السلام عليكم ورحمة الله وبركاته طلابنا المرابطين💪 كيف الحال.. ولو اني على تصور بحالكم إلى حد ما... ملل شديد .. التوقف نوعا ما عن الدراسة.. النوم لساعات طويلة... حزن دون سبب (اكتئاب)... جلوس لساعات طويلة على الهاتف... يمكن هدول أبرز المشاكل على عمتواجهوها هلا.. اي استاذ في عندك شي جديد!!!؟ منقول في ان شاءالله... اول شي بدنا نحاول نفيق ضميرك قبل تاريخ ١٥ / ٣ كيف استاذ؟؟ اولا بدي منك وقت تفتح باب البيت تعرف انك غلطان.. يعني مشكلة اغلب الطلاب الي عاملين دورات الفراغات بين الجلسات... والمشكلة انو الطلاب اذا عندن فراغ بروحو عشي صالة او ملعب او قهوة . والبنات بضلو بنفس المعهد بينتظروا الدرس القادم.. طيب؟! يا جماعة هلا بهالفترة من السنة الاغلب مخلص كزا دورة يعني بتقدر تضغط الفراغات.. واذا ضلت الفراغات وكانت اكتر من ساعتين حاول تعمل فين شي يفيدك... طلعتك من البيت صارت محسوبة اكتر بكتير من قبل.. لازم وقت تفتح الباب ضميرك ينبهك اشو لازم تعمل برا.. ثانيا : مذاكراتك من خلال الي عبشوفو الاغلب عبقدم اما بدون دراسة او ماعبيدرس ابدا.. والفكرة انو اهم شي بالبكالوريا المذاكرات... المذاكرات بوصلتك الوحيدة لتعرف حالك صح او لا... وقت بتدرس منيح وبتقدم منيح وبتجيب علامة منيحة .. نفسيتك اكيد رح تكون غير تماما ورح ترجع تقاتل بشكل صحيح... اخيرا : لاقي حل لجوالك حاج بكفي... اعتقو خلص ... بيعو كبو عطي لأهلك.. بدك تقلي انا رقمي بالمجموعات مشان الصور او دراسة .. بقدر قلك حط رقم اي حدا من اهلك بيمشي الحال.. السنة الماضية كتير طلاب باعت الموبايل والتزمت وجابو علامات عالية... صح بعد كم يوم رح تبدأ دورات جديدة بس قلبنا وعقلنا اكيد معكم فقط والاهتمام فقط الكم... وقت بقرب الفحص نحنا كمان معشر المدرسين منتعب نفسيا مشان كمان نفرح معكم وقت تخلصو على خير... سامحوني على الإطالة... بس شايف الامور تعبانة .. عمحاول اعمل شي... بالتوفيق... هذا كلام كتب من قلب أ. محمد إياد أحمد بعاج