" أنتَ جيت هنا ازاي!؟ ومين قالك تيجي أصلا!؟" كانت تظن أن هناك من أرشده إليها لذا سألته عن هوية المرشد ولم تكن تعلم أنه أتاها عمدًا متعمدًا قاصدًا وجهتها هي وحدها دونًا عن جميع البشر ،لذا حرك كتفيه وقال بصوت مُتعب: _جيت علشان مش عارف طريق غيرك أنتِ ". استشفت هي حالته من صوته المتعب ولمحت خيبة الأمل في عينيه ، لذا مدت كفها تمسك بكفه ثم قالت بحنوٍ عليه حتي أكثر من حنوه هو علي نفسه: " وأنا طريقي مُرحب بيك حتي لو جاي هنا تايه ،انا مبردش حد ولا بقفل بابي في وش حد ،فاكر مرة لما قولتلي زمان اول ما اتعرفنا علي بعض؟ ساعتها قولتلي انك خايف علي طريقي من طريقك ،وانا ساعتها قولتلك اللي يسيب الدنيا كلها ويجيلي أنا هكونله دنيا لوحده ، كتر خيره قلبك لسه فاكرني " _ كتر خيرك انك لسه متعشمة فيا وفي قلبي خير " #إسماعيل_الموجي . #ضحي_فضل. #رواية_غوثهم .