بص ي ابني أنت هتفضل ملتزم كدا وفي حالك، وأول ما تقع في أي ذنب وتحس بالندم هتلاقي علطول 50 واحد بيقولولك ادعيلنا يا مولانا، و50 زيهم يغرقوك مدح وتعظيم، وتلاقي صاحبك بيسألك عن أسباب الثبات وعلاج الذنوب(ومش بعيد يسألك عن الذنب اللي أنت لسه واقع فيه)، والشيخ اللي مكلمكش من قبل الميلاد يتصل يتطمن عليك ويقولك "ياريت كل الشباب زيك ي ابني، أمثالك هم الأمل في نصرة الدين"، واحتمال يعيِّنوك تفتح القدس بكرة الصبح. وأنت يا عيني هتفضل كدا لحد ما تموت من جلد الذات. وأظن إن ربنا سبحانه وتعالى بيقدّر دا علينا عشان نزداد ندمًا وتصغيرًا واحتقارًا للنفس، فبالتالي يتطهر القلب أكثر وتزداد التوبة حُسنًا. فسبحان الودود! نعصيه، فيسترنا، ويُطيِّبُ ذِكرنا بين خَلقه، ثم يعيننا على حُسن التوبة. سبحانك أخْجَلَنا كرَمُك!