لما المنافقين اتهموا السيدة عائشة ف حادث الافك .. فضلت شهر تبكي ف بيت أهلها لحد ما دموعها نشفت .. والنبي جالها وقالها لو عملت ذنب توبي .. ساعتها حسيت أن روحها بتطلع فقالت " فصبر جميل والله المستعان على ما تصفون " ساعتها نزلت برائتها ف قرآن يتلي ليوم القيامه .. - سيدنا يونس لما قومه كدبوه اتضايق وسابهم .. ولما الحوت بلعه وبقي ف ٣ ظلمات " ظلمه الليل وظلمه البحر وظلمه الحوت " وخلاص مفيش أمل قال " لا اله الا انت سبحانك اني كنت من الظالمين " ربنا غير نواميس الكون وكان بطن الحوت مكان آمن له .. مش بس كده رجع لقومه لقاهم كلهم مؤمنين.. !! اعرف واحد مراته طلبت منه الطلاق واترفد من شغله وانطرد من بيته عشان الإيجار ف يوم واحد .. مشي في الشارع تايه ومتحطم ، عربيه خبطته واتنقل للمستشفى .. اللي خبطه كان رجل أعمال كبير عرف ظروفه فشغله معاه ودلوقتي هو صاحب أكبر شركه اخويا دلوقتي بيتعامل معه ف شغله !! سيدنا علي قال " اشتددي يا ازمه تنفرجي " فعلاً الفرج بيجي بعد الشده .. فلما تقفل كل البابان ف وشك والحزن تسرب لقلبك ومش قادر تاخد نفسك وتحس انك جبت اخرك ويأست أعرف أنك بينك وبين فرحك خطوه .. وأن ربنا بيبتليك عشان تفتكره وعايز يسمع صوتك وتلجا لمولاك .. وده مش كلامي ده كلام ربنا " أن مع العسر يسرا " .. مش معنى حلمك اتاخر انه مش جاي بالعكس ده بيقرب .. ولما الحاجة بتجي بمعاناه بتبقي قمتها أكبر وفرحتها اجمل .. وكل ما تصعب عليك حاجه قول " لا حول ولا قوه الا بالله العلي العظيم ❤