اوي ومليش غيرك بعد ماما…. وهي بتحبك وانت عارف…. يلا اطلع معايا بقي احنا اتاخرنا. اتنهد رعد بقلق وقال: كنت جبت نور معايا يا مايا…. بس مش مشكلة يلا بسرعه نطلع نشوفها…. ومتقلقيش ان شاء الله هتبقي كويسه. نزل رعد وطلع مع مايا…. ساعتها وصلت انا كمان ولاقيته طالع معاها اتعصبت اوي وقولت: اكيد البت دي ناوية علي مصيبه…. انا اصلا مش برتاح ليها…. دي واحده معندهاش اخلاق… ومستحيل اسيب رعد يقع في فخها. نزلت بسرعه وطلعت وراهم…. رعد كان وصل فوق واول ما دخل فضل ينادي علي ام مايا ومكنش في رد. استغرب وقال: هي فين امك يا مايا…. انا شايف البيت فاضي…. انتي كنتي بتضحكي عليا مش كدا…. انا غلطان اني قلقت عليكي وجيت معاكي. مايا قربت وحضنته وقالت: انا كنت واثقه انك بتحبني انا يا رعد…. ربنا يخليك ليا يا حبيبي…. ومعلش اصبر هو شهر وابقي طلق البت دي وبكدا تكون رضيت جدك. وقفت مصدومه من المنظر وقولت: يعني كل دا كان كدب…. كنت بتلعب بيا يا رعد…. انا اللي غلطانه اني حاولت اصدقك. ونزلت اجري ورعد ورايا وفجاه…….. يتبع.. . 🔴🔴🔴🔴🔴🔴🔴🔴🔴🔴🔴🔵🔵 الحلقة 13 . رواية بنت الرعد الفصل الثالث عشر 13 بقلم رحمة سامي رعد اتصدم اول ما شاف العربية هتخبطني جري عليا ومسكني وهو بيقول: انتي مجنونه اي اللي انتي بتعمليه دا…. افرضي كان حصلك حاجه كنت انا هعمل اي دلوقتي… بطلي تهور بقي وافهمي قبل ما تحكمي. زقيته وانا بقول: وانت خايف عليا بتاع اي… متخلي بالك من حبيبت القلب…. ملكش دعوة بيا انت عايز مني اي… بدام بتحبها هي خليك معاها. مسكني جامد وقال: انا مش بحبها قولتلك مية مره مش بحبها… ومكنتش اعرف انها بتكدب عليا…. بس بدام انتي مش عيزاني انا هبعد يا نور حاضر. وقبل ما يبعد مسكت ايده وقولتله: انت رايح فين… اي هتسيب العقربة دي تفوز عليا… يلا خلينا نروح واعمل حسابك مفيش شغل معاها غير في وجودي وبس انت فاهم. ضحك رعد وقال: انتي بتتحولي ازاي فجاه كدا…. مش كنتي من دقيقه بتقوليلي ابعدي…. متجوز عيله مجنونه والله ربنا يستر انا مش ناقص هبل. ابتسمت وقولتله: اذا كان عجبك بقي…. قولتلك طلقني وانت متمسك بيا…. يبقي تستحمل بقي…. ويلا لاني جعانه وهتعزمني علي الاكل. رد وقال: انتي جايه في طمع بقي…. ماشي يا ستي اللي انتي عايزاه…. يلا اركبي العربية بقي شوية وهنلاقي الناس بتتفرج علينا. ضحكت وركبت العربية ولاقيته بيقولي: نور هو احنا هنخلي جوازنا رسمي…. انتي ناسية ان جدي قال معاكوا شهر بس وعايز حفيد…. هنعمل اي بقي في المشكلة دي. ضحكت زي الهبله وانا بقوله: عادي محلولة نروح نجيبله حفيد من السوبر ماركت…. هو جدك مستعجل كدا ليه… لو عايز طفل يروح يتجوز ويجيب هو. لاقيته وقف العربية بصدمه وقالي: بت انتي هبله ولا بتستعبطي…. بقولك عايز حفيد يشيل اسم العيلة…. وبصراحه انا ناويت اتمم جوازنا…. والنهارده اجهزي بقي با