بصى يا أُختى فى الله يا حبيبة قلبى بص يا أخى فى الله ● تعالوا نقرب من ربنا شوية ؟ ○نقرب اى انتى بتحلمى ؟ ●لا بس تعالوا نحاول ○نحاول اى انتى لو تعرفى الذنوب والخطايا والحاجات اللى إحنا بنعملها مش هتتكلمى معانا أصلا...احنا قلبنا خلاص تجمد من كثرة الذنوب والخطايا والحاجات اللى بنعملها ●طب بس تعالوا كدا نفتح سورة الفرقان آخر صفحة.....هتلاقو ربنا بعد ما تكلم عن عباد الرحمن واخر وصف كان لعباد الرحمن إنهم _( إذا أنفقوا لم يسرفوا ولم يقتروا وكان بين ذلك قواما)_ .....واى كمان _(لايدعون مع الله إلها آخر)_ ... واى كمان _(ولا يقتلون النفس التى حرم الله إلا بالحق)_.......واى كمان _(ولا يزنون)_...دا بعض صفات من عباد الرحمان وبعدها ربنا بيقول _(ومن يفعل ذلك يلق أثاما )_ اللى هيعمل كدا هيكون عقابه شديد جدا ○شديد ازاى ●يعنى ربنا قااال _(يضاعف له العذاب يوم القيامة ويخلد فيه مهانا )_ ربنا هيضاعف له العذاب وهيكون فيه ذليل ومُهان وبعدها يجى ربنا يقول حاجه جميلة أوى يقول `(إلا من تاب وءامن وعمل عملا صالحا )` ○طب دول مالهم ●اصبر عليا ربنا بيكمل بعدها وبيقول `(فأولئك يبدل الله سيئاتهم حسنات _وكان الله غفورًا رحيمًا_)` شوفت بقا ربنا رحيم إزاى بعد ما قال هيضاعف لهم العذاب قال بعدها علطول واللى هيتوب أنا هبدله سيئاته حسنات وقال إنه _سبحانه وتعالى- غفور رحيم_ هيقبلك والله بس إنت توب هيقبلك بس روح اطلب منه إنه يشرح صدرك هيقبلك بس انت أخلص النية لله هيقبلك لو كانت ذنوبك ملئ الأرض كلها هيقبلك بس انت قرب منه هيقبلك بس انت ارجع عن المعصية هيقبلك بس انت أخلص العمل لوجهه الكريم هيقبلك بس انت حاول تعرف إنك من غيره متعرفش تعمل حاجه يلا نرجع يلا نقفل الحنفية المفتوحة الل قاعدة تجيب سيئات دى ونفتح واحدة تانية تجيب لنا حسنات وتدخلنا الجنة هنرجع مش كدا ؟ > والآخرة خير وأبقى...♡