_"كل حاجة تغور فى داهية بس أبقيلى أنتِ، عارفة؟ انا كل يوم كنت بهرب من اللحظة دي، لحظة وقوعي فيكِ وأنا قاعد جمبك كده وبحاول أبعد عن طريقى فى طريقك، بس كل يوم كنت باجيلك تانى، فكرتني بالبلد دى، كل يوم الواحد يكره حياته وعيشته فيها ويفضل خايف منها ويبعد ويغيب عنها ويتوه ويفضل أمله بس يموت فى أرضها مش فى الغُربة، أهو أنا عاوو الموت يكون معاكِ أنتِ، مش عاوز افارقك لا حي ولا ميت، نفسي أشوفك أحسن واحدة فى كل الدنيا من غير أى وجع حتى، علشان كدا ورتلك على المكان اللي اتطمن عليكِ فيه، موافقه؟ " سألها بخوفٍ وترقب من رفضها وقد توقع هذا الشيء منها أن ترفض هى وتُصر على هذا الشيء لكنه لمح الاستسلام فى عينيها وهي تضع رأسها فوق كتفه ثم قالت بخضوع له: ="قبل كده مكانش عندي حد أعمل كده عشانه، دلوقتي أنتَ موجود أهو وهروح علشانك أنتَ، علشان أنتَ تستاهل أحاول عشانك، طالما أنتَ معايا وهتساعدنى، وزى ما قولتلك لو بعدها عاوز تطلقنى حتى أنا مش هعارضك " ابتسم هو مُرغمًا ثم ضمها ولثم قمة رأسها بعمقٍ ثم عاد وضمها لصدره وترك نفسه معها لصفو تلك اللحظة النادرة، ه تتشبث به وتسكن بجواره وهى لأول مرة تدرك قيمة وجود حياة بعض الافراد فى حياة الأخرين •♡: باسم الطيب •♡: نورهان نبيل #غوثهم