عروسة. اتصدمت وبصيتله وانا بقول: انت اكيد بتهزار يا رعد مش كدا…. جواز اي اللي نتممه… دا مستحيل انا مش موافقه خالص… انسي الموضوع دا خالص انت فاهم. بصلي وقال بحزن مزيف: هو انتي لدرجادي مش عيزاني…. يعني انتي مكنتيش بتكدبي لما قولتي اني وحش ومفيش واحده تقبل بيا…. ماشي يا نور اللي انتي عايزاه… اتنهدت وقولتله: مش كدا يا رعد والله انت فاهمني غلط…. الحكاية كلها اني لسه مش مستعدة… وبعدين احنا لسه مخدناش علي بعض. ضحك وقال: خلاص نتمم جوازنا وبعدين ناخد علي بعض يا حبيبتي…. يلا بقي نروح نتعشاء بره وتروحي تجهزي…. دا انتي هتتعبي معايا اوي. اتحرك بالعربية وانا مش عارفه اعمل اي…. في بيت برق دخل ينام وقبل ما ينام قربت منه نور وقالتله: خد يا حبيبي اشرب العصير دا…. انت باين عليك التعب…. العصير دا هيديك طاقة… يلا يا حبيبي متكسفنيش بقي. مسك برق الكوباية وشرب العصير وبعدين قال: تسلم ايدك يا حبيبتي… انا مش عارفه من غيرك كنت هعمل اي… بس تعرفي يا نور…. انتي الوحيده اللي مصبرتي علي حياتي دي ومقوياني. ابتسمت نور وهي شايفه بيروح في النوم خالص وبعد ما اتاكدت من نومه قامت وبعتت رسالة للمجهولة وقالتله: يلا تعالي انا مستنياك…. العنوان بعتهولك متتاخرش بقي يا حبيبي. قفلت نور وقامت لبست وجهزت وبعد نص ساعه وصل المجهول واول ما دخل حضنته نور بحب وهي بتقول: وحشتني اوي يا سامر…. انت مش عارف انا كنت هتجنن واقابلك ازاي….. بس اعمل اي في تصميممك اننا نصبر. ابتسم سامر وقال: اديكي شوفتيني اهو يا حبيبتي…. ممكن اعرف مالك بقي…. حاسه مش كويسه خالص اليومين دوال…. اي الحكاية ملاك تاني مش كدا. اتنهدت نور بشر وقالت: حاولت ادمرها وخلتها تتجوز مكاني وبرضو مفيش فايدة…. قدرت تكسب رعد لصفها… انا معرفش فيها اي زيادة عني. رد سامر وقال: انا عايز اعرف ليه بتكرهي ملاك كدا…. رغم انها اختك التؤام يعني…. حته تعليمها اقل منك…. ليه عايزة تدمريها. رديت نور بشر وحقد وقالت: عشان هي طول عمرها احسن مني…. ماما خدتها هي وحرمتني من احساس حب الام وسابتني مع بابا…. كل حاجه شوفي ملاك بتعمل اي شوفي ملاك متواضعه ازاي…. حته يوم ما حبيت خدت حبيبي مني. قرب سامر منها وقال: ما انا بقيت معاكي اهو يا نور…. انا طول عمري بحبك انتي مش ملاك… اينعم كنت مخدوع فيها الاول…. بس بعد ما كشفتيلي حقيقتها كرهتهت وبقيت مجنون بعشقك انتي. ابتسمت نور وهي بتفتكر اللي حصل من سنين…(فلااااش باااااك). سامر كان راجع من شغله ونور قابلته وهي بتقول: سامر في حاجه مهمه لازم تشوفها…. انا مش هقدر اخبي اكتر من كدا…. تعالي معايا بسرعه…. يمكن اللي هعمله غلط بس لازم تعرفه. استغرب سامر وقال: في اي يا نور انا مش فاهم حاجه…. واصلا انتي بتعملي اي هنا…. جاية تزوري ملاك ولا اي…. وعايزة توريني اي. زعقت نور وقالت: مش وقت اسئلة قولتلك في حاجه مهمه لازم تشوفها…. انا مش هتكلم لما تشوف بي عينيك هتفهم كل حاجه. سامر مشي مع نور ووصلوا المطعم بتاع زين اللي في البلد بتاعتي انا وامي واول ما وصل شاف زين وهو بيحضني وبيقول بحبك اوي. سامر مستحملش ودخل ضرب زين وبصلي بغضب وقال: انا معرفش ازاي كنت مخدوع فيكي كدا…. انتي طلعتي ارخص انسانه شوفتها في حياتي…. بقي مقضيها معايا ومعه في نفس الوقت… انا بكرهك ومش عايزة اشوفك تاني. خرج سامر بسرعه وقبل ما اجري وراه وقفتني نور وهي بتقول: استني يا ملاك…. انا ياما قولتلك سامر مينفكيش يا حبيبتي…. دا معندهوش ثقه فيكي خالص… انسيه يا ملاك هو ميستهلكيش. عيط وانا بقولها: عندك حق يا نور انا معرفش ازاي مكنتش شايفه دا…. الحب مبني علي الثقه وكان لازم يسمعني الاول قبل ما يحكم عليا. رد زين وقال: بس برضو يا ملاك لازم تبرري ليه الموقف… هو يمكن من غيرته مقدرش يحكم صح…. روحي اتكلمي معه علي الاقل تفهميه موقفك. كنت هسمع كلام زين بس نور قالت: انت بتقول اي يا زين…. ما سامر عارف قد اي انتوا صحاب…. هو ميستهلش تتكلمي معه انسيه يا حبيبتي دا احسن ليكي. سمعت كلام نور وبعدت عن سامر…. وبعد كام يوم نور راحت لسامر: انت كويس يا حبيبي… اسفه يا سامر… بس هي دي الحقيقه انا بحبك…. وملاك لما عرفت مثلت عليك الحب عشان تاخدك مني… اديني فرصة واحده بس وصدقني مش هتندم. ومن يومها سامر ونور بقوا سوي وبقي يساعدها عشان تنتقم من ملاك ومن عيلة العاصي…(بااااااك). نور اتكلمت وقالت: انا مش عارفه من غيرك كنت هعمل اي بجد… انت كل حياتي يا سامر… واحنا سوي هنعرف ناخد حقنا من عيلة العاصي وحقك انت بالذات. ابتسم سامر وقال: اكيد يا حبيبتي احنا مش هنسيبهم… بس خلينا نقعد سوي شوية… المهم انتي متاكده ان برق مش هيصحي خالص. ابتسمت نور وقالت: لا متقلقش المنوم اللي اخده قوي اوي… يلا بقي دا انت وحشني… وبعدين نبقي نشوف هنعمل اي سوي. عند مايا رجعت امها من بره وقالت: اي اللي كسر الترابيزة كدا يا مايا… ومالك فرحانه كدا ليه…. انتي هببتي مصيبه اي تاني يا بنت بطني انطقي. رديت مايا وقالت: هكون عملت اي يعني… برجع حقي ليا من تاني…. قولتلك قبل كدا مش هسيب رعد للبت دي لو هيكلفني الموضوع حياتي. اتنهدت امها وقالت: انا زهقت وتعبت منك يا مايا…. انا هسيبلك البيت وهمشي خالص…. وانتي اعملي اللي انتي عايزاه انا مبقتش عارفه اعمل معاكي اي. ضحكت مايا وقالت: تصدقي فكرة حلوة اوي…. اهو هستفيد منها برضو…. يلا يا مامي مع السلامه…. هروح اوضتي بقي عشان اشوف الخطوة الجاية. اتعصبت امها منها وقالت: ربنا يهديكي يا بنت بطني انا لازم اعمل اللي فكرت فيه…. هو مفيش حل غيره يا مايا وكله عشان مصلحتك يا بنتي. وصلنا انا ورعد البيت واول ما وصلت جريت علي اوضة امي ضحك رعد وجه ورايا امي اول ما شافتني قالت: في اي يا بت انتي اتجننتي ولا اي…. اي اللي حصل يا رعد انتوا اتخنقتوا تاني ولا اي حكايتكم يا مجانين انتوا. ضحك رعد وقال: والله يا حماتي مش عارف بنتك مالها… هي شكلها مكسوفة مني… اصلي بصراحه كدا نويت اجبلك حفيد يسليكي شوية. ضحكت امي وقالت: طب كويس والله انا كنت ناوية اكلمكم في الموضوع دا…. انا عايزة افرح بعيالكم بقي… يلا يا نور شدي حيلك شوية. اتصدمت وقولتلها: انتي بتقولي اي يا ماما…. لا انتوا كلكم اتفقتوا عليا ولا اي…. انا مش موافقه علي الهبل دا انا لسه صغيرة…. ووسع كدا يا جدع انت هي ناقصة هبل. فجاه لاقيته مسكني من قفايا وقال: استني هنا انتي راحه فين…. انا معرفش حماتي كانت مستحملاكي ازاي…. عن اذنك يا امي بقي اصل مراتي شكلها عايزة تتعلم ازاي تسعد جوزها. ضحكت امي وقالت: لا براحتك يا ابني… دي مراتك وانت حر فيها طبعا… بس نصيحة يا نور… اسمعي كلامك جوزك يا بنتي…. وربنا يسعدكم سوي. كنت مصدومه من كلامها وهي عارفه اللي فيها وبسرعه زقيت ايده وجريت علي اوضتي وفضلوا يضحكوا هما الاتنين وبعدين امي قربت من رعد. وقالت: انت ناوي تعمل اي…. رعد اوع تنسي اللي فيها انت مينفعش تقرب من ملاك لو اي حصل…. بلاش تغلط غلط زي دا يا ابني. ابتسم رعد وقال: متقلقيش يا امي…. قولتلك انا بلعب معاها مش اكتر…. لكن مستحيل احطها في موقف زي دا…. هفضل مستحمل لحد ما تكون مراتي حلالي. اتنهدت امي براحه وقالت: الحمدالله طمنت قلبي يا ابني…. يلا روح شوف هتعمل اي في الهبلة اللي فوق دي… بس خلي بالك لحسن تعورك دي مجنونه. ضحك رعد وطلع ورايا ودخل وهو بيقول: اي يا قطتي انتي فين…. عريسك وصل اهو مستعده ولا لا…. انا بصراحه خلاص مبقاش عندي صبر اكتر من كدا. فجاه طلعت وانا بضحك وقربت منه بدلع وقولت: كان نفسي اكون جاهزه والله يا حبيبي… بس المشكلة ان دلوقتي مبقاش ينفع تقرب مني… اصل بقي عندي عذر قهر. ضحك رعد وقال: تصدقي حلوة التمثلية دي… بس للاسف مش هتدخل عليا يا نور… جوازنا هيتم النهارده ومفيش حاجه هتمنعني. صرخت بصدمه ودموع وانا بقول: يا رعد والله مش بكدب…. حته خلي ماما تيجي تشوف…. انا مش معترضة بس فعلا مش بي ايدي دي حاجه بتاعت ربنا. رعد قرب مني بخوف وقال: اهدي يا نور حقك عليا… انا مكنش قصدي اخوفك كدا…. انا بس عايز اخليكي ملكي لاخر العمر… انتي متعرفيش انتي بقيتي عندي اي. اتنهدت وقولتله: انت ليه ظهرت في حياتي يا رعد…. انا مبقتش عارفه اعمل اي واتصرف ازاي…. انت بقيت بالنسبة ليا حاجه كبيرة اوي… بس مش هينفع صدقني مش هينفع خالص. رعد بصلي اوي وقال: طول ما احنا سوي كل حاجه هتنفع…. ومش هيبقي في حاجه مستحيلة…. بس انتي خليكي جانبي وفي ضهري… وانا هحارب الكون كله عشانك يا حبيبتي. ابتسمت بوجع وحضنته اوي وهو شالني وحطني علي السرير ونام جانبي وانا قولت: خليك جانبي يا رعد…. متسبنيش ارجوك انا مش بطمن غير في وجودك… اوع تتخلي عني في يوم. اتنهد رعد وباس دماغي وهو بيقول: اوعدك اني عمري ما هسيبك…. يلا يا حبيبتي نامي وارتاحي…. وانا جانبك اهو متخفيش. نمت وهو في حضني وهو ابتسم ونام جانبي….. تاني يوم صحيت وانا سامعه صوت زعيق تحت نزلت بسرعه انا ورعد واتصدمت لما شوفت ماما بتزعق مع مايا. رعد استغرب وقال: اي اللي بيحصل هنا…. انتي اي اللي جابك هنا يا مايا…. وبتزعقي مع حماتي ليه ان شاء الله… اخلصي وجيبي اللي عندك. قربت مايا وقالت بدلع: سوري يا بيبي صحيتك بصوتها العالي…. اصلي جيت اعيش معاك هنا…. وجدك موافق بكدا حته ممكن تساله يا حبيبي. استغرب رعد وبسرعه اتصل بجده وقال: اي اللي بيحصل دا يا جدي…. ازاي تخلي مايا تيجي تعيش معايا في البيت… اي الهبل دا انت ناسي اني متجوز. رد جده وقال: سبق وقولتلك المشروع دا مهم اوي…. ومايا لازم تبقي معايا ليل ونهار عشان نكسب المشروع دا… وعشان كدا هتعيش معاك وكدا كدا امها مسافرة ياريت تخالي بالك منها. قفل رعد وهو متعصب اوي وقال: نور لو سمحتي خالي داده تحضر اوضة الضيوف لمايا…. وتعالي معايا الاوضة عشان عايزاك… معلش يا حماتي انا بتاسفلك علي اللي مايا عملته. ابتسمت امي وقالت: ولا يهمك يا حبيبي العيب مش عليك…. هي في ناس كدا متعرفش يعني اي رباية…. خد مراتك واطلع انت وسبيهالي انا هوصلها الاوضة. ابتسم رعد وشد ايدي وطلعنا الاوضة وانا طول الوقت ساكته دخلت اطلع هدوم عشان الشغل رعد مسك ايدي وقرب مني. وقال: هتفضلي ساكته كتير…. متقلقيش يا نور مايا بقيت ولا حاجه بالنسبالي…. وانا هحافظ علي كرامتك انتي مراتي وهعرف اصونك. ابتسمت وانا بقوله: مش دي اللي اغير منها يا حبيبي…. يلا نجهز عشان الشغل…. واه اعمل حسابك مفيش خروج من اوضتنا دي غير علي رجلي. ابتسم رعد وحضني وقال: وهو انتي بتغيري عليا ولا اي يا حبيبتي…. اعترفي بقي انك بتحبيني وواقعه علي الاخر…. بطلي البرود اللي فيكي دا. زقيته وقولت: بي عينيك يا حبيبي…. يلا البس بقي هنتاخر… وياريت تقفل زراير قميصك كويس انت مش تامر حسني في نفسك اتنيل واتلم. ضحك رعد وقال: والنبي انتي ما تعرفي حاجه… دا انا البنات هتموت عليا… انتي بس اللي محتاجه تكشفي نظر… يلا هدخل البس بسرعة واجيلك. ضحكت عليه ولبست انا كمان وانا بدعي ربنا ان البت دي متعملش مشاكل في حياتنا… وبقيت افكر ازاي اوصل لنور في اسرع وقت لان كدا مش هينفع خالص. في بيت برق صحي بتعب وقال: نور انتي فين يا حبيبتي…. هو اي اللي حصل حقك عليا انا معرفش نمت ازاي وسيبتك…. طمنيني يا روحي انتي كويسه. نور بخبث قالت: عادي يا حبيبي انت كان باين عليك التعب مش مشكلة…. يلا قوم بقي انا عايزة انزل اتمشي شوية…. زهقت من البيت. رد وقال: ننزل ازاي بس يا حبيبتي… النزول غلط عليكي… بصي استني بليل تكون الدنيا هادية وهاخدك لمكان هيعجبك اوي يا نور…. عايزاك تجهزي وتلبسي الفستان الاحمر اللي بحبه. استغربت نور وقالت: حاضر يا حبيبي من عيني…. يلا قوم بقي خلينا نفطر سوي… وتلحق تروح لابوك…. اكيد مستنيك من الصبح. ابتسم برق وقام ونور قالت: ياتري بتجهزلي اي يا برق…. مش مهم انا مستنيه يا خبر بفلوس بليل يكون ببلاش… واديني مستنيه اهو. في الشركة وصلت انا ورعد ومايا معانا لانها صممت تيجي في نفس العربية واول ما دخلت الشركة اتصدمت بزين. استغربت وقولتله: انت بتعمل اي هنا يا زين…. وبعدين معاك مش قولتلك متجيش الشركة تاني…. عايز تودينا في داهيه اعمل فيك اي بس. ابتسم زين وقال: في اي يا حبيبتي بس اهدي…. انا جاي هنا في شغل…. ومستني رعد بيه متقلقيش…. طول ما انا معاكي مفيش حاجه هتحصلك. دخل رعد بعد ما ركن العربية وقال بشر: انت بتعمل اي هنا يا جدع انت…. اتفضل اطلع بره شركتي خالص احسن ليك…. وانتي يا نور تعالي جانبي حالا. ضحك زين وقال: اهدي شوية يا رعد بيه…. موظفة الاستقبال هي اللي اتصلت بيا وطلبتني… بسبب الحفلة اللي عملها للموظفين عشان الاكل هيكون من مطعمي طبعا. اتعصب رعد وقال: وهو مفيش غيرك يعني…. ماشي يا زين بتمني الاكل يكون كويس… عشان مطعمك ميقفلش خالص… وبتمني تبعد خالص عن مراتي. وقبل ما زين يرد رعد مسك ايدي وشدني علي المكتب بتاعه وقفل الباب في وش مايا اللي استغربت وبقيت عايزة تعرف حكاية زين دا. قربت منه بخبث وقالت: وانت اي حكايتك انت كمان…. دا رعد مش طايقك خالص…. عملتله اي عشان يتعصب منك اوي كدا يا بتاع انت. رد زين ببرود وقال: خليكي في حالك يا انسة انتي…. وياريت متدخليش في اللي ملكيش فيه…. هي مش ناقصة قرف والله.. ومشي وسابها اتعصبت مايا وقالت: هو ازاي يكلمني كدا الجدع دا…. والله لاعرفه مين هي مايا كويس اوي…. بس برضو لازم اعرف قصتك الاول. في المكتب زقيت ايد رعد وقولتله: انت مالك متعصب كدا ليه…. متهدي علي نفسك شوية ما انت عارف ان زين اخويا مش اكتر…. اي لازمتها المعاملة دي. قرب ومسك دراعي جامد وقال: تعرفي لو سمعت اسم راجل تاني علي لسانك هعمل فيكي اي…. انتي تخرسي خالص والمكتب دا متخرجيش منه مهما حصل… واياك اشوفك قريبة من زين مفهوم. عيطت وقولتله: رعد سيب ايدي انت بتوجعني…… انت ليه بتعمل فيا كدا ليه…. انت اي مش واثق فيا لدرجادي… كلكم زي بعض. رعد اتعصب اوي من الجمله دي وقال: انتي قصدك اي يا نور…. هو انتي كنتي تعرفي حد تاني…. انطقي مين اللي بتتكلمي عنه.. رديت وقولتله: ولا حاجه يا رعد…. حاضر انا هسمع كلامك… اي اؤامر تاني يا رعد بيه…. انا هروح اشوف شغلي. سيبته وقعدت علي مكتبي وهو بقي مركز معايا وقلبه وجعه علي دموعي…. وفجاه جت في باله فكرة وساب المكتب وخرج وبعد شوية رجع. واتصدمت من اللي معه…… ياتري رعد جايب معه اي…. ومايا ناوية علي اي…. واي هيحصل بوجود زين في الشركة…. وبرق هياخد نور فين بليل…. 🤔🤔🤔 يتبع.. . شـخـصـيـه غـامـضه🖤✨